** (( صـور من كشتتنا )) ** # رفحاء/ سامودهـ / وليـنـه/البـسـيـتـيـنــات#

[تقهو]

مساكم الله بالخيرات

وحياكم الله في موضووعي

وان شاء الله يحوز على رضى الجميــع

ويارب يكون افضل بكثير مما اتمنى ..!!


(( موضووعي اليوم ))

صور من كشتتـنـا يوم الاربعاء 20 / 2 / 1429 هـ التي استغرقت 3 أيــام

مشينا من بريده إلى قبه إلى ام عشر ثم إلى ساموده ثم غلى لينه وعويج لينه وبالاخير إلى رفحاء

ورجعنا الجمعه العصر

والحمد لله اقضيناها ايام جميله مع ان الجو ( بارد ) بعش الشي في اليوم الاول لكن الحمد لله تسهلت ..... !

مااطول عليكم احبتي ونبدأ بالصور ...:


::::::::::::::

طبعا هالصوره ذي اول ماوصلنا الاربعاء متأخرين بالليل نمنا وهذي فجرية الخميس .



شبيت الضويه .. وقعدت عنده .. << وش برده



قامو العيال كلهم ونزلت القهيوه والشاهي والتميرات والطحينه << اهم شي



تقهوينا ومشينا لرفحــاء



وصلنا رفحاء ... وفيه قبل رفحــاء ديره اسمه (( زبالا )) وفيــه آثــار لـ (( زبيــده )) .. زوجة هــارون الرشيـــد وهي قبل حوالي (( 1000 )) سنه او اكثر ..

وحفرتها عشان الحجاج على كلام احد الشباب ...!!

(( إليكم بعض الاثار ))



وهي عميقه مره بعضها فيها ماء .. وبعضها ناشفه ,,!



وصورت لكم اكبر بير في هذه الديرة ..

لدرجة اني وقفت عنده دخت من كبـره وانا متمسك بحديده,,,,,!!@@###$%

ورميت بوسطه ( حصاته ) وعدينا ( 8 ثواني ) بعدين سمعناه طاحت بالبير ...

وصورتها فيديو . بس مااعرف انزل فديو ..<< خخخخ

يوحش والله ولاتشووف آآخره





شوفو الشجر على اطراف البير ..





وهذا بير اكبر من الاول .. بس انه متكسرات اطرافه وخطر .. وحطو عليه سياج



وهذا بير صغنبووط



وهذي من آثــار زبيــدهـ



وهذي ابشركم شفنا المــاء اللي بوسطـه



فرشنا فرشتنا .. قلنا خلنا نشب على غدينا وهيـــن ...!!



<< واحد يدعي .. (( كالعاده لحيمات وفقع ))...



تفضلو ...

بس قبل غسل ايديــكـ



مشينا عقب الغداء وبالطريق لقينا راعي بعارين

واخذو العيال منه حليب

<< والله ياهي تبي اشرب هههههههههه



وهذا مكاان نومة الخميــس .. بقبه



طبعا انتم شفتوا اللي نيم بالفراش الاول ... راعي نوم يميــن قلتله المره الثــاينه ماحنا جايبينك معنا ....

واللي يسار يهوجس !!

واللي تحت يســار يكسر الحطب << كفوا والله

والوفد الصيني اللي هو انا .. بس اصورلكم ...



قمنا صبح الجمعه .. ومشينا للبـسـيـتـيـنــات

(( هي اللي بادي به الربيع شوووي )) بسباس وقريص .. زغينونات ..





وهذي ارض الـبـسـيـتـيـنـــات





انتــهــى


(( واعذرونا على القصور .. وعلى صفاوة الصور ))

بس اهم شي اقدم لكم شي << طلع لغز هههه

وابي راايكم بالصــور ......


والسلام عليكم

[صدى الصوت]

الحمد لله على السلامه

مشكور على الصور

منهو هالطباخ اللي طابخ هالكبسه والله ياهي شي

[مـاجـد الحـمـيـد]

[align=center]فـــــــــــــــقـــــــــــــــــــع !!! ؟؟؟

اعترف ياولد الهلي ... وين ارض الفقع ....



ماشاء الله تبارك الله ... الله يهنيكم وانا اخوك

والحمد لله على السلامه ...

لكن هالسنة الشكو لله الربيع مامنش لكن على قول بدر الحويفي ...

يقول ابو سلمان .. [/align]


[align=center][frame="9 80"][poem=font="Simplified Arabic,6,indigo,bold,normal" bkcolor="transparent" bkimage="backgrounds/24.gif" border="none,4,gray" type=0 line=0 align=center use=ex num="0,black"]
اللي فقدنا من نبات ونواوير = ماهو على المولى صعيب(ن) رجوعه [/poem][/frame][/align]




[align=center]والحمد لله على كل حال ...

تحياتي لك ياولد الهلي .. والمره الثانيه اشرب من الحليب وماجاك يمي ..

يقولون الأولين (( الموت مع الجماعه رحمه )) هههههه

تحياتي وتقديري ...[/align]

[خـــــــــــــــالـــــــــد]

احي و لد الهلي


ماشاء الله عليك


تقرير وافي و جميل


تصلح مراسل قسم السياحه


كاننا معك في الكشته



شكرا لك

[تقهو]

تشكرااتي لكم على

تشرفكم ومروركم الكريم


وعافاكم الله

وان شاء الله المره الثانيه نشرب حليب نياق

وننتظر بااقي لاعضااء

[ابو خليل]

الحمد لله على السلامه ياولد الهلي

وش هاالرحلات الخطره ههههه

تسلم يديك على هاالتصوير الرائع

تقبل خالص التحايا

[تقهو]

لعيونكم ...


كل شي يهوون


تستاااهلون اكثر والله


واشكركم على المرور


وشرفتنووونا والله


وننتظر بااقي الاعضااء

[الزمخشري]

حسبي الله عليك والله إني جوعان تكفى جوال الطباخ

وتسلم والله على الصور والله إنك ذكرتن بالبر واربييه هالسنة والله ماطلعت غير

مرة ومع شيبان تنزع الواهس هالطلعة .

[Queen of buraydh]

ماشاءالله لا اله الا الله


هذي رحله طيبه والله .. انتم يالرجال خفيفين ما يعوقكم شي لابزران ولا شي لو انا مكانكم كل اسبوع رحله بريه ..



بس هالسنه الدنيا غبره وشهابه .. الله يغيثنا


والله يهنيكم ويزيدكم من فضله ..

[شال رجال]

مشكوووور اخوي احلى مابهالرحلة اللحيمات والرزيزات والبصيلات هاهاهاها واحد يحب الاكل

[تقهو]

ههههههههه


اللهم آميــن

شرفتونا والله بردودكم الحلووه


والله يهنيكم


وبصرااحه الطلعاات زينه بس الارض شهبا على ماقال

[دينا]

[align=center]ماشاء الله تبارك الله
والله ياانتم وناسه
الحمد الله على السلامه
ويقلون وراه تقولين ليتني ولد
كل شي على كيفكم << حمقه

الا س سؤال

اقتباس: وهذا بير صغنبووط

صغنبووط << وشي

ودوووم هالوناسه يارب



[/align]

[تقهو]

ههههههههههه

حلوه

صغنبووط<< (( يعني زغينون )) <<و نكبرها زياده << (( يعني صغير ))

وهي تصغير لكلمة صغيره بقوووه ..ههههه

مشكوووره عالمرور

وشرفتينا بمرورك الجميل


وبارك الله فيك

[@@@الفارس@@@]

شكرا على الصور الرائعة

[الكبري]

الصراحة كشتتكم فلة .

وخويكم ما شاء الله عليه ياهو يحوف النثر .

بالعافية .

الله يعوضنا بربيع السنة الجاية .

مشكور على هالمتعة .

س وراك ما تشرب حليب النياق !!؟

لكم أطيب المنى