طبعا كلكم تعرفون ان جمعية الرفق بالحيوان .في امريكا .تدار تحت ايد خبراء ايدلوجين وعلماء فيزياء واساتذه تدرس في اكبر الجامعات الامريكيه والاوربيه فضلا على عضوية بعض .اعضاء مجلس الشيوخ والكونغرس الامريكي.وكبار رجال الاعمال .ولفنانيين الامريكين .والبريطانيين .وغيرهم من الجنسيات الاخره .وهي منظمه معترف ابها بجميع انحاء .دول العالم تقريبا ..ومن اعمال هالجمعيه هي محاربة .انتهاك حقوق هالحيونات والاستماته على حمايتهم.واظنكم تذكرون .مطالبة الفنانه بريجيت الفنانه الراقيه المهذبه الخلوقه سليلة الحسب والنسب والشرف اللي كانت تقوم في معظم اعمال الدعاره الفنيه من باب دعم .الحيوانات والسبيل في حياة رغده لهم ..طالبت المسلمين في عدم ذبح الأضاحي .بهذه القسوه (( الظاهر ان كان قصدها نبنج الخرفان قبل نذبحها )) ورفعت دعوه قضائيه على المسلمين .ولا ادري رافعته على مين فينا المهم ان المنظمه هذي كانت تقاتل من اجل حماية الحيوان لدرجة انه في .فترة من فترات الحرب .العرقيه .اللي كانت تدار رحاها في البوسنه والهرسك ..تدخل فريق من الكوماندوز لحماية دب .اسود .نادر .من ايدي القناصه الصرب والبوسنيين ..وفعلا تم انقاذ الدب .وكان على مقربه مئات الامتار من انقاذه .ثلاث عائلات بوسنيه مكونه من خمسه وعشرين فرد قتلون على ايد الصرب .والتمثيل في جثثهم
.....المهم ان هالجميعه في احد الولايات الامريكيه وبالتحديد في ولاية ميسوري .اجتهدت جاهده في تزويج كلب من النوع النادر على سلق من النوع اللي مش حالك وطبعا جلسو اكثر من سنتين في محاولة لقناع ارباب هالكلبين .الا انه بأت بالفشل .وطبعا جا رفض اهل الكلب ابن الذوات ان السلق ماهوب من مستواه .وجا رفض السلق اللي مش حالك هو انهم لايفتكرون اهل الكلب ابن الذوات انهم داخلين على طمع ..المهم انه في النهايه بعد جهد جهيد ومفاوضات .تكاد تكون اعنف من مفاوضات اوسلو وشرم الشيخ .وكامب ديفد في النهاية تم تزويج .الكلب على السلق اللي مش حالك رغم اعتراض ارباب الكلب ابن الذوات وكانت حجتهم .في عدم تزويجه من السلق اللي من عايله مش حالك . خايفين على كلبهم انه يتطبع بطباع السلق .ويصير قليل اصل عشان كذا واجه معارضه شديده من اهله وطبعا اقصد بهله اللي مربينه عندهم في البيت .وطبعا الامريكان يعاملون الكلب معاملة عيالهم جعل ربي يكثر عيالهم والمهم في هذا كله هو التكلفه اللي تكلفوها على هالعرس .وقبل لا ابدا بالتكاليف بقولكم وش اساميهم ..الكلب مسمينه .ارثر (( ونعم ))كلب ينحدر لنوعية الدوبر .ولا ادري وش هالدوبر حاولت اعرف وش هالنوع من الكلاب لكن للأسف فشلت .عشان كذا بكتفي بالاسم والكلبه بوشي(( الله يستر علينا وعليها )).تنحدر من سلالة السلق (( ونعم عايله معروفه )).نجي الحين للتكلفه وبنبدا في بوشي . فستان عرسها بس كلف خمسه غيراط من الاماس ((مدري ليه مرات الواحد يتمنى يبشبشها )).والكلب ابن الكلب ابن الذوات كلف السوار اللي على رقبته نص كيلو ذهب عيار 78648 يعني ماعاد ناقص هالذهب الا انك تاكله مع خبز وكوب شاهي من النقاوه ومطعم بلماس حول الطوق (( ال آرثر آرثر لو طوقته بالذهب ))..المهم ان اجمالي العرس كامل كان اكثر من مليون دولار .. (( حسبي الله عليهم سعر عماره على كورنيش الخبر )).ويقولك اللي (تشرفو )في حضور هالعرس الف خمس مية متشرف (( والظاهر ان معظمهم حضر كلن يعرض كلبته يمكن ربي يوفقهم بكلب ابن كلب من حمولتن طيبه .يسوي لهم زي بوشي وارثر وفي الحقيقه اني انبهرت لكن بعد انبسطت لنه عندنا في مزرعتنا تكرمون كلب ابن ستعش كلب .يعني بكره لو افلست زوجته من هالكلبات الامريكيات وخذ الجنسيه الامريكيه (( مع اني داري انه بيرفضها .وبيقول ليه احذ الجنسيه الامريكيه مرتين ؟؟ )) المهم ..بختمها بسؤال كم كلب في هالعالم تحتاج المنظمه تحميه ؟؟..وكم طفله وطفل فلسطيني محتاج يكون بوشي؟؟؟..سؤال يحتاج شخص عرف الفرق بين الطفلة ايمان ومحمد الدره و(بوشي)
08-18-01 05:49 AM
العرض العادي
