(( وينك ))
وينك تعال وزيح هالهم عني
ماعدت اطيق معانق الجرح لحظات
مليت منه مثل ما مل مني
اخفي بكاى واكتم الجرح بسكات
عشت الليالى السود من صغر سني
وتشابهت عندي جميع المحطات
عانيت كم عانيت بالكون كني
حى ولا كنه من اعداد الاموات
حني على ارجوك بالحيل حني
ماودي اخسر كل عمري بضيقات
كافي خسرت احلام عمري بأني
اعيش من بين الصعب والمحالات
ليلي قضيته بين آهي و وني
وضيعت دربي بين عثره وعثرات
والوان عمري بين اسود وبني
والوان عمرك بالفرح والمسرات
متقلب مابين ليت وتمني
ودي ولكن داخل الكوم حسرات
حظي كسر فيني و وقتي خذلني
ومصبر نفسي رغم كل مافات
شكيتلك ياطيب القلب لأني
ماعدت اطيق معانق الجرح لحظات
((ويـــــــــنـــــك ))
العرض الشجري