السلام عليكم ورحمة الله وبركاته
اتفقت انا وثلاثه من الشباب نروح نمشي على رجليننا لمسافات بعيده
منها رياضه ومنها نوخر عن قسايم السيارات الي كسرت ضهورنا
توقفنا عند حديقة الشماس ارتحنى تعشينا قلنا نرجع لبيوتنا وكانت الساعه 2ونص تقريبا
وكان اقرب طريق لنا اننا ندخل من السوق الداخلي دخلنا السوق
واول مادخلنا ويلقانا عسكري
العسكري : تعالو
حنى : جينا وعلامات الاتعجب فوق راسنا !!
العسكري : وش عندكم هنا
حنى : والله جايين من حديقة الشماس ومتجهين لبيوتنا
العسكري : اثبتاتكم
حنى : وكل واحد يطلع اثباته ونعطيها العسكري
العسكري : تفضلو
وخلاص يالله على بيوتكم
حنى : سم
ونمشي ويوم جينا نطلع من السوق متجهين لحي السادهـ عاشن نطلع عن السوق نهائي من طريق سوق الذهب
ويقوفنا عسكري ثاني ..
العسكري : تعالو
حنى : جيناهـ وبعد الف علامة تعجب فوق راسنا يعني مامعنى سياره ومامعنى شي ليش يوقفنا
العسكري : من وين جايين
حنى : من حديقة الشماس متجهي لبيوتنا
العسكري : وين حديقة الشماس
حنى : عند البلدية
العسكري : طيب ليش جايين من هنا ليش مارحتو من وراء
حنى : من هنا اقرب وندل اكثر
العسكري : طيب من وين جايين تكذبون ماجيتو من حديقة الشماس
حنى :: يابن الحلال والله جايين من الحديقه
العسكري : لا قولو الصدق من وين جايين ..؟
حنى : وش نقولولك تبينا نكذب عليك
العسكري : طيب اثباتاتكم
ونعطيه الاثباتات
ويقولونا اعترفو عشان اتركم
حنى : ياخوي قلنا لك الي عندنا
العسكري : وهو يسكر الدريشه خلاص اوقفو قدام الموتر
ونوقف ونرص ساعة
وبعد ساعة وتجي الدوريه الاولى
وينزل عسكري ملتحين قلنا ابد هاذا الحين الي بيسير امورنا
العسكري السلام عليكم
حنى: وعليكم السلام
ويجي خوي العسكري الملتحي الثاني
: وش القصه
حنى : ونعيد ونكرر حنى جاين من حديقة الشماس متجهين لبيوتنا
العسكري : تكذبون اعترفو من وين جايين
حنى : والله العظيم جايين من الحديقه
العسكري: طيب وش انتم سارقين ..؟
حنى : اوقلك جايين من حديقة الشماس تقولي وش سارقين !!!!!!
وتجي الدوريه الثانيه والثالثه والرابعه
ويجلسون يحققون ساعه قسم بالله كرهنا المشي والله العظيم ودبلو كبودنا
واخرته خلاص حنى مسامحينكم
بس لامعركم تتعودون لها
ويعطوننا الاثباتات بعد تفتيشنا وتقفيل جوالاتنا
ويالله توكلو ..
وش رايكم ..؟
يعني الحين حنى تاركين الموتر بالبيت عشان ما ناخذ قسميه
مع العلم ان والله السياره ماه شي حتى ولا تغبير
واورقنا كامله
بس قلنا نتمشى واخرته يجلسون يرصوننا ولا بعد ناوين يشلوننا للقسم بس مافكنا الى الظابط ..
المهم ماحب اكثر قرق تعليقاتكم ..؟
العرض الشجري