إلى متى يا شركة الإتصالات ... لا تهتمين بالمواطن

[كريمل]

السلام عليكم ورحمة الله وبركاته

اليوم بالتحديد الساعة العاشرة والربع صباحا ً

كنت في مبنى شركة الاتصالات في مجمع العودة جنوب أسواق العثيم

وإذا هي زحمة صراحة والكل ينتظر واللي يناظر ساعته !!

فجأة قام واحد من الرجال الحارين

وقال للموظف يا أخي الحين حنا منتظرين لنا أكثر من ساعة ونصف
ولا تحرك إلا واحد بس

يا خي وش الموضوع بالظبط !!

قال الموظف عفوا ً ... للي قاعد يكلمه مهب للرجال

قال يا خي النظام عطلان

قال الرجال ليش ماعلمتنا إنه عطلان راصنا بس على الفاضي !!

وصار فرجة والعام تجمعت والسكيرتي ما له سنع

ومسؤولين المبيعات تحت كل واحد صافط له عميل لمدة ساعة ألا ربع .. صحيح

مع إن نظام الشرائح والكروت يشتغل

ماعدى الثابت

معني هذا أن فيه سستم وإلا مافيه ... مافيه فايدة

إلى متى يا شركة الإتصالات ... لا تهتمين بالمواطن