إرهـــآبْ الْــجآمِعآتْ !!

[`•. لـ ζ ـــڼ هـٱډې `•.]

السلآمْ عليكم ورحمة الله وبركآتهْ

طآلبهْ جآمعيه تعيش . قلق ، خوف ، رعب ، توتر ، حزن ، اكتئآب .. والسبب ..:: !!


انتبهي لاتسوين كذا ، لاتمشين مع اللي تسوي كذا ، لاتجلسين اخر القاعه ، لاتروحين ورآ مبنى الجامعه !! ، لاتناظرين اي بنت سواء اعجبك مظهرها ام عكس ذالك ، لا تجلسين لحالك ، لا .. ولا ..
طبعا الكل يعرف هاذي التحذيرات ليش !!
سمعنا كثير من قصص بنات الجامعات
وماخفي عليكم كنت خايفه من الجامعه واغلب البنات كذا !

لازم اسمع احداث تصير او اسمع سوالف غريبه وكلها بالجآمعهْ وبعضهآ تكون شآئعآت لا نعلم من اصدرها فقط اصدرت للتخويف او للتشويه !!

أستاذه تقول بنفسه انا شفت بعيني طالبتين ورى احدى المباني في منظر تقشعر له الأبدان .<< !معقوله !!
معقوله في بنات يتواعدون مع شباب عند الجامعه ويركبون معهم و... و.. الخ!!
معقوله تبادل أرقام البنات بين الشباب عن طريق صديقه قامت بتمثيل الصدق والوفاء لها !!
معقوله يتم تسقيط الجنين في دورات المياه (تكرمون) عن طريق احدى نساء الأمن ولها اجر مادي مقابل ذالك !!
وكثــير من هالسوالف عايشه بمجتمعنا ونحن صمٌ بكمٌ عمي !!


رحت لمبنى فيه صديقاتي جلست معهن وفجأه لفت نظري بنت لبسه كله اسود ( تنوره - بلوزه - ساعه - شنطه )وتمشي بعربجيه والشعر مثل الأولاد
ومعها ثلاث بنات عكسها تماماً
حذروني البنات أني ماناظرها لان اي وحده تناظرها دليل انه تبي تصادقها او بمعنى اصح معجبه فيها والمصيبه الاكبر ماترد على اي احد الا اذا نادوها باسم خالد !! واسمها الحقيقي خلود !!!!


طالبه فصلها والدها من الجامعه والسبب خوفه عليها من المشاكل اللي يسمعها

وش رآيــــكمْ بتلك القصص اللي منتشره في الجرآيدْ او بالصحف ؟!

هل ستكون مثل ذالك الوالد وتفصل أختك او بنتك او زوجتك والسبب ماسمعته!! ؟

من سبب كل تلك المشاكل !؟ وليش مافي رقابه !!؟

بنات أكيد كلكم سمعتو او شاهدتم مثل هالقصص موقفكم من اللي يحصل ؟!


دمــتمْ بحفظ الرحمن

[جلوي العتيبي]

كلام منطقي وواقع مشاهد

لكن من وجهة نظري أن الرقيب الذاتي والوازع الديني هما أقوى حصانه بعد مشيئة الله

حفظ الله أخواتنا من كل مكروه

[`•. لـ ζ ـــڼ هـٱډې `•.]

اقتباس:  المشاركة الأصلية كتبت بواسطة جلوي الشقير     كلام منطقي وواقع مشاهد لكن من وجهة نظري أن الرقيب الذاتي والوازع الديني هما أقوى حصانه بعد مشيئة الله حفظ الله أخواتنا من كل مكروه

جلوي الشقيـر

الله يهديهن ويصلح مافي انفسهن ويهدي الجميع

اآاآمين يارب الله يحفظ المسلمين والمسلمات

شكرًا لك

[هلاوين]

والله مشكله بلاوي هالجامعات

الحذر مطلوب والشكوى لله.

وزي مايقال اعقلها وتكل .


بالتوفيق لحن هادي

[`•. لـ ζ ـــڼ هـٱډې `•.]

اقتباس:  المشاركة الأصلية كتبت بواسطة هلاوين     والله مشكله بلاوي هالجامعات الحذر مطلوب والشكوى لله. وزي مايقال اعقلها وتكل . بالتوفيق لحن هادي

هلآوين

الله يكون بعون كل من تعاني

لا اله الا الله وعليه نتوكل

شكرًا لك دمت بحفظ الرحمن

[آرتــيــآحّ ..♥]

انا كذلك منذ وانا بمرحلة الثانوي اسمع تلك الاحداث و التهويلات ، كنت متخوفه من الدخول للجامعه ، لكن عندما قدر الله لي قبولي و درست فيها مادرست ولازلت ادرس ، لم اشاهد قط ما قيل لي البته ، عدا الاحضان المتكلفة جداً في بداية المستوى ونهايته ، و ( البويات ) فقط ، .

اما سقاط جنين ، وخلوه غير شرعية مع فتاة و قصص ، لم اشاهد ولم اسمع حتى ، الا عن حادثة التصوير التي سببت ضجة ، .
ربما كان ذلك في كليات اخرى او ربما لم اعلم بها وهذا مستحيل لان الخبر في كليتنا ينتشر كما تنتشر الحمى في الجسد ، .

عموماً يا غالية ، من حفظت نفسها و صانتها و جعلت الله امامها في كل امر وتوكلت عليه ، صدقيني لن يحدث لها مكروه ( لو اجتمعت الامه على ان يضروك بشي لن يضروك الا بشي كتبه الله لك )

وفقكِ الله ياغاليه ، .

~

[`•. لـ ζ ـــڼ هـٱډې `•.]

اقتباس:  المشاركة الأصلية كتبت بواسطة ะ ᴇяτʏα7 冫     انا كذلك منذ وانا بمرحلة الثانوي اسمع تلك الاحداث و التهويلات ، كنت متخوفه من الدخول للجامعه ، لكن عندما قدر الله لي قبولي و درست فيها مادرست ولازلت ادرس ، لم اشاهد قط ما قيل لي البته ، عدا الاحضان المتكلفة جداً في بداية المستوى ونهايته ، و ( البويات ) فقط ، . اما سقاط جنين ، وخلوه غير شرعية مع فتاة و قصص ، لم اشاهد ولم اسمع حتى ، الا عن حادثة التصوير التي سببت ضجة ، . ربما كان ذلك في كليات اخرى او ربما لم اعلم بها وهذا مستحيل لان الخبر في كليتنا ينتشر كما تنتشر الحمى في الجسد ، . عموماً يا غالية ، من حفظت نفسها و صانتها و جعلت الله امامها في كل امر وتوكلت عليه ، صدقيني لن يحدث لها مكروه ( لو اجتمعت الامه على ان يضروك بشي لن يضروك الا بشي كتبه الله لك ) وفقكِ الله ياغاليه ، . ~

غـآليتيْ

الله يحفظ بنآتنا من كل شر .
بالنسبه لي انآ مثلك لحد الآن مآشفت شي كل اللي تكلمت عنه هو مآسمعنآه من اشآعآت او جرآيم في الصحف موقفنا منها !!
يمكن اكثر شي ينشآف هو البويآت !!

لا اله الا الله وعليه توكلنا ..

بالتوفيق لك

[قـتـالـه]

سبحان من كتب على السحا العيشه المره والتوجس :|
الحين هذا كلام ام تسطعش او بأول العشرينات ؟
وين نظرة التحدي للمستقبل ووهج الشباب وطيش العشرينات بالحياة
من جد وش نوحتس وش جارين عليتس :|
اللي يقعد مع البنات ينغمت ويهج عاظ ثوبه
اشاعات ماتدخل العقل وقذف لأشخاص مجهولين
اجل موظفة امن واجهاض !!
اعنبوكم وين حنا.. يجامعة شيكاغو
عيشن مرحلتكن الجامعيه وانبسطن تراها ماراح تتكرر ابد
عيشن ايامكن بالطول والعرض جوا كلياتكن وبين صاحباتكن
ممديات على صفصفة حتسي العجايز
تصدقين دايم ابحر بوجيه الصبيات الجامعيات واقول وراهن
تقل بالثلاثينات .. وجيه مهمومه وملطوسه ميك اب
واثر قلوبكن عليها خطر تنفضخ من هالحتسي المايل
ماعليتس ياحيي تسلحي بالورد اليومي والنوايا الصافيه
ولاتسمحين للسحا بسكب التوجس بقليبتس توحين ؟

[`•. لـ ζ ـــڼ هـٱډې `•.]

يآهلا بالـست قتآلـهْ

اقتباس:  المشاركة الأصلية كتبت بواسطة قـتـالـه     سبحان من كتب على السحا العيشه المره والتوجس :| الحين هذا كلام ام تسطعش او بأول العشرينات ؟ وين نظرة التحدي للمستقبل ووهج الشباب وطيش العشرينات بالحياة من جد وش نوحتس وش جارين عليتس :| اللي يقعد مع البنات ينغمت ويهج عاظ ثوبه اشاعات ماتدخل العقل وقذف لأشخاص مجهولين اجل موظفة امن واجهاض !! اعنبوكم وين حنا.. يجامعة شيكاغو عيشن مرحلتكن الجامعيه وانبسطن تراها ماراح تتكرر ابد عيشن ايامكن بالطول والعرض جوا كلياتكن وبين صاحباتكن ممديات على صفصفة حتسي العجايز تصدقين دايم ابحر بوجيه الصبيات الجامعيات واقول وراهن تقل بالثلاثينات .. وجيه مهمومه وملطوسه ميك اب واثر قلوبكن عليها خطر تنفضخ من هالحتسي المايل ماعليتس ياحيي تسلحي بالورد اليومي والنوايا الصافيه ولاتسمحين للسحا بسكب التوجس بقليبتس توحين ؟

ههههههههه وش رآيك !! للمعلوميه موضوعي يتكلم عن مشاكل ام تسطعش او باول العشرينآت !!!
!!!
يآبعديْ أكيد بنعيش حيآتنآ بالطول والعرض ونظرة التحدي بوجيهنا
للأسف حآصل بجآمعآتنا مثل هالجرآيم والاشآعات !!
غاليتي من ناحية القذف على أشخاص مجهولين لم أتكلم عنهم او تفوهت عليهم باشآعه !!
كل اللي قلته منتشر هالكلام في الجامعات !!
موقفنا منها !
تحرين لاصرت عجيز حتسيت بهالمشآكل

شاكره مرورك قتاله

[قلب الأسد]

من سبب كل تلك المشاكل !؟ وليش مافي رقابه !!؟


الاسباب كثيره ومن الصعب حصرها لـ تعددها ...

ولكن من اهمها :

الثقه المفرطه من الوالدين احيـاناً .

كذلك هناك سبب مهم جداً ويتم تجاهله خصوصاً من فئة الرجال

وهو سوء المعامله مثل القسوه وعدم الربط بينه وبين بناته او حتى الاولاد

فتجده لايشارك ابنته ولا ابنه بأي شي وهذا يترتب عليه اعباء كثيره .

ايضاً لاننسى الصداقه فمنها الصديق السوء والصديق الصالح .

الانفتاح والفضائيات كذلك لها دور كبير ودورها يكمن من الاسره .

[`•. لـ ζ ـــڼ هـٱډې `•.]

اقتباس:  المشاركة الأصلية كتبت بواسطة قلب الأسد     من سبب كل تلك المشاكل !؟ وليش مافي رقابه !!؟ الاسباب كثيره ومن الصعب حصرها لـ تعددها ... ولكن من اهمها : الثقه المفرطه من الوالدين احيـاناً . كذلك هناك سبب مهم جداً ويتم تجاهله خصوصاً من فئة الرجال وهو سوء المعامله مثل القسوه وعدم الربط بينه وبين بناته او حتى الاولاد فتجده لايشارك ابنته ولا ابنه بأي شي وهذا يترتب عليه اعباء كثيره . ايضاً لاننسى الصداقه فمنها الصديق السوء والصديق الصالح . الانفتاح والفضائيات كذلك لها دور كبير ودورها يكمن من الاسره .

قـلبْ الاسد

اسبآب مهمه واول سبب هو البعد عن الله ..

احيانا تكون الثقه ايجابيه للبعض وسلبيه للآخرين !!

الله يثبتنا ع الطريق المستقيم ويجعلنا وإياكم من الصالحين

شاكره مرورك اخي ..

[بي اتش]

هالاشاعات من يومي بالمتوسط لحد اللحين وانا اسمعها
مدري متى بيبطلون حركات التخويف والترهيب !
اصلا وش المغزى منها !!!
الجامعه مثل اي مرحله من مراحل الدراسه العاديه
صحيح فيه انفتاح شوي لكن في قوانين وضوابط
اما سالفه اللي تنزل جنينها بالجامعه !!
سلامات
ارتقو بعقولكم ولا تنقادو وراء الكلام

[`•. لـ ζ ـــڼ هـٱډې `•.]

اقتباس:  المشاركة الأصلية كتبت بواسطة بي اتش     هالاشاعات من يومي بالمتوسط لحد اللحين وانا اسمعها مدري متى بيبطلون حركات التخويف والترهيب ! اصلا وش المغزى منها !!! الجامعه مثل اي مرحله من مراحل الدراسه العاديه صحيح فيه انفتاح شوي لكن في قوانين وضوابط اما سالفه اللي تنزل جنينها بالجامعه !! سلامات ارتقو بعقولكم ولا تنقادو وراء الكلام

مرحباً بي اتش

عزيزتي منها مايكون اشآعآت ومنها حقيقه مثل اللي شفناه بالجامعات او قريناه بالصحف

ليته تكون مثل مراحل المتوسط او الثانوي !! كان سلمنا

معقوله ماشفتي الا الانفتاح ههههههههه ليتني دآرسه عندكم

بالنسبه للإجهاض وضحت لكم هالنقطه ، انا لا اثبت تلك المقوله لكن سمعنا عنها في الجامعه

شكرًا لمرورك


*

[تَـرفْ ♪]

-


من كثر مايطلع كلام عن الكليـة
مثل ماقلتي صاروا الآباء يخافون على بناتهم
والشباب متخيلين الكليات , عالم ثاني مختلف اختلاف جذري عن طبيعة المجتمع

اعرف وحدة بتخطب لأخوها , وراحت للكلية تتنقى له
يوم عرف هالأخو , قال صاحية أنتِ تخطبين لي من بنات الكليات ؟
لا ياشيخ
يعني اذا خطبت لك من زواج , ماتصير تدرس بالكلية مثلا

قالوا وقالوا , وماشفنا اللي قالوه
حتى لو شفنا , مع نفسهم مالي ومال صديقتي شغل بهم
كله مجرد بويات , واحسن الظن بهم انهم مجرد ستايل وتقليد

وبناظر وبحط عيني ب اي وحدة وبروح لآخر المبنى , وادور بالكلية لحالي اذا تأخر علي ابوي
حشى على هالتحذيرات ندرس بكلية شباب

[shahd2007]

ي كثر ماسمعنا ولا شفنا اللي يقولون
الشي الوحيد يمكن شفناه من الف طالبه تلاقين بويه وحده
بلبسه وشعره ولا اذا جلستي معها ولها تقوطر انوثه ونعومه بس تحب هالستايل
مشكلتنا التعميم ممكن بنت وحده تسوي خطأ ينسب للجامعات كلها

اقتباس: معقوله يتم تسقيط الجنين في دورات المياه (تكرمون) عن طريق احدى نساء الأمن ولها اجر مادي مقابل ذالك !!

حشا قطوه موب حرمه ي قويه تسقيط جنين
اجل وشو له يروحون للمستشفيات بعد الاجهاض
اذا صار بهالسهوله