مساء الخيــــر ..
راح انقل لكم عن ألوان الصيف في الميك آب .. وإن شاء الله يعجبكم ..
الوان الباستيل الاساسية هي كالتالي
الاحمر
البنفسجي
الفستقي
واللي يميز ذي الالوان انها جدا انثوية ونعومة طبعا..
وحلوة على البنت الكبيرة والصغيرة..
وتعطيكي لوك مرة منعنش للصيف الحار..
غير عن كذا..هي فاتحة يعني تناسب السمر والبيض
// اولا //
دائما دائما دائما الكحل والماسكارا بلون العيون
من اهم نقاط الباستيل ميك اب هو انو تكون العيون محددة على خفيف بنفس اللون ومع ماسكارا بعد..
لان لون الشادو بيكون خفيف وفاتح..فلازم يكون في تحديد يبرز شكل العين..
طبعا التحديد يكون من جوا بس..ولو حبيتي تحددي بين الرموش اكثر بيكون حلو ونعوم..
من اخر مانزل هنا هو ماسكارا من ديور اسمها
Show Mascara
يعني قصدهم حقت مشاهير
المهم الماسكارا الظاهر مافي منها الا اسود وبنفسجي
// ثانيا //
البلشر..!!
هنا جدا مهم انو يكون صح ولا راح يخرب كل اللوك..
البلشر الصيفي بشكل عام حلو يكون سائل او كريمي ليش لانو يعطي لمعان واضاءة حلوة للوجه وتناسب ميك اب الباستيل الانتعاشي ذا
اللي بشرتها مرة دهنية وماتحب تستعمل البلش الكريمي ممكن تستعمل البودرة اوكي.
بس تحط فوقه طبقة تخليه يلمع (اتكلم على لمعات خفيف يابنات مو لمبات) وفيه مستحضر من بودي شوب..جيل
شفاف بس انو يصنع اضاءه..اللي ماتبغى تشتري تحط نققققققطة فازلين على عظمة الخد او لو عندك مرطب
شفايف شفاف راح يؤدي المطلوب..
وتدريج البلش هنا تمتد من عظمة الخد وبعدي يتوزع على تحت بالتدريج مع التفتيح..
طبعا الالوان مرررة فاتحة هذا اهم شي..افتح درجة بينك او بيج حسب ماتحبي..واللي ماتحب الفواتح لانها سمرا اقولها عن جددددد الفاتح على السمر احلى
جربوا ذي الالوان من
Anna Sui
اسم البلشر
Face Color Stick
// ثالثا //
ممنوع استعمال محددات الشفايف منعا باتا
// رابعا //
الحواجب..نقطة ملفته
عن جد عاااد افضلها طبيعية هنا..ولا تحددي ولا تلوين ولا تكحيل ولا شي.
.سواء خفيفة او ثقيلة..حلوة بطبيعتها..ولو مرة مرة لازم تحطي عليها شي..شوية تغميق وبس..
يعني تعبية فراغات وانتهينا..!!
// خامسا //
قاعدة عامة لميك اب الباستيل..انو يكون الشعر مجعد او مموج..ابعدي كل البعد عن الستريت
الصيف هو موسم الاكسسوارات عاد
يعني العبي فيه وحطي بلاوي واشياء لين ماتدوخي..
منقــــــــــــــــــــــــــــــول
العرض الشجري