المتسولون الخليجيين في بريده

[النفسيه]

كنت اسمع باان هناك متسولون فكنت اعتقد ان اغلبهم يمانييه ويقلدون اهل الجنوب وباانهم سعوديين وبعد افتضاحهم اصبحوا قله وقليل من يمد لهم المال خصوصا الشباب


لكن الموضه الان هو المتسولون الخليجيين خصوصا الكويتتيين تصورا

اليوم السبت وعند وقوفي عند الصرافه كان بجانبها سياره كويتيه Bmw موديل ال 97 المهم عند انتظاري للدور بالسياره لاانها صرافه سيارات بجانب محطه بنزين لاحت سياره الاخ الكويتي واكان يكلم اي واحد يمشي من الصرافه وهو بسيارته كما قلت

المهم قلت شكله مضيع الرجال المهم صرفت ومشيت بالسياره الى الاخ يااشر لي قلت نشوف وش عنده

بالاخير انه مسافر ومامعه فلوس قلت هل الكلام مايمشي علي

انت اكيد كويتي وعندك خير والله هو ماهمن ابدا لكن الرجال معاه عياله
وولد صفير رضيع

و

[العفش]

يقول راعي المثل

عريان طاح على متويزر

[محسن الحربي]

بعضهم يتخذ منظر الخليجي وهو ليس كذلك!!

فيه عرب اتقنوا اللهجات الخليجيه وللأسف يشوهون سمعة اهل الخليج, بل يساهمون في زعزعة العلاقة بينهم بالتصنع هكذا.

فيه واحد عربي قابلته بالرياض في مغسلة سيارات, وخشيت معه سوالف وشكله ارتاح لي بالحيـــــــل :d

اخر شي خربها ابو الشـباب, وقام يسولف لي عن المرسيــدس حقته, وانه دايم يزور الكويت ويصير يفحط ويقطع اشارات والناس تلعن فيه وتقول سعودي متخلف

طبعا هو يقولها وهو مبسوط ويضحك بكل أسف !!

[harddream67]

ياخوي ماحد معصوم من ظروف طارئة ممكن تصير معه اثناء سفره 000 واحتمال الأخ يكون عابر سبيل انقطعت به السبل 0000على كل الحذر في هالامور واجبة مانقول شئ بس لا نظلم كل من سألنا المعونة وشكرا على الطرح

[جده غير]

لايمكن في هذا الزمن يحتاج اى شخص ويمد يدية للناس ويتسول بحجة انه مسافر
حيث ان بأمكان الشخص الاتصال على قريب له وتحويل مبلغ خلال ثواني من اى مكان بالعالم

[جوااااااااد]

انا شفت كذا واحد معهم سيارات اماراتيه و كويتيه

وجنسياتهم سوريه و اردنيه

[النفسيه]

اقتباس:  المشاركة الأصلية كتبت بواسطة جوااااااااد     انا شفت كذا واحد معهم سيارات اماراتيه و كويتيه وجنسياتهم سوريه و اردنيه

كلامك صحيح لااني لاحظت لهجته مو لهجة كويتي الاقرب لبدو الاردن وسوريا وكذلك استغربت من ولده الرضيع كان لون شعره اشقر
فاتح

[الظـــامي]

مع الأسف لا حظت هذا الأمر منذو سنين .
والغريب أن بعضهم غير عرب ويعيشون بالخليج ..
لكن تبي الصراحة : ما يجيهم مني سعة صدر ..
المهم أن الشخص الذي لايملك مالاً يكفيه .. لماذا يخرج من بلده ؟
بكل أمانة أنا لا أثق بهم .. لإنها موضة جديدة في التسول ..
شكرا لك أخي ..