كليه التربيه الادبيه والفوضى الحاصله((من المسؤول))؟؟

[كرستالة]

[align=center]السلام عليكم ...
اسعد الله اوقاتكم بكل خير...
مين المسؤول عن الفوضى الحاصله بكليه التربيه الادبيه للبنات؟؟؟
ماراح اسوي مقدمات للموضوع وراح اخش دايركت...
بصراحه بالبدايه انبسطنا بتطبيق النظام الجامعي وان الكليه راح تتطور للاحسن ولكن انصدمنا ان النظام كان مو من صالحنا!!!!!
مين يتخيل ان حنا في الاسبوع الرابع من الدراسه ولحد الان الجداول غير منظمه وفوضى حاصله في جميع الاقسام وفي قسم اللغه الانجليزيه خاصه!!!
لدرجه ان كثير من الطالبات لم يستلمن جداول تتوقعون ايش السبب؟؟
((لانهن الى الان تحت مسمى متعثرات))مع انهن ناجحات بمواد المحمول للعام الماضي!!!
للاسف نحن ناتي بكل نشاط وحيويه لنحضر المحاضرات على اساس الجداول اللي نزلوها الجامعه ونتفاجاااا((ان الجداول التي نزلتها الجامعه غير مطابقه لجداول الكليه))!!!!
السؤال هنا ليش يتعبونا ويتعبون انفسهم وينزلون جداول؟؟خلاص كان اعتمدت الكليه على جداول الجامعه وريحونا!!!!
اقسم بالله العظيم نداوم من الاسبوع الثاني ونروح على اساس انه فيه محاظرات ونتفاجا ان الدكتوره ياغايبه او تعتذر عن المحاضره!!!هل هذا يعقل؟؟؟
حسبنا المحاضرات خلال الاسبوعين اللي فاتوا ماجوا تقريبا الا 3او4 محاضرات!!!
واللي دفعني اكتب هالموضوع ماحصل لنا اليوم ((كان عندنا محاضره تبدا من الساعه 10 وتنتهي الساعه 12 ولكن نتفاجا ان جدول الكليه غيروا الوقت الى الساعه 8 وتنتهي المحاضره الساعه 10!!!!!!!!!!ولما ذهبنالدكتوره الماده بالمحاظره تتوقعون ايش قالت؟؟؟بالتاكيد طردتنا من المحاضره!!! وقالت مافيه نقاش وسوت لنا غياب اليوم!!))والله قمه القهر ان الطالبه تكون مهتمه وحريصه على مصلحه نفسها وتلقى اشخاص يقللون من هالاهميه((طبعا ماسكتنا على اللي صاراليوم وكنانتنظر رئيسه القسم اللي كانت عندها محاظره فاضطرينا اننا نستفسر من اعضاء التدريس لحد ماتوصل رئيسه القسم هذا من باب الاهتمام وللاسف كنت استفسر من وحده سعوديه وهذا الشيء اللي يقهر تدرون ايش ردت علي؟؟؟((الحين انتي وش عندك رازه خشتك هينا كل شوي!!!))هذا نص العباره اللي حكتها لي والله العظيم انصدمت من ردها يعني بالله عليكم هل هذا اسلوب وحده تربويه تناقش طالبه جامعيه!!!!
والله قمه الاستهتار والفوضويه!!!طبعا من باب الذوق مارديت عليها احتراما لفارق السن بيننا وبينها!!
وراح علينا اليوم بدون محاضرات!!والله ملينا نداوم والفوضى مازالت موجوده!!طبعا انا اتكلم عن قسم اللغه الانجليزيه وماادري عن الاقسام الثانيه...
انا كتبت هالموضوع اطلب المساعده واتمنى ان هالموضوع يصل لعميده الكليه لاننا مانقدر نقابلها بسهوله ...واتمنى تعطوني ارائكم وردودكم بهالموضوع...
وانا والله ماكتبت هالموضوع الا حرص مني على مصلحه الطالبات والكليه..
بانتظار تفاعلكم..
تقبلوا تحياتي..[/align]