معاناة طالبات كلية التربية العلمية بالأحساء

[أخت أخوها]

طبعا هذي اول مشاركة لي قررت كتابتها عن كلية التربية العملية بالاحساء واكيد تصف واقع اغلب الكليات

نبدا اول شي بالاستاذة العميدة اول شي حضرتها جديدة وفرحاااااانه بالترقية من دكتورة الى عميدة بدت في فرض أرائها المصدية علينا ونحن يا مظلومين لكن لنا الله اول يوم لها نزلت يمكن 15 قرار اول شي منعت لبس الالوان باستثناء الابيض والاسود عاد من زود الالوان اللي كانت مسموحة بيج وسكري وحسدتنا عليهم وجايه من الكلية الأدبيه وطبقت عندنا كل أنظمتهم التعسفيه لكن الانظمه الزينه عندهم ماطبقتها...
لا وأزيدكم من الشعر بيت ان اللي تلبس بلوزه لونها ابيض وفيها لو خط او كلام صغير بأي لون ثاني حتى لو اسود تنطرد من المحاضره ويعطونها غياب حتى لو في اخر خمس دقايق من المحاضره...

ثانيا: حضرتها تسكر البوابة من سبع ونص في الصبح يمكن احد يتأخر يمكن السيارة تتعطل طبعا جوابها مو شغلي شوي الا تقول ممنوع الخروج قبل الساعة اثنى عشر ونص حضرتها تشوف نفسها فاضية وما وراها احد تفكر الكل زيها البنات وراهم طبخ وعيال ورجاااااال وحضرتها زادت عدد ساعات الدوام الى ثمان ساعات يعني الواحده ما ترجع بيتها الا الساعة ثلاث الظهر اذا كان عندها محاضرة متأخرة من توصل ثلاث تعبانة البنت شنو تلحق عليه هل تنتبه لزوجها او اطفالها او مذاكرتها ....

ثالثا: المعاملة اللي زي الزفت خصوصا من المعيدات السعوديات ما ادري شصار يعني لو الوحده صارت معيدة او مدرسة عشان يرفعوا خشمهم علينا , معاملة زي الزفت في المعامل شرح مثل وجهم (ما في احسن من المصريين في الشرح ومو الكل طبعا) والله ما ادري كل هذي اساليب عشان يطفشونا من الدراسة او ايش يعني؟؟.....


رابعا : بالنسبة للكافتيرا الاكل والمعجنات فااااااااااااااااااشلة ولما حاولوا يتطورا شوي وينوعوا اكثر حطوا انظمة جديدة للدخول والخروج من الكافتيرا بدل ما ترحم زادت الطين بلة صااااااارت الوحده توقف في طابور سااااعة تنتظر دورها ينتهي وقت الفسحة والبنت ما اكلت , معجنات لا بأس فيها حاليا لكن اسعادرها نااااااار جدا الكافتيريا غالية يعني اللي مشتهي يفطر عدل اكثر من عشرة ريال لليوم ضربوها في ثلاثين وشوفوا كم تصير الى نهاية الشهر , بالاضافة لذلك موقع الكافتيرا الاستراتيجي اللي في نهاية الكلية الواحد يتعب على ما يوصل ولما يوصل تستقبله الكافتيريا والاوساخ من حواليها جدا الكافتيريا وسخة خصوصا من الجهة الخلفية وعدم النظافة صفة موجوده في كل مرافق الكلية أن كانت بسبب الطالبات او بسبب الشجر اللي مقصص ومحطوط مكانة او بسبب عاملات الكافتيريا اللي يرمون الوسخ جنب الكافتيريا بالضبط

خامسا: بالنسبة للشبكات الشبكات القديمة فاااااااشلة فاااااااااشة جدا مثلا في شبكة مسماه باسم فيزياء تلفزيون واحد محطوط على طاولة وما فيه وسيلة اتصال بين الدكتور والطالبات , والوضع في هذه الشبكة ما يختلف عن الشبكات الاخرى ..... ابي اعرف الميزانية اللي يخصصوها للكلية وين تورح والمضحك حاطين شبكات في طور الانشاء من سنة تقريبا ..... شدعوة حتى لو بمددون كهرباء لبرج ايفل كان خلصوها في شهر

سادسا: بالنسبة للمكافآت اللي ما تنزل الا بطلعت الروح مطالبهم كثيرة ومصاريف كثيرة ومكافئة ما تنزل الا لما الواحد يموت من الافلاس...

سابعا: بالنسبه لنظام طالبات الإعاده المتعسف (عندنا الطالبه اذا رسبت بأربع مواد في الترمين تعيد سنه بس بالمواد اللي رسبت فيهم)..ممنوع الوحده تطلع قبل الساعه عشره ونص حتى لو ماعندها الا محاضره وحده تخلص تسع او ثمان ونص..والادهى والأمر ان الوحده لازم تدخل الساعه سبع ونص مع المنتظمات حتى لو كان ماعندها الا محاضره الساعه عشر والا حتى احدعش..
يعني بذمتكم الوحده تترك بيتها وعيالها او حتى لو ماكن عندها زوج والا عيال معقول يعني تقعد بالكليه مقابله جدرانها او ساحاتها القذره لمدة ثلاث أو أربع ساعات بدون أي هدف؟؟؟
ليه هذا التعسف والجبروت يعني السالفه سالفة أنظمه وبس؟؟؟
والمشكله ان هذا قرار كليتنا المحترمه لوحدها يعني الكليه الادبيه بالأحساء وكليات المملكه جميعا ماعندهم هذا النظام..

ونفس الشي بالنسبه للجوال ممنوع عندنا تصدقوون أي وحده يشوفون معها جوال ياخذونه منها ومايرجعونه الا

نهاية الدوام وأنا أخذوه مني يوم الثلاثاء وماراح يرجعونه الا السبت الظاهر راح يبيعونه وراح يقولون لنا ضاااع علينا ...

وطبعا منعهم من الجوال بس في كليتنا المحترمه يعني الكلية الأدبيه وبالأحساء مو ممنوع عندهم مع ان الإداره وحده...


طبعا هذا جزء يسير من مشكلات الكلية انا وكل الموجودين في الكلية نحب نعرف الى متى بنظل متخلفين والكل يضحك علينا ونريد نعرف من المسؤول عن كل هذا ( الاهل الساكتين اللي يتقبلون كل شي أو وزارة المعارف أو الإداره العامه لكليات التربيه أو مين بالضبط؟؟؟؟...............

اتمنى من كل من يقراها يحاول ينشرها اكثر او يوصلها لمسؤول بيدة فعل شي

[العبرى]

السلام عليكم جميعاً,,,

أختي..أخت أخوها..مرحباً بك معنا في منتدى بريدة,,,

أنتي تتحدثين عن كلية التربية العلمية بالأحساء,,

وأنا سأتكلم عن كلية أعداد المعلمات بمكة المكرمة,,

مهبط الوحي,,,بعد أذنك...

[gl]سأبدأ من المحاظرات:[/gl]

هي عندنا ليست محاظرات!!! أنما حصص؟؟((مثل المدارس))

يعني الكليات الأخرى يأخذون 3 محاظرات باليوم أو3 مواد تقريباً,,

حنا نأخذ 6 محاظرات((حصص)) كل حصة 45 دقيقة,,

يعني 6مواد يومياً,,

ماعدا المعامل محاظرتين أوثلاث حسب المادة,,

وجميعها متصلة وراء بعض,,بدون ترك أي فترة بين المحاظرتين؟؟


لـــــــــــــيــــــــــــــــــش؟؟؟؟

لأنه ببساطة.................

[gl]القاعات:[/gl] عبارة عن فصول!!!!!

كل فرقة فيه فصل أ,,و ب!!!!

يعني مثلاً..أولى أ,,أولى ب.......وهكذا,,

وكل فرقة له فصل محدد..وكرسي محدد..طوال السنة..

لا يتغير ألا أذا أنتقل لمستوى أعلى,,

ومع العلم أنه فيه فرق ماتغير فصلها ولا أمكنتها طوال الأربع سنوات..

تخيلو الطفش!!!!!!!

[gl]الدكاترة أو المدرسين:[/gl]

الأغلبية سعوديات!!!!وتعرفون بعض السعوديات مايقصرن!!!!

فما بالكم أذا كانو حجازيات!!!!((أنا ما أسب بس هذا الواقع))

ولا يوجد دكاتره أو دكتورات ألا مصريين,,

والسعوديين ينعدون على الأصابع,,والباقي أساتذه((كذا نسميهم))

لا نعلم حصلوا على الماجستير أو لا؟؟

[gl]المعاملة:[/gl] أو النظام

تعرفون السئ!!!

معاملتهم أسوأ جداً جداً ونادراً مانلقى أحد يعبرنا,,,

يعني تجي أستاذه تقول مسح السبورة بالدور!!!!!((ماتتنازل))

وحدة تقول علقو لوح (صحايف) بفصلكم((هذا اللي ناقص))

أخذ الحضور والغياب في كل محاظرة طبيعي,,

لكن أخذ الحظور والغياب للشؤن يومياً ليييييش؟؟؟

يعني تجي وحده من الشؤن خاصة بالقسم وتأخذ الغياب يومياً!!!!

المذكرات يصورنها ويوزعونها على عدد الطالبات,,والدفع أجباري..

يعني مايسألون من يبي يصور بالكلية ومين بيصور برى,,

عشان يأخذون فلوس((الورقة بأربع ريال))تخيلو كم مذكرة!!!

وكم ورقة!!!وكم ريال بيندفع لهم!!!!!

[gl]الأختبارات:[/gl]

أوراق أختبارات أعمال السنة حنا نشتريها بفلوسنا!!!!!!!

ونجيبها معنا!!!ويطلبون كمية فوق اللازم عشان يستفيدون منها!!!!

أختبار المواد المحمولة,,يكون بعد أختبار أعمال السنة,,

يعني بوسط الدراسة((نشيل همه من بداية الدراسة))تخيلوا!!!

ومراجعة معامل قبل الأختبارات نادراً!!!يعني كل وحدة وذاكرتها!!

ومافيه غياب أسبوع ولا أسبوعين قبل الأختبارات,,

نعمة أذا عطونا يومين!!!!

وطول السنة أختبارات دورية بشكل ماتتخيلوووون,,

يعني كل هذا لمصلحتنا زي مايقولون!!

مايقدرنا ألا أستاذات علم النفس وماشابهه,,
****************************
وش رايكم؟؟!!

أدري طولت مع ذلك بكمل بعدين...

تحياتي
العبرى

[الطشت]

اهلين أخت اخوها.



ممكن سؤال هل هذا راي جميع الطالبات !!!؟؟؟؟؟



اذا كان الجواب بنعم فلماذا لايتم الاحتجاج بصورة رسمية وهي الكتابة


للمسؤلين


وفي حالة عدم الاستجابة يكون هناك احتجاج بصورة سلمية داخل


الكلية ( هذا زمن المظاهرات السلمية)



ياالله يأخت اخوها هذا وقتك ورينا ايش تقدرين تسوين وتدافعين عن



حقوقك .






اعرف بتقولين الطشت بيوهقني



وروح فيها ولا احد رايح يسأل عني ::

[العبرى]

مرحباً مرة أخرى,,

سأتابع لأنفس عن ما بداخلي,,,
**********************************
[gl]المكافئات:[/gl]

لا تسلم ألا بعد سنة!!!

يعني أولى مايستلمون شئ طوال السنة,,

وثاني يستلمون مكافئة أولى,,وثالث حقت ثاني,,

ورابع حقت ثالث,,وأذا تخرجوا يستلمون حقات رابع!!!!!

تخيلوا منين نصرف على كتب ووسائل وغيره وغيره؟؟

وأذا جت طالبو بدفع فلوس لأي سبب!!!!

وأذا كانت البنت غايبه بيوم الصرف,,راحت عليها المكافئة وين؟؟

الله أعلم!!!

وقد صارت وأخذوا مني مئة ريال,,سلموني المكافئة ناقصة 100

ويوم سألتهم قالوا تجي بعدين!!!

وأخرتها..تم تغير مأمورات الصرف لحدوث أختلاس!!!

تخيلوا كم جمعوا من ورانا؟؟

[gl]الزي:[/gl]


عادي مسموح ألوان أحسن من غيرنا شوي,,,

بس اللي تخالف,,

خصم خمسين من المكافئة!!!!

دفع خمسين أخرى لشراء بلوزة من الشئون,,قيمتها تساوي10 ريال

وبالجملة تطلع أرخص,,ومن الصواريخ تطلع ببلاش!!!

وأيضاً كتابة تعهد ويضاف لسجل الطالبة!!!

متخيلين معي ولا لا؟؟

[gl]الباقيات للأعادة:[/gl]

الحضور مع جميع الطالبات والأنصراف معهن,,

وأذا حبت تطلع,,لازم تسوي شغلات طويلة عريضة,,,


الكافتريا:

أرخص شئ بريالين,,

واللي بريال تلقاه مصيص أو حلاوة قطن,,
*********************************
هذا قليل من كثير,,

وأتمنى أنكم تعلقون,,وتنصحون,,

بما أني أعاني مثل أخت أخوها,,,

ولكم تحياتي,,

العبرى