قبل أن أذكر لكم القصة التي حصلت أمامي اليوم .. حبيت أقول
في رمضان بالذات .. يعاني أئمة مساجد بريدة من بعض التدخلات من بعض الشيبان هداهم الله
واحد يقول : أقصروا المكرفونات .. والثاني يقول : طولوا عليهم .. واحد يقول اقصروا على المكيفات والآخر يقول : الجو حار وشغلوهم كلهم
ولا عزاء لكل من يواجه من هذه النوعيات
أقسم بالله شي مخجل ومعيب من الأطفال فما بالك ممن امتلأت وجوهم بالشيب و علامات كبر السن
هذه القصة ليست من أفلام الهوليود ولا مسرحيات المآسي
بل هي واقعة أمام عيني .. وعند زيارتي لأحد الأخون صليت لديهم في مسجدهم .. وبعد صلاة المغرب حدثت المعركة الكلامية أتبعها معركة بالأيدي بين إمام المسجد وأحد الشيبان من جماعة المسجد 
, اللهم لا شماتة
والسبب مكيرفون المسجد .. الإمام رفض يقصر المكرفونات وراح الشايب وشال المكرفون من المسجد هههههه يعني الدعوى أملاك خاصة
تخبرون في صلاة المغرب دائما تمتليء المساجد والناس خذ فرجه يعني راح فيها طاش ما طاش أو غبار الهجير ههههه اللهم لا شماته
المهم الدعوى ما انتهت .. يبدوا أن المسلسل في حلقته الأولى .. وباقي حلقات ..
هذا الموقف واحد من المواقف .. فذاكرتي للأسف محظوظة في الكثير من هذه الأحداث ..
تصدقون مرة من المرات قام واحد شايب ينصح بالناس وبنفس اللحظة قام عليه إمام المسجد وعطاه كففف على وجهه
ولا تنسون الشايب اللي راح يشتكي إمام المسجد لانه يقرأ من كتاب يرفضه الشايب بسبب خطأ شرعي فيه
وأيضا .. تذكروا هالشايب نفسه عندما انتقل من حيهم إلى سكنهم الجديد في حي آخر .. وقعد لإمام المسجد ناشب في حلقه .. مره يقول لا تطول في الصلاة .. ومرة يقول لاتتأخر بالصلاة .. ومرة يقول أنك أحياناً تتأخر بالصلاة علشاني .. ههههههههههه تنسيم هالشايب
واحد من الشيبان تخيل قدام الناس بصلاة التراويح يصوت للإمام بعد احد التسليمات ويقوله : أبعد خشك عن الميكرفون .. اخلاق زفت خخخ
المهم هذه القصص واقعة وأغلبها وقفت عليه بنفسي والعامل المشترك فيها بعض الشيبان الله يهديهم
والله يا بعضهم أنه حقنه ..
مثل هذه النوعيات مالك إلا تصبر وتعطيهم أشكل .. صحيح انهم بلوى , لكن الصبر عليهم جهاد متى ما أخلصنا النية عليهم فهذا بحد ذاته أجر عظيم
شيبان بريدة .. واللقافة ..!!
العرض الشجري