ليش رشحوا ذولي واتركوا الباقيات !!!!!!!!!!!

[عاشق ديرتي بريده]

كلنا شفنا اسماء المعلمات المرشحات للتوظيف !
عندي استفسار وياليت القى له اجابه !!
مع اني مقتنع انه مافيه اجابه واضحه بس ابستفسر !!

على اي اساس رشحوا اللي طلعت اساميهن واتركوا الباقيات !!!!!!!!!

وعلى حسب علمي ان اكثر المتقدمات معهن شهادات خبره وشهادات اضافيه !!!


هل للواسطه دور او فيه أشياء لانعلمها !!!!!!!!!

[إنسانة غير]

ياآخي أرزاق الله اللي يوزعها ...والله الناس أمرهم عجيب

وعلى فكرة تشوف اللي طلعت أساميهن كرفن كرف موب صاحي على البند

وتمرمطن بالأهليات وجربن أنواع الإهانات

( والله لايضيع أجر من أحسن عملا)


بعدين لاتنسى إن الوظايف محدودة ولا كان كل اللي معهم خبرة توظفوا





تقبل مروري


أختك /إنسانة غيـــــــــــــــر


.

[عاشق ديرتي بريده]

اقتباس:  المشاركة الأصلية كتبت بواسطة إنسانة غير     ياآخي أرزاق الله اللي يوزعها ...والله الناس أمرهم عجيب وعلى فكرة تشوف اللي طلعت أساميهن كرفن كرف موب صاحي على البند وتمرمطن بالأهليات وجربن أنواع الإهانات ( والله لايضيع أجر من أحسن عملا) تقبل مروري أختك /إنسانة غيـــــــــــــــر .

انا مااحسد احد!!
انا اتكلم عن تعليم البنات على اي اساس رشحوا ذولي !!
مع ان اكثر اللي ماترشحن لهن نفس مواصفات اللي ترشحن !!
انا اختي معها شهادة خبره بالكمبيوتر وشهادة سنتين خبرة تدريس بمدارس اهليه ولم ترشح !!
مع ايماني الكامل ان اكثر المرشحات ليس لديهن شهادات خبره !!!

[فور يو]

اقتباس:  المشاركة الأصلية كتبت بواسطة عاشق ديرتي بريده     على اي اساس رشحوا اللي طلعت اساميهن واتركوا الباقيات !!!!!!!!! هل للواسطه دور او فيه أشياء لانعلمها !!!!!!!!!

عاشق

هذي مايبيلها معلم

اكيد الواسطه عامله دور و الأسماء مختاره منذ مبطي ...

اعذب تحيه للكل .

[فور يو]

رد مكرر .

____________

[المستشار2]

أخي .... أنا لي قريبة نزل أسمها من ضمن المرشحات وأبغى أعطيك معلومه .
والله لم تتقدم بأي واسطة , وثانياً متخرجة من عام 1424 هـ ومعها شهادة حاسب آلي لمدة سنة , ومعها خبرات بمدارس أهلية لمدة سنتين , ومعها شهادة خبرة لمدة سنة بالتعليم العام . وهي الثانية على دفعتها . كل هذا وتقول واسطة .

[إنسانة غير]

تلقى فيه ثانيات غير اختك معهن خبرات أكثر من أختك 3 سنوات أو 4 أو أكثر

بعدين لاتنسى إنهم يركزون على مصدر الشهادة >>من أي كلية أو جامعة أو معهد ويفاضلون

الموضوع مو بالسهولة اللي تتخيل

[عاشق ديرتي بريده]

اقتباس:  المشاركة الأصلية كتبت بواسطة فور يو     عاشق هذي مايبيلها معلم اكيد الواسطه عامله دور و الأسماء مختاره منذ مبطي ... اعذب تحيه للكل .

طيب وين كلامهم يافور يو يوم يقولون ان التدريس وخصوصا الوظائف التعليميه مستحيل تلقى فيها واسطه !!!!!

[عاشق ديرتي بريده]

اقتباس:  المشاركة الأصلية كتبت بواسطة المستشار2     أخي .... أنا لي قريبة نزل أسمها من ضمن المرشحات وأبغى أعطيك معلومه . والله لم تتقدم بأي واسطة , وثانياً متخرجة من عام 1424 هـ ومعها شهادة حاسب آلي لمدة سنة , ومعها خبرات بمدارس أهلية لمدة سنتين , ومعها شهادة خبرة لمدة سنة بالتعليم العام . وهي الثانية على دفعتها . كل هذا وتقول واسطة .

اخوي المستشار اتمنى ان يكون كلامك صحيح لكي ترتاح من لم تترشح !!

[فور يو]

اقتباس:  المشاركة الأصلية كتبت بواسطة إنسانة غير     الموضوع مو بالسهولة اللي تتخيل

نعم ياعاشق الموضوع مو بالسهوله اللي تتخيلها ان الوحده يتم تعيينها

بشهاداتها و خبرتها و بذمه وضمير ونزاهه ...

أجل اصحاب الواسطات والمسئولين وش يسوون ...؟ يقعدون يقشرون بصل

و يخلون بناتهم و قريباتهم و اللي يعرفونهن بلا وظائف وحتى لو هن مو مؤهلات ...

لالا ... مايصير ... هنا في هذا البلد الوظيفه لمن غلب ...!

اعذب تحيه للكل .

[عاشق ديرتي بريده]

اقتباس:  المشاركة الأصلية كتبت بواسطة إنسانة غير     تلقى فيه ثانيات غير اختك معهن خبرات أكثر من أختك 3 سنوات أو 4 أو أكثر بعدين لاتنسى إنهم يركزون على مصدر الشهادة >>من أي كلية أو جامعة أو معهد ويفاضلون الموضوع مو بالسهولة اللي تتخيل

اختي انسانه غير
مدام انك تقولي ان الموضوع مو بالسهوله اللي اتخيل !!!
اتمنى انك تعلمينا سياسة التوظيف لكي تستفيد من لم ترشح !!!!

[فور يو]

اقتباس:  المشاركة الأصلية كتبت بواسطة عاشق ديرتي بريده     طيب وين كلامهم يافور يو يوم يقولون ان التدريس وخصوصا الوظائف التعليميه مستحيل تلقى فيها واسطه !!!!!

اثاريك طيب وعلى نياتك اخوي عاشق ...

كلامهم استهلاك اعلامي فقط ...

قاعده في بلدنا :

مع الواسطه لامستحيل ...

اعذب تحيه للكل .

[مياسة]

[align=right]أبــــداً يا أخوي عاشق ...صدقني كلاً ماخذ حقه .. ورب العالمين ما يرضى الظلم بين عبادة
وإن صار الظلم .... لابد ويجي يوم ويظهر الحق ...

أنا ما طلع أسمي هالسنه منه العوض وعلية العوض [/align]

[عاشق ديرتي بريده]

اقتباس:  المشاركة الأصلية كتبت بواسطة فور يو     اثاريك طيب وعلى نياتك اخوي عاشق ... كلامهم استهلاك اعلامي فقط ... قاعده في بلدنا : مع الواسطه لامستحيل ... اعذب تحيه للكل .

طيب مدام الوظائف محدده مسبقا !!
ليش الله ياخذهم ماعلمونا بس خلونا نرتز بالشموس ونصور اوراق ونجيب ملفات
وبالاخير مصيرهن الزباله !!!

[عاشق ديرتي بريده]

اقتباس:  المشاركة الأصلية كتبت بواسطة مياسة     [align=right]أبــــداً يا أخوي عاشق ...صدقني كلاً ماخذ حقه .. ورب العالمين ما يرضى الظلم بين عبادة وإن صار الظلم .... لابد ويجي يوم ويظهر الحق ... أنا ما طلع أسمي هالسنه منه العوض وعلية العوض [/align]

اختي مياسه انا مااعترض على القضاء والقدر !!
وراح يجي اليوم اللي يتحاسبون فيه اهل الوسطات !!

مياسه ياليت تقولي لنا هل عندك شهادات خبره اولا !!