للشبــاب/ قاطعو أخــواتكم حتى لاتكونو مُغفلين

[أبو الريش]

بسم الله الرحمن الرحيم

السلام عليكم ورحمة الله وبركاته

أبـــــو الريــــش

أنا مــادعو لقطيعة الرحـم أو لتمــزق العــلاقات أو الهجــــر !

المقصود بمقاطعتها عندما تكون على ذمــة رجل

لا أعترف بهــا إلا بحدود مـا أمرني الله به أما أني أكون أنا أو غيري

سواق في الطريق له, أو سندباد بالسفر ولا بعزايم متعلقه بظهري مع عائلتي, أو مسعف لها وقت الأزمــات (لالالالالا)

والزوج ويــنه!

بإحد الجلسات يشذب بظهور الناس ولاهب بعيده يشذب بظهرك!

بأمــاكن ودول اللهــو يرقص مع العشيقات!

أو بالاستراحات يسكر حتى ينسى شكلها!

أو بمضـاجعة غيرها !



وأنت يالخــال . يامغفــل سيــارتك صــارت مثل الأتوبيــس تخدم عيــال الناس ,عيال ماطلعو من ظهــرك ,وصارت الزوجه تجدع وجهها عند اللي مــايسوى وهو عديم المروه أخذهـا فقاسة أوادم , يستغل خدمة النـاس له ويتمــادى بكل بثـاره وقبح بطبعه وبلاشكــــر

ويبــيك تزمه إلى أنك توصله لغـــرفة النـــوم

كلامي للشبـــاب لاتعترف بأختك إذا صــارت على ذمــة رجــل ولا تحتك بهــا واجد

لاتكون في دائرة الأستغفال,,

وياكثر الخـــوات الغبيــات اللي تريح زوجهــــا على حســاب أخوها وياليت يستــاهل وهو لاعبن بذيله من وراها

لأنه ما أهملهــا عبث !!



ممكن أني أخدمها وأكون خادم لهــــا

بس بشـــــــــــــرط

أن تكون مطــلقه أو ارمــــله أو غير متزوجه

كذا أخدمها لو مهب اختي تأمر علي وأنـــا عبد لـــها بعد الله


ممــــــــا سمعت وقــرأت وشــاهدت

[زمن الغرباء]

صدقت ياأخوي ..
مادام لها زوج اخوها ماله دخل ..

تدري اخوها وشو دوره ؟
انه يمسك زوجها ويفهمه ان الزواج مسؤوليه موب وناسه وطلعات
على حسابها ..

الله يوفقك ..

[رمش بقه]

صح كلاامكـ
.
لكن بعد انت تششيل مسسئوولية اختيار الزووج لختكـ
.
يكون كفووو له مهووب مثل ماقلت يلعب بذيله
.
واهم شي يحافظ على صلااته
.

[بنت منيره]

بشويش على نفسك وش دعوا اللي كاتب ذا حمق على رجل اخته؟؟

خلاااص اجل يابنات لا تقومين بعزيمتس اخوتس ولا تعاونين مرت اخوتس وشوله هـ الاستغفال كله من حرمه الاخ؟؟<<لا تقول فرق كل الحالتيين نفس الشئ

[تَمَرّدْ]

[align=right]بما اني انثى الا انني اغضب بما تفعلت اختي بـ أخي وأبي

هو لا يُطيعها بكل شيء ولكن اخي الصغير يُلبي كل ماتحتاجه والزوج الحقير ان صح التعبير

يتسكع عند ابو عزيز وابو دحيّم بالاستراحات وهو مهمل بزوجته وعياله

تخيل لدرجه ابنة اختي تقول لـ امها ماما خلي خالو يتشريلي لعبه

خلاص اصبح الاخ بمثابة الاب واكثر ويلبي كل ماتحتاجه الاسره

والرجل السخيف يأتي لزوجته فقط اوقات النوم ليأخذ مايروق له في تلك الليله وكلُ يومٍ على هذه المسيره الحمقاء

ابو الريش فتحت موضوع يقهرني [/align]

[وميضُ البرق]

[align=right]الأدهى من ذلك حينما يتحجج بطلب العلم والقراية! ياأخي دامك دين ماشاء الله ماقلنا شي بس خيركم خيركم لأهله.
من واقع تجربة والله ياعند أآختي علة المشكلة أنه مايطلع الا عقب الأخير إذا جابه فهو بوقت تفرقنا، ماش تقل يقول يبونتس بدري يجيبونتس هم عاد والله أخواني ماقصروا واللي مابه خير لأخته مابه خير للناس.
<<< ماكنه تتشفى منه![/align]

[>ريانه<]

والله البنت لو تطلع من بيت اهله وتروح لقلعة وادرين

ماله الا اهله وخوانه حتى لو زوجها ماقصر عليه

و البنت ماله غنى ابد عن اهله

هههههه اليوم اخوي يحلتم على خالتي دقت عليه قالت ابيك تودين لسوق قال سمي اجيك لاطلعت من التراويح

يوم صكه مهنا كلمه ماقاله وشي ذي ماعنده رجل يوديه<<هههههه جبان ماقاله بوجهه


ابو الريش موضوع يغث بتخرب العيال انت!!

وبالعكس اشوف مافيها شي يعني الولد لجاء يودي اخته يصير مفغل

بغض النظر عن زوجها يلعب بذيله من وراه !!

[دِيم]

[align=center]
باسم الله الرحمن الرحيم

والله إني خفت [/align]

[عاشق الخير]

[align=center]يعني ما يكفي البنت جور زوجها و إهماله ..
ليكون الأخ ايضا نسخه أخرى للجحود ...

عندما أحسن فأنا أحسن لأختي وأتعب لأختي ....
بغض النظر عن زوجها وما يلهيه عن بيته وأهلة ..[/align]

[الأعرابي]

المجلس من تالي كود ما تدخله إلا وأنت متلطم وانتبه لا يجيك الرشق مدحدر الله يخلف

يا رجال احتسب الأجر وإلا خلك قوي وقوى قلبك وصارحة ولا تشكي لأحد ولا يشكي لك أحد
مشكلة البعض قوي لأقفى الواحد يعني زي سالفة وخر للـ .. وخر للـ ..

[يكفيني حنانك]

[COLOR="Navy"]
وهي وش ذنبه ؟؟
يتخلون عنه كلهم
على الاقل اذا ظلمه هالحيوان
تلقى اخوان تستضل فيهم،،
المراْه ضعيفه ومحتاجه للرجل ،
،واذا تخلا عنها الى اين تذهب
وهي ماله ذنب بغلطات زوجه،،
بالعكس هي تلقاه مجروحه وتحترق من الداخل،،
فيجي الاخ ويخذله ،،ويكمل جروحه،،
بدل ما يوقف جمبه ،، ويخفف مصابه،،


الله يهدي الجميع لكل خير


[ /COLOR]

[أبو الريش]

اقتباس:  المشاركة الأصلية كتبت بواسطة زمن الغرباء     صدقت ياأخوي .. مادام لها زوج اخوها ماله دخل .. تدري اخوها وشو دوره ؟ انه يمسك زوجها ويفهمه ان الزواج مسؤوليه موب وناسه وطلعات على حسابها .. الله يوفقك ..

امسكه , والله انك طيب/ هـ

[أبو الريش]

اقتباس:  المشاركة الأصلية كتبت بواسطة رمش بقه     صح كلاامكـ . لكن بعد انت تششيل مسسئوولية اختيار الزووج لختكـ . يكون كفووو له مهووب مثل ماقلت يلعب بذيله . واهم شي يحافظ على صلااته .

والله الزوج الزين والملتزم بعد الزواج وتغيرات الدنيا يتغير , مهوب شرط اني لاسألت عنه وكان اكوييس خلاص منزه وخالِ من العيوب

[عاشق ديرتي بريده]

بسم الله على اختي

عيوني لها لو تخلى عنها زوجها !

الحين لازم تدلل زوج اختك علشان يدلل اختك !

وترا بعض الاخوات ماله خلق تروح مع زوجه لأنه يكد عليه ويهاوشه كل الطريق !

ابو الريش ود وجب اختك وتلقى هذا كله قدام مع عيالك وزوجتك وعملك خله لوجه الله .

[أبو الريش]

اقتباس:  المشاركة الأصلية كتبت بواسطة بنت منيره     بشويش على نفسك وش دعوا اللي كاتب ذا حمق على رجل اخته؟؟ خلاااص اجل يابنات لا تقومين بعزيمتس اخوتس ولا تعاونين مرت اخوتس وشوله هـ الاستغفال كله من حرمه الاخ؟؟<<لا تقول فرق كل الحالتيين نفس الشئ

ايه هذا الكلام , الاوادم بهالوقت صايرين مثل بعض العمال لاعطيت وجه صار بثر واحمق