أحبتي واهلي في منتدى الأدب والشعر والقصة :
هذه مشاركة متواضعة .... هدية مني للجميع عموما وللشقردي خصوصا ..والذي
ما زال يصر على أنني شاعر ...............
ـــــــــــــــــــــــــــــــــــــــــــــ
حفيت قدم رجلي وانا اتبعك واتليك
********************** واقول باكر يفرج الله علينا
لا قلت لي حاضر ولا قلت ما ابيك
********************** يا ظالمٍ ربي يشوف ويعينا
قلبٍ يشوف من المصايب ويغليك
*********************** في داخله والله مالك وزينا
ليتك تشوف العين لا حل طاريك
********************** من البكا تشكي اليسار اليمينا
وياليتني ياسيدي من بنا خيك
********************** حتى اليا ضاقت عليّ أنتخينا
يفز قلبي لا تذكرت ما ضيك
********************* ايام جيتوا في بريدة وجينا
ياما خذيت ايدي وقربت ايديك
************************* وياما تقول ارجوك لازم تجينا
وياما تناديني وياما أناديك
*********************** وان قالت امك هيه حنا استحينا
واليوم قلي يامنى الروح وش فيك
************************ ياكيف تنسى يالغضي ما كلينا ..؟؟
حيل الله أقوى كان خابت رجاويك
*********************** وحيل الله اقوى دام مالي عوينا
ارحم خفوقٍ باغلى الاثمان شاريك
************************ اقبل عليه ...!!! أو تلّ منه الوتينا !!!!
ابراهيم الخالدي 1417
العرض الشجري