إلا متى وحنا متكلين على غيرنا لأزم أحد يزينا المفروض كل وحده تعتمد على نفسه..

[حلى وكلي غلا]

السلام عليكم
كيف حالكم يابنات؟؟؟؟
حبيت أكتب هذا الموضوع للإستفاده وحب الخير ...............
دايم أنا وأهلي نكره العزايم والزواجات ونتعذر ولانحب أنروح للأننا نزمل لأن
لأزم أنتزين مكياج وأستشوار وكم راح يكلف علينا
وكل عزيمه لازم ندفع فصعبه أشوي!!!!

فقالت لي وحده من الأخوات الله يجزاه جنات النعيم ليش ماتخذين دورة تجميل مكياج وأستشوار وأتصلحين نفسك وخواتك
أدخلت الفكره ..........

يوم طرحته على أهلي .............الصراحه أنواع التحطيم خخخخخخخخخخخخخ

وبعد وبعد وبعد ..أقتنعو
رحت لمعهد وأخذت دورة تجميل شامله عند المدربه الصراحه روووووووووووعه لالاللمدح كلمة حق
ومن يومه وأنا مرتحه ومريحه أهلي وعقبه ماخلينا عزيمه معزومين له إلا رحنا له
ووفرنا على أنفسنا وصرنا أنروح وحنا مبسوطين...........

كتبت الموضوع للإستفاده ......إلا متى وحنا متكلين على غيرنا لأزم أحد يزينا المفروض كل وحده تعتمد على نفسه..

[بطلة العالم]

نعرف بلا دورات
والحمدالله الواحد يكون واثق من نفسه

واحلى النعومه من المكاييج والتسريحات

تقبلي مروري

[حلى وكلي غلا]

بسم الله الرحمن الرحيم أنا ماقلت غصب أدخلي دوره .....ياليت لو تتكلمي عن نفسك
أنا أقول الي مثلي ماتعرف وكثير تحتاج وتلجى للكوفيرات أوفر لك وأحسن لك تتعلمي بنفسك
وتكلمت عن تجربتي لأخذ العضه ....لأني والله شفت الفرق(ماشاء الله تبارك الله)

[بطلة العالم]

انا اكيد اتكلم عن نفسي واللي حولي

انا عن نفسي كثرة المكياج والبهرجه مو حلووووه ابد


بشو الفرق الله اكبر مكياج تغسلين ويروح

[حلى وكلي غلا]

الحمد لله والشكر أصبحت أضع المكياج بكل سهوله أنا قبل ماأعرف أحط كحل قلم أبد ولاأعرف أمسكه وبفضل ربي الحمد لله ثم الدوره أصبحت مبدعه ملاحظه :بنت خالي أخذت دوره أبمعهد هنا ببريده ولا أستفادت شي أفهي تعتمد على المدرسه الي تعطيك أنا مدرستي مخلصه مره وبدت معي حبه حبه لمن أتقنت كل شي وبعد الشعر أصبحت أستشور بالإستشوار الي على شكل مسدس الحار حق الكوفيرات بكل سهوله ولله الحمد(ماشاء الله تبارك الله)
مع العلم أن الدوره شهر كامل فقط
وأخذت عليه شهاده
وأنا كاتبه الموضوع من كثر ماتندمت على أني ماأخذت الدوره من زمان.........

[حلى وكلي غلا]

متحمسه وأنا أكتب الموضوع مافيه أحد يقول لي يعطيك العافيه

[دقات قلب]

الله يعطيك العافيه قلبي ومشكوره على النصيحه
انا عن نفسي مافي امل ادخلها ..
تقبلي مروري خيتو

[حلى وكلي غلا]

الله يعافيك يادقات قلب ....
بس معليش أبسألك ليش ؟ترى والله الشغله حلوه وسهله
البنات الي أدرسوا معي قدمو على شغل بشهاداتهم المعتمده وأشتغلو ماشاء الله
أما أنا الصراحه يكفين أني ريحت أهلي من المصاريف

[حلى وكلي غلا]

بنات لنتحد ضد المشاغل وضد التلاعب الي فيها من أتصوت معي ..

[مهـــــآآوي]

والله كلامك كله عين العقل ... اصلاً هالمشاغل لاعبين علينا ... واحيانا مكياجهم من النوع السيء ... وغيره كثيييييير ..
المهم ... انا معك يالغاالية ... وانا عن نفسي الحمدلله والشكر اعرف احط لنفسي مكياااج من احسن مايكون .. ولا احب مكياج المشاغل اللي يخلونك احيانا مثل الجنية ..
..على كل الله يسعدك على هالفكرة الخطنطيييييييييرة ....

[حلى وكلي غلا]

يعطيك العافيه ...ياموهته ..صدقتي بكلامك لأكن من يسمع
أشكرك على مرورك المميز

[خيــالة ماتــهاب]

موضوع حلو متشكرات ياحلا

[حلى وكلي غلا]

العفووو هذا من ذوقك........ياخيالة ماتهاب

[شـموخ انـسـآنـہ]

صحيح والله فيه بنآت مايعرفون ششي
ولو حفله بسسيطه لزوم يروحون للمشغل
أنا عن نفسسي إسستحاله أروح لمشغل إلا إذا كانت الحفله قريبه مرره
ششعري أسوي بنفسسسي ومكيآج مآنيب رآعية مكياج إلا ع الخفيف بس وأنا اسويه بنفسي

عوآفي إن ششآء الله يستفيدون منه بعض الصبآيآ

[حلى وكلي غلا]

الله يعافيك ......ياشموخ إنسانه
أتمنى البنات يعطون الموضوع حقه في التفكير
لأن لو فرضنا بعزيمه وحده أنا وأهلي دفعنا ألف ريال على الأقل مثلك عارف (الي تبي تسريحه والي أستشوار والي تبي تصبغ غير المكياج .......)وخلال سنه لو نفرض 10عزايم أومناسبات كلفت 10 ألاف على الأقل وأبعشر سنوات 100ألف على الأقل
ولو وحده منا على الأقل أتعرف كان وفرنا مال +وقت +وزمل
والنتيجه : الإعتماد على النفس وعدم الإسراف

وأولأ وأخيراً الكل حر..