الزوجة الاولى .. مع جدي الي راح ولا جا ..!!

[ابو هيلة]

ما تلقي له بال
اليوم رايحين لعمتنا
بكرة مجتمعات خواتي
وعقبه فيه تخفيضات بسوق داحس ..!
طيب ...
مل الرجل ..
طقت كبده ...!!
لسان حاله يقول : وبعدين ... الى متى ..؟!
متزوج له ثمان سنوات .
له طفلين منها
اذا جت الطلعة شاف هاللبس .. وهالعطورات .. والنفس الزينة
واذا جت تقول توه جاية من المزرعة ..؟!!
قاله زميله ..
وراك يا ابو فلان ...!
شكل المعزبة مطينته معك البارحة ..!
وبنفس شينة قال :
كل يوم مطينته ومتحمل ..
والحين عجزت اتحمل ..!
قال يا اخي وراك مسوي بنفسك كذا ..
يا اخي الشيبان يقولون النخلة العوجا تعدلة نخلة مثله ..؟
والله يانا خابرن لك ( مدرسة ) تاخذ عنك نفسك ...
قطر سعبولة الاخ ..!!!!
وطير عينه اليسرى
قال الرجال : تاخذن ...؟
قال الزميل : تاخذ مرسولك .. عطن الاشارة والله لأخليك تهستر ...!!!
يالله الخيرة ..
طيب وام بسطويسي وشنسوي به .. ؟
قال مع جدي .. ان جازت له الدعوى تعدلت
ولا الله يختار له الخيرة المباركة ...؟!
بدى الرجال .. ماش .. ماهب مثل منول
المهم ... الزميل يدور الشر
عجل بالموضوع .. وخطب المدرسة لخوية ...
وتزوج الخوي ...
وبعد الزواج
تبين له ان الدعوى قبل احوس من الحوسة
الثانية سامعتن عن حاله قبل
بدت تمهزى بجارته ..
واعطته ما كان ناقصه من الاولى
الموضوع طويل
بعد ما وقع الفاس بالراس قالت زوجته الاولى
وهذي الزبدة :
اعدت شريط ثمان سنوات .. يوم بيوم
وتندمت ... لكن ما يفيد الندم ...!!
زعلت .. وراحت لأهله ..
قال الرجال :
مع جدي الي راح ولا جا ...!!!

طيب .. ليش الحريم ما يعتبرن بهالمسكينة
ويعقلن .. ويتركن عنهن الهبال
قبل ما يعيد بعضهن شريط سنتين وثلاث و اكثر او اقل ..

[~,رذاذ الأمل,~]

سبحان الله
من خلال خبرتي في الحياة .. الرجال,,
مايفيد معهم لا اللي تدور رضاهم ولا اللي مطنشتهم ,,,,
اللي يحب تجميع الحريم مايرده شي ويدور اي عذر
الحمدلله والشكر

[ابو هيلة]

[align=right]الاخت رذاذ الامل
الي يحب تجميع الحريم موضوعه ثاني
حنا الحين بلشين بالي معه زوجة واحدة
وكل يوم لها موعد اكثر من رجله
من سنتر الى العثيم
ومنه الى مشغل مشغولة ...!!
اما الي مرتاح مع زوجته الاولى فهذا امر غير[/align]

[لعيون دودي]

اقتباس:  المشاركة الأصلية كتبت بواسطة ابو هيلة     [align=right]الاخت رذاذ الامل[/align][align=right] الي يحب تجميع الحريم موضوعه ثاني حنا الحين بلشين بالي معه زوجة واحدة وكل يوم لها موعد اكثر من رجله من سنتر الى العثيم ومنه الى مشغل مشغولة ...!! اما الي مرتاح مع زوجته الاولى فهذا امر غير[/align]

عزيزي...

ليه هو الآن"يولول" ويندب حظه وهو "الخطأ" بنفسه!!!
هو اللي ترك لها " الحبل " ع الغارب !! هو اللي ماعرفها حدودها وواجباتها والتزاماتها لبيتها وله!!
هو الغلط مش هي...
في هالحاله باتت هي " الرجل" وليس هو
من المؤسف ان تلبس المرأه ثوبا غير ثوبها وتتقمص شخصيه الرجل فهي الامر الناهي وهي من تخرج باراداتها ووقت ماتشاء!!..
اين "انوثتها" ودلالها على الزوج اين الحياء اين حقوقه اين واين واين؟؟؟
عذرا عزيزي فهو من جلب لنفسه كل تلك" المعمعه" فهي تجاوزت الخطوط الحمراء وهو راضي
دمت برعايه الله

[رذاذ]

اقتباس: يا اخي الشيبان يقولون النخلة العوجا تعدلة نخلة مثله ..؟

حكم هؤلاء الأباء والأجداد .
المرأة كمن المجرم الذي يسطو ويهرب وعندما يودع السجن يعيد الذكريات وأخطائه ويتوب ولكن بعد ماذا عندما أصبح خلف القضبان وسمعته ذاع صيتها بين الناس .

[ماهي من البشر]

من خلال دراساتنا وإطلاعاتنا ومن حال البعض المقربين
ان السبب الرئيسي لخروج الزوجه المتكرر, ناتج من إهمال الزوج لها حتى انه لا يملك القدره في إستيعاب نفسية زوجته وطريقة إسعادها وتلمس حاجاتها البسيطه قبل الكبيره فيعوض ذلك بالسماح لها بالخروج
وإلا لو رأى في نفسه مايغني زوجته من الخروج وعمل مايعمل ذلك المشوار من سعاده وانس لما سمح لها بالخروج المتكرر
برئيك هل من زوجه تلهث وتبحث عن سعاده وإنبساط خارج بيتها والسعاده في بيتها
لا والله والف لاااااااااا

لذلك فتش عن نفسك ايه الزوج وانظر فيما يجعل الزوجه تكرر الخروج من بيتها

تصدقون بديت اخاف من زواجات هالوقت

[ابو هيلة]

اقتباس:  المشاركة الأصلية كتبت بواسطة لعيون دودي     عزيزي... ليه هو الآن"يولول" ويندب حظه وهو "الخطأ" بنفسه!!! هو اللي ترك لها " الحبل " ع الغارب !! هو اللي ماعرفها حدودها وواجباتها والتزاماتها لبيتها وله!! هو الغلط مش هي... في هالحاله باتت هي " الرجل" وليس هو من المؤسف ان تلبس المرأه ثوبا غير ثوبها وتتقمص شخصيه الرجل فهي الامر الناهي وهي من تخرج باراداتها ووقت ماتشاء!!.. اين "انوثتها" ودلالها على الزوج اين الحياء اين حقوقه اين واين واين؟؟؟ عذرا عزيزي فهو من جلب لنفسه كل تلك" المعمعه" فهي تجاوزت الخطوط الحمراء وهو راضي دمت برعايه الله

خربت على نفسه
وصارت هرجة الحريم علشان خرط فاضي
وبدل ما يكون زوجها ملكها كله , صار نصفه لغيرها
ويمكن في يوم من الايام يصير ثلثه او ربعه
لكن متى تصحى المرأة حتى تصبح ربة بيت حقيقة لا كلاما ..

[╝◄ ساندرا ►╚]

الله يسلمك السبب من الرجل نفسه

لانه يمكن وجوده زي عدمه في البيت
عشان كذا اضطرت تسلي نفسه وتطلع وتعيش حياته


المفروض هي تغيره


الله يهدي الجميع

[انتظرتك]

هذولي هن الحريم
دام الرجال بعزه وشبابه يدارنه ويعاملنه احسن معامله
أما اذا شيّب وطفا خربت المعاملة
لأنهن ماراح يخسرن شي وجوده زي عدمه ,,

[ماهي من البشر]

اقتباس:  المشاركة الأصلية كتبت بواسطة انتظرتك     هذولي هن الحريم دام الرجال بعزه وشبابه يدارنه ويعاملنه احسن معامله أما اذا شيّب وطفا خربت المعاملة لأنهن ماراح يخسرن شي وجوده زي عدمه ,,

طيب وهي ماتكبر مثله المره وتثقل عن الروحات والجيات

لا لا لا المسأله مهي مسألة كبر او صغر

المسألة مسألة إهمال

[قـتـالـه]

زود على شيافته مايهتم بنظافته ولا اناقته بالبيت ,,
ثقيل دم وتموتين وانتي تفهمينه السالفه ولايفهمها واذا شبك الكهرب عنده وفهمها
ركبك الحق وانتي الغلطانه لو انتي مو مع ابطال السالفه
نوام بس يتبطح عسا مايشوف مركا الا ويستدنيه وياخذ غطه وانتي تقهوينه!
مايقدر لبس ولاسنع ولا ابتسامه ولاسواليف ,
اعتاد النوم بالصاله او المجلس وعذره ابي التيلفزيون
ياكل وينفض يده لايقول يعطيك العافيه ولا ياعين امي ولا ابوي ولاقريح!

اذا زوجك يتصف بواحد او اثنتين من الصفات السابقه الغثيثه
لاأوصيتس لاتخلين لاعرس ولاعزيمه ولا مشغل ولامطعم ولامول لاتخلين بنفسك حسافه.. ولقضن الاماكن دقي على هيئة السياحه والاثار يفيدونك
بالاماكن الجديره بالزياره في منطقتك

[ماهي من البشر]

^^^^^^^^
اللي بزوجه ثلاث من ذولي
هذا تراه مهب صري من مرض الزهايمر تروحبه تاخذ اجره وتمتسنه بعلاج

[أنا صريح وناقد]

النساء تختلف أطباعهن بنوعية تربيتهن
والنساء مجتمع واحد لاتختلف عن بعضهن الا باالأشكال
فمن حقها ان تلبس وتضبط نفسها لو طلب منها زوجها تضبط نفسها ماراح تقول لا
مو من الحق أنه ننتقد النساء وننسى الرجال بعضنا يرجع من الأستراحة عند الشلة وريحته شيشة ودخان وتلقها متحملته وصابره على هالريحه

[ابو هيلة]

اقتباس:  المشاركة الأصلية كتبت بواسطة ܔ ســـاندرا ܔ     الله يسلمك السبب من الرجل نفسه لانه يمكن وجوده زي عدمه في البيت عشان كذا اضطرت تسلي نفسه وتطلع وتعيش حياته المفروض هي تغيره الله يهدي الجميع

ما يصلح ان الانسان يرمي بالاخطاء على الغير
هذي مشكلة تكثر في البيوت
ويكثر المشتكين من الازواج منها
خاصة في مثل هذه العطل

[زمن الغرباء]

والله كثرة طلبات المرأة مؤرق للراحة


لكن والله مافهمت ..
كثيييير من الرجال اذا ضاق صدره من سلوك زوجته
تزوج عليها ؟
طيب لو فرضا طاح بوحدة أردى منها وش السواة ؟
سبحان الله احسه موب حل ابد

أجل هي لو يكون سلوك زوجها معوج تطلب الطلاق !!

سبحان الله احس الناس تالي فقدوا الصبر ماعندهم
جلد على الحياة ومشاكلها

موفق يارب