الوسواس والعصبية واستحي أخذ حقي والموت السريع للعزيمة عندي

السلام عليكم ورحمة الله وبركاته

يادكتور أنا شاب بمنتصف العشرينات عندي عدة مشاكل
لكن بطرح اربع منها واهمها وإذا تخلصت منها بتغير حتما

الأولى

أعاني من وسواس ومادري أيش هو بالظبط
وأعاني من سرعة الغضب اللي تخليني أفقد غالين علي بسبب هالشيء
وسوسة يعني مثلاً فيه حادث وقع بأحد الشوارع وكان فيه وفيات
حيث أنا السيارة أتجهت من المسار المقابل
للي واقفين عند الإشارهـ بعد الإنحراف عن مسارها الصحيح
وصدمتهم وكان حادث شنيع
كل ماوقف عند اللإشارهـ تكون عيني للي جاين من أمامي
ويتخيل لي أن سيارة منهم سوف تنحرف ناحيتي ويتكرر نفس الموقف ويصدمني
تجدني أهدي السرعه أقول مابغى اصير الأول عشان لا أكون بالواجهه أنا خوف شديد مادري وش سببه طبعا بيني وبين نفسي هالكلام واللي معي ماتلكم له
مع أني مؤمن بقضاء الله وقدره وأنه مو صاير إلا اللي مقدر ومكتوب
أو إذا سافرت تكون عيني للجهة الثانية من الخط السريع وأتخيل تنحرف سيارة ناحيتي
أو يضرب معي كفر أو أحس تبي تقع كارثه
وأحيانا أتخيل لاجيت بنام وأناظر السقف أتخيل أنه يبي يطيح وأبدا أوسوس
أو أتخيل بفراشي مثلا يبي يقرصني شيء كعقرب أو شيء

مادري وش الحل وشلون أشيل هالأفكار من راسي ..!!!!

المشكلة الثانيه أني عصبي

يعني لما أحس بواحد يبي يهيني يجي شيء داخلي ويقول أنت رجال ومو خواف
وهذا ينظر لك أنك مو رجال اثبته له لاياخذ عنك فكره شيئة
همن أنفجر بوجهه وأشتمه وقد أضربه وتصير مشاكل
كل هذا لأجل مابغى يقول هذا ضعيف شخصية أو خواف أو شيء من هذا القبيل
ولا أحب أحد يهيني أبد وبسرعه يستفزوني يعني لو واحد حاول يستفزني بسرعه اشعلل
ودي أكون هادي بس ماقدرت

المشكلة الثالثة

هي الخجل والحياء وبسبب هالشيء استغلوني كثير من الناس
يعني لو أسلف أحد فلوس أستحي أخذ منه أقول عيب مع أنه حقي
كثير ناس تسغل هالشيء وأني خجول وأستحي أخذ حقي
وياكلون حقوقي بسبب هالحياء ومعضمهم من المقربين يعني
إيه لاصرت طيب معهم استغلوك وبدون يطلبون مني اشياء واستحي أقول لا
وأحرج نفسي لأجل ألبيها لهم ومادري ليش

المشكلة الرابعه والمهمه

هي موت العزيمة بسرعه عندي والملل السرررررررررررررريع
ولو ماتحلون لي الثلاث الأولى بس هذي
بدعي لكم من كل قلبي
أنا أبي أتعلم إنجليزي أشتر كتب وأتحمس همن أحطه بالدولاب ولا أجيه
كل شيء أجله بكرى بعد بكرى اللي بعده لاحقين عليه
أشتريت كتب تطوير الذات مميزه أبي اطور نفسي
أقرأ أول 10 صفحات بعدين أمل وأحط الكتاب على جنب ولا أفتحه من جديد
مع أني يوم اشتريه متحمس وأقول خلاص بطور نفسي وبتعلم
اشتريت أشرطة تطوير الذات من اللي تذكرونه بحلولكم للمشاكل
مثلا ياسر الحزيمي صعود بلا قيود اشتريه ولاسمعته بس فيني روح حماس
يالله أتمنى تدوم وتدوم وتدوم وأقول خلاص بطور نفسي وأتغير وأتعلم
همن ماهي إلا لحظات ويرروح الحماس ويرجع الإحباط فيني بسررررررعه
كل شيء أجله من جديد والأيام تركض وانا أقول بكرى أتعلم لاحقين عليه
بكرى اسوي هالشيء بكرى مدري ايش
حتى الدكتور يقول أقطع المطاعم لأنها جابت لي قولون عصبي
أقطعه اسبوع همن أرجع وأقول هالمره خلاص أخر شيء وعلى هالحاله
مستحيل اثبت على شيء لازم يصيبني أحباط وأتركه مادري وش اسوي



ومضة قبل الختام :

بحثت عن دورات تطوير الذات ببريده مالقيت بس بالرياض
أبي أطور نفسي أبي أقتل هالإحباط ويدوم معي الحماس والعزيمة والأمل والتفائل

وحتما سوف يأتي يوم أحس أني عظيم فيه لكن متى لا أعلم وقد لاياتي أبد ولا أغير شيء


أعتذر عن الإطالة واتمنى اجد المساعده لديكم

[احمد السعيد]

[align=center]وعليكم السلام ورحمة الله وبركاته ..[/align][align=center]
أهلا بك ابني الكريم - حتما سأتغير - وعيدك مبارك وسعيد واعتذر عن التأخير في الرد على تساؤلاتك .
بني العزيز أنا سعيد بهذا المسمى الذي اطلقته على على نفسك ، وهو دليل واضح على وجود رغبة وإرادة قوية للتغير وهذا أمر رائع وهي بداية التغيير الحقيقة ، والوصول إلى الرضى عن النفس .
بني الكريم في تصوري أن لديك حساسية زائدة في تفسير بعض الأمور وبعض الأوهام الخاطئة ، وانت بحاجة إلى تعزيز الثقة بنفسك ، والاعتزاز بمالديك من مواهب وقدرات ، أعتقد أنك قادر على صنع الكثير من الأشياء بشيء من العزيمة والإرادة القوية ..
السعادة في هذه الحياة لا يمكن أن يصنعها الآخرون ، بل نحن من نصنعها ونقويها في أنفسنا ، نظرتنا للحياة من زاوية الأمل والتفاؤل ، هي المحك الرئيس للخروج من هذه الدوامة التي تجعلنا رهائن لمثل هذه الهواجس والوساوس التي لا أصل لها وينبغي أن ألا تأخذ من وقتنا الكثير .
عزيزي في كثير من الأحداث التي تواجهنا ينظر البعض منا إلى أنها مصائب ومشكلات لا يمكن التخلص منها ، ولونظرنا إليها من زاوية إيجابية لوجدنا الكثير من النقاط التي نحن غافلون عنها ، لم ندركها إلا من خلال هذه المشكلة .
أتمنى أن تكون أكثر ثقة بنفسك ، ضع لك أهدافاً تستطيع أن تحققها ، مشروع زواج ، تكملة الدراسة ، محاولة التغيير من نمط الحياة التقليدي ، التعامل مع الآخرين بروج طيبة ، التغافل من أهم وأنجح الطرق لمعالجة الكثير من التصرفات التي قد تسيء لنا .

اتمنى أن تستمع لشريط (صعود بلا قيود ) ياسر الحزيمي .
البوم السعادة تعلمها لتحياها د معتز سنبل .
وشريط رائع بعنوان ( الثقة بالنفس ) د مريد الكلاب ..
هناك كتاب متميز إن كنت من محبي القراءة فلا يفوتك (أراك على القمة ) مترجم لمؤلفه زينج في مكتبة جرير ..

ختاماً بني العزيز لا تنس علاقتك بربك أنت بحاجة إلى قرب منه صلاة ودعاء وذكراً ، سمعك وبصرك حافظ عليهما وراقب ربك فيهما تعش حميداسعيداً بإذن الله ...
يسر الله أمرك ووفقك لكل خير وطمأنينة وانشراح صدر ..




[/align]