هنا وجه الغرابة في هذا الخبر..!!!!!

[مدير خبرة]

بعد أن قرأت هذا الخبر...
لم يثر اهتمامي وضع البنت التي بحث عن زوج...
لكني وقفت فاغرا فاي .. ومندهشا أشد الدهشة..
من وضع الزوجة.. التي خطبت لزوجها هذه الفتاة.. وكانت سببا في اقترانه بها
ولو كانت الزوجة الأولى.. لربما كان الأمر مقبولا.. لكن الزوجة الثانية..
والتي لها الحضوة والحب عند الزوج... ثم تخطب لزوجها..!!

اقرأوا الخبر:

اقتباس: عبر رسالة.. وراضية بأن تكون زوجته الثالثة فتاة سعودية يائسة من الزواج تخطب لنفسها إمام مسجد بريدة - عبدالرحمن التويجري تزوج نهاية الأسبوع الماضي إمام مسجد في إحدى المناطق للمرة الثالثة من فتاة سعودية تبلغ من العمر 31 عاماً كانت قد عرضت عليه أن تكون زوجة له بواسطة رسالة نصية تطلب منه الزواج بعد يئسها من العثور على زوج، وطالت المدة وخافت من أن يتخطاها سن الزواج ومن ثم تتربع على عرش العوانس، وذلك مع زوجة الإمام التي كانت تزورها للاطمئنان عليها وعلى والدتها. وأقدمت هذه الفتاة التي تعيش وحيدة مع والدتها وتعمل بمركز خيري على هذه الطريقة بعد أن يئست من زواجها، وحتى لا يفوتها القطار أرسلت هذه الرسالة إلى الإمام تعلن رغبتها بالزواج منه، وأنها راضية بأن تكون زوجته الثالثة وأن تعيش حيث يريد. وقد أكد مصدر مقرب من الإمام أنه قام بالسؤال جيداً عن حالة الفتاة وعن عائلتها وخص زوجته الثانية بالسؤال، وطلب منها أن تجلب له أدق التفاصيل عن حياتها وبعد الاقتناع بمصداقية المعلومات تقدم رسمياً لخطبتها وتزوجها نهاية الأسبوع المنصرم بعد أن قام بكل الجوانب الاجتماعية تجاه زوجاته وإرضائهم، وإعطائهم الحقوق الخاصة بهم من مال وذهب. جدير بالذكر أن الإمام قد أكد لمقربين منه أنه أقبل على هذه الخطوة بقناعة تامة.

وش رايكم..؟ اليس الخبر غريب..؟
وبرأيكم.. ماالذي دفع الزوجة الثانية.. لهذا التصرف..

والأهم..
تتوقعون... تصير ظاهرة تزويج الأزواج... شائعة قريبا..؟
عشان أستعد وأحضر نفسي من الحين.. تصير السالفة فجأة.. مايمديني اتجهز واتضبط..؟

[بسومة بريده]

شكلها طاقة تسبده من زوجه قالت افتك منه...

عادي جدا فيه زوجات مايهمها زواج زوجها عليها الزم ماعليه انها تجلس في بيتها عند عيالها وتلقى من ينفق عليهم بس...

[امرؤ القيس]

ماعليش

هذي الاخبار حلووووم ليل


ذكرتني بالنكته اللي تقوول


ان فيه واحد استحلم وجاااب وعااء فاااضي وتظاهر انه يتروش قال كلها خراط بخراط


لو ولد التويجري هذا اللي كاتب الخبر اقوول وين هذا امام المسجد او وين البنت اللي عرضت نفسها كااان حك راسه وقال مدري هم يقولونه


لاننا صرنا ملطشة هذي الايام للاخبار الخنفشائية زي هذااا

[القلم الصريح]

جايز ....................

[مدير خبرة]

اقتباس:  المشاركة الأصلية كتبت بواسطة بسومة بريده     شكلها طاقة تسبده من زوجه قالت افتك منه... عادي جدا فيه زوجات مايهمها زواج زوجها عليها الزم ماعليه انها تجلس في بيتها عند عيالها وتلقى من ينفق عليهم بس...

هلابك بسومة بريدة..

ممكن تكون طاقة تسبدها منه...

لكن مافيه زوجه مايهمها ان زوجها يتزوج عليها..

المسألة عند المرأة تعني ببساطة انها مقصرة ومو قادرة ترضيه..

وليست أنه هو محتاج ويبحث عن العفاف

[مدير خبرة]

اقتباس:  المشاركة الأصلية كتبت بواسطة امرؤ القيس     ماعليش هذي الاخبار حلووووم ليل ذكرتني بالنكته اللي تقوول ان فيه واحد استحلم وجاااب وعااء فاااضي وتظاهر انه يتروش قال كلها خراط بخراط لو ولد التويجري هذا اللي كاتب الخبر اقوول وين هذا امام المسجد او وين البنت اللي عرضت نفسها كااان حك راسه وقال مدري هم يقولونه لاننا صرنا ملطشة هذي الايام للاخبار الخنفشائية زي هذااا

هلا بك امرؤ القيس

انا معاك انها سواليف..!!!

ولايمكن نشوف مثلها في الواقع....

[مدير خبرة]

اقتباس:  المشاركة الأصلية كتبت بواسطة القلم الصريح     جايز ....................

فعلا....

جايز ....

حياك اخوي القلم الصريح

[جلوي العتيبي]

ماشاء الله

هذه الميزه متوفره عند الاخوه الملتزمين وربما يكون التأثير على الزوجات أيضاً .

يازين هالأريحيه بعد

[نـدى الـورد]

*

نفسي اعرف ليش تتعجبوا يوم تشوفون ان حرمه تبي تزوج زوجها؟

انا مثلاً عجزت اقنع رجلي بأنه يتزوج ثانيه وهذا لحبي اله ابيه يتهنا

الله يهنيه بعد تسبدي

,

[آمًآ عًـآدً]

آكًيد آنه تبيً آلفككهً منه


ولآ مآعنده عقلً

حدآ آلثنتينً

[هلاوين]

اقتباس:  المشاركة الأصلية كتبت بواسطة نـدى الـورد     * نفسي اعرف ليش تتعجبوا يوم تشوفون ان حرمه تبي تزوج زوجها؟ انا مثلاً عجزت اقنع رجلي بأنه يتزوج ثانيه وهذا لحبي اله ابيه يتهنا الله يهنيه بعد تسبدي ,

عطين جواله و اريحك خبيرررررر باقناع الرجال

ان ما خليته ياخذ 3 بسنة مااعرف . هههه


(تسني اشووووووفه بدت تدعي علي وتسبن هههه)



الخبر غريب بس جميل

تحياتي لك يالغالي

[الصيااد]

اشوف التعداد بدأ يصير ظاهرة حضارية

بالتوفيق للمتعددين ..

[جلوي العتيبي]

الصياد

ومخلينا نتضامن معك وأثره تعداد

تراي هونت عن الإنضمام لحملتكم المباركه انا أتكلم عن التعدد

[أشغلتموهــا]

8

8
8

يعني وشلون صار تعداد سكاني مو تعدد نسائي مدري زوجي

[الصيااد]

اقتباس: الصياد ومخلينا نتضامن معك وأثره تعداد تراي هونت عن الإنضمام لحملتكم المباركه انا أتكلم عن التعدد

هههههههههههههههه


ماهو الفرق بين التعداد والتعدد ؟


التعداد هو اخذ اربع ومن ثم يطلق من بدأ فيها حتى يحل مكانها أخرى ..

اما التعدد فيعني الوقوف على ربع فقط

ههههههههههه