الو.. محل الحلويات .. نبي ، ونبي ، والفاتورة باسم بيت أبومحمد.

[الاخطبوط المرقط]

سلام للجميع بطعم زيارة خطافية لا تكلف فيها

ضيقن على أنفسهن في عزائم الصديقات والقريبات ، والزميلات ، من خلال رحلة لا تنتهي من المسح والتلميع والكنس أفقيا وتنازليا ، وإعلان حالة الطوارئ في جميع ردهات المنزل طوال اليوم !!

لا تنس اتصالتهن عاليات ختم الجودة على قوم [آهلين ] [شو بدك] وطلبات لا تنتهي من الحلويات والكنافات والعصيرات ، وكل ماسبق يعد مساعدا لما سيعد على فرن المنزل حتى لا تنحرم الهوانم الأوبهات من عبارات [وش حلاته طبخك تسلم ايدك] تهيم كل واحدة منهن بعدها عبر أفق ممتد وكأنهن نجحن في اختراق تحصينات العدو عبر طائراتهن الهادرة الأف 16

المضحك في تلك العزائم أنها انقلبت رأسا على عقب ، فبدلا من أن تكون أمسية جميلة من أجل التواصل ، والوناسة ، وتبادل القال والقيل ، أصبحت[غرابيل زمن] وأشغال شاقة طوال اليوم !! وعاشت أمجاد عقول أمة ترى مجدها وشموخها في سفرتها المكلفة بمئات الريالات والعامرة بكل جديدة ومضر بالصحة.

رحم الله والدتي ورفيقاتها فطالما أزحن الستارة الماجدة من على منصات مسارح عزائمهن المسائية أو الضحوية بـــــــ [مدهــ] ودلة قهوة مع تمر ، وابريق شاهي متعفت ومتنيل على عينه ، وصحن كراث .

السؤال المهم ... يابنات حواء إلى متى وأنتن تصنعن الصعوبات
والغراابيل وسط ميادين تبادل الزيارات!!
متى نرى الحال يمر بشكل طبيعي بعيدا عن التضييق عليكن وعلى بعولتكن !!
متى نشاهد المسكينة [الخدامة ] تنعم بزيارة خطافية سعيدة أم أن الزمن كتب
عليها أن تردد عبر موال حزين ..
متى يجي عند مكفولتي حسن التدابير .. ومتى يجي وقت السفر والخلاصي.
فتكم بعافية.

[فديكا التميمي]

عاد مبالغ اشوي بس معك حق هالرسمياات موجوده والناااس يستنسون بالقرق يعني
قدمي كل ماعندك يالله تسلمين منهم هذا غير اللبس تراك ماتطرقت له...

[مـامثلي أحد]

ومن هالرسميات تقاطعت حبال الوصل والزيارات
وصار الجار الجدار بالجدار مايعرف جاره

[التنين الصيني]

هذا اذا كانت عزيمة ......

بس اذا كانت قطة ..... وش يصير ..؟؟

كل وحدة تخترع حلا جديد ..... ليش ؟؟؟

علشان فلانة تتصل .... وتقول وشي مكونات الحلا والطريقة ..؟؟ بعدين خذ تميلح .....ههههه

على بالهن .... ريتشل راي ...... خخخخخ

[لعيون دودي]

عزيزي..
للاسف هو واقع لدى (الغالبية) من النساء ترهق كما تفضلت نفسها وتجند من في المنزل معها
لكن هذا واقع المجتمعات النسائيه فمن غير المعقول بوجهة نظر (الغالبيه)منهن ان تقدم برتوكلات اقل من برتوكلات سابقاتها في اجتماعاتهن.. وهذا مدعاه للقطيعه اكثر لما فيه من ارهاق قد لايطيقه البعض ..
وقفه/ لدي مع قريباتي(اجتماع دوري شهري) قبل تحديده وضعنا قواعد مهمه لاتمام الاجتماع
اولها: الحضور باكرا بعد صلاه المغرب مباشره
ثانيها :واهمها عدم التكلف في الضيافه بحيث يكون التقديم بسيط جدا فالبيوت ملاء بالخيرات الهدف من الاجتماع التواصل وليس ملاء البطون و(المجاكر) وحتى الان الجميع منضبط بالشروط
دمت برعايه الله

[قـتـالـه]

ابكيفنا ..!
التعب على قريشاتنا ..
اجل تبوننا نتقابل على صامولي وبريق عدن !

[شموخـ إمرأهـ]

فعلا زي ما قالت

لكن اهتمامي بسفرتي وحرصي عليها يدل على اهتمامي بضيوفي

لكن لا ضرر ولا ضرار يعني كل شئ بحد المعقول

صنف اوصنفين من الحلا يكون لذيذ وتقديمه مغري
+3 اصناف عشاء

همن عاد جح وجروو ودور احد يقطعهن غيري >>اي احد ابي اعزيمه ماعندي لك الا كذا

[زين نجد]

الأخطبوط

لنكن واقعيين ما أحد يبي يعزم حي الله عزيمة..
انا عن نفسي وأنا رجال إذا ما تكلفت بالعزيمة والا ما أعزم وتلقاني زمل من قبل يومين وهذا شيئ ما ودي فيه بس غصب.
( أبوي إذا حضروا الرجال تلقاه يقوم ويجلس وهو ما عنده شيء ).>> شكلها وراثه.!
إذاً ما بالك بمجتمع النساء.. يعني تخيل زوجتي عازمةٍ حمولته راح تحط لهم صنفين.! بالعقل يعني.!
أو عازمةٍ صاحباته ترا الناس تنقد وخاصة في هالديرة معليش الناس شبعانه ببيوته وأنا ما احب اللي يتكلف لي بس عن نفسي لازم أتكلف وأشرف أهل بيتي..

أما إذا كانت دورية شهريه فعليهم إنهم يتفاهمون بعدم التكلف لأنها دائمة وهذا مايحصل بين العوائل .

وللمعلومية ترا ما تقاطعوا الناس إلا بسبب التكلف والبذخ الزائد.

تحياتي،،،،

[لعيون دودي]

اقتباس:  المشاركة الأصلية كتبت بواسطة زين نجد     الأخطبوط لنكن واقعيين ما أحد يبي يعزم حي الله عزيمة.. انا عن نفسي وأنا رجال إذا ما تكلفت بالعزيمة والا ما أعزم وتلقاني زمل من قبل يومين وهذا شيئ ما ودي فيه بس غصب. ( أبوي إذا حضروا الرجال تلقاه يقوم ويجلس وهو ما عنده شيء ).>> شكلها وراثه.! إذاً ما بالك بمجتمع النساء.. يعني تخيل زوجتي عازمةٍ حمولته راح تحط لهم صنفين.! بالعقل يعني.! أو عازمةٍ صاحباته ترا الناس تنقد وخاصة في هالديرة معليش الناس شبعانه ببيوته وأنا ما احب اللي يتكلف لي بس عن نفسي لازم أتكلف وأشرف أهل بيتي.. أما إذا كانت دورية شهريه فعليهم إنهم يتفاهمون بعدم التكلف لأنها دائمة وهذا مايحصل بين العوائل . وللمعلومية ترا ما تقاطعوا الناس إلا بسبب التكلف والبذخ الزائد. تحياتي،،،،

زين نجد...
لم نقل (حي الله عزيمه) لا احد يرضى بان لا يكرم ضيوفه لكن باعتدال وليس بحكر الاصناف او بزيادتها بل الاعتدال بكمياتها حتى لا يكون مكانها سله المهملات...
عزيزي...
نطقت بها شفاك وخطها قلمك (للمعلوميه ماتقاطعو الناس الابسبب التكلف والبذخ الزايد) !!! يعني انا داعيه الاقرباء وليسو باغراب اجتماع عائلي لم التكلف والمغالاه؟؟
عندما تكون المناسبه كبيره (الاعياد,الاجتماعات العائليه الكبيره,التمائم) وغيرها هنا يستوجب ان اقوم بالضيافه على اكمل وجهة وضيافه عربيه اصيله لكن بدون مغالاه واسراف

دمت برعايه الله

[الاخطبوط المرقط]

اقتباس:  المشاركة الأصلية كتبت بواسطة فديكا بريده     عاد مبالغ اشوي بس معك حق هالرسمياات موجوده والناااس يستنسون بالقرق يعني قدمي كل ماعندك يالله تسلمين منهم هذا غير اللبس تراك ماتطرقت له...

على كثر لقافتك ومناقزك بالمجلس الا انك نمرة بعقلك وسالفة الخلقان ماتطرقت لها عشان اقصد زيارة العصرية وبعد المغربية يعني هزايم الجارات والرفيقات الخاصة
ولا ان جينا للحفلات والدوريات والعشيات فاانعم واكرم من كثر الدلاخة.

[الاخطبوط المرقط]

اقتباس:  المشاركة الأصلية كتبت بواسطة مـامثلي أحد     ومن هالرسميات تقاطعت حبال الوصل والزيارات وصار الجار الجدار بالجدار مايعرف جاره

اسم على مسمى ياطيرشة الوا .. وكلامك مامثله كلام.

[باسم الثغر]

تبي الصدق
الزمن اختلف عن أول ، كثر المهايط عندنا ، ولازم حنا نهايط مثلنا مثل غيرنا
بس
ياليت ربعنا يهاطون بعقل
مشكلتهم درعموا ولافيه بريك يردهم

السؤال اللي مالقيت له إجابة حتى اليوم
الكلافة على الرجل
ولا له نصيب من ذلك ولاذواقة

قبل كم يوم كانت عندنا مناسبة
اكتشفت أن الحريم كأنهن حاضرات حفلة بفندق خمس نجوم
حلا على أرقى مستوى
وبوفيه وغيره وغيره

حنا يالرجال
عساك تلحق لك على فنجال قهوة وكم تمرة وهالرز واللحم
مو قل قدر بنعم الله سبحانه وتعالى
بس نبي زينا زي غيرنا

وأعتقد مثلنا كثير

[الاخطبوط المرقط]

اقتباس:  المشاركة الأصلية كتبت بواسطة التنين الصيني     هذا اذا كانت عزيمة ...... بس اذا كانت قطة ..... وش يصير ..؟؟ كل وحدة تخترع حلا جديد ..... ليش ؟؟؟ علشان فلانة تتصل .... وتقول وشي مكونات الحلا والطريقة ..؟؟ بعدين خذ تميلح .....ههههه على بالهن .... ريتشل راي ...... خخخخخ

وانعم بالاختراعات على الطريقة الكرشية .. اممممممممم لزيز يارايق ؟؟
رد يالتنين رد ساخر أعجبني كثير .. اقولك ماتبغون نرسل لكم بالصين كم وحده تدعم صناعاتكم الى الامام ؟؟؟

[الاخطبوط المرقط]

اقتباس:  المشاركة الأصلية كتبت بواسطة قـتـالـه     ابكيفنا ..! التعب على قريشاتنا .. اجل تبوننا نتقابل على صامولي وبريق عدن !

[align=center]لا ومن قال لك صامولي وبريق عدن ؟؟ الا فليها فل وبسفرة طول شارع الخبيب ولا تخلين شيء الا حاطته .. بس لا تنسي تعزميننا . [/align]

[النهى]

الجود من الموجود والكرم وحسن الضيافه مو بالتبذير والكلام اللي اسلفته يشمل عزايم الحريم والرجال شغل الذبايح والرز اللي بصحون كبيره والمفطحات وحركات البدو كلها عند عزايم الرجال اكثر من الحريم الواحد فيكم لو منتف جيبه فاضي يدين من شان يعزم ويعشي اصحابه جد تفكير وعادات مصديه مدري وش تبي