حركات الطيبين .. ( اللي مشتاق لحركات الطيبين يدخل ) .. ضحك ووناسه .. !!

[تركـي]

وشلونكم ..
وآخباركـــــم .. ؟

ومع هالأجـــــازه اللي خاطمه ..
واللي مهب رايحين لشي وفاضيين
يعصر لنا لنا مخيخه ويذكر لنا
حركاات الطيبين أول .. ويبدأ بنفســـه .. آهم شيء
ومايمنع يذكر ذكريات ويكب عفش بيتهم من آخوانه وخواته وكل مخلوق يعيش بالبيت ..

هالموضوع ..
لقيتــه بالتويتر مع شلة ( رقلات ) ...
وآعجبني وحبيت آنقله لكم ..

يااارب يحوز على رضاكم وتفاعلكم ..

وانا عااد يعجبني ذكريات أول .. والبرأه فيها ..
كل شيء عفـــوي .. وبدون تكلف ..

عااد من ضمن حركااااات الطيبين أول ..

ومن اقوى حركات الطيبين لاجيت اسكر الثلاجه شوي شوي عشان اشوف اللمبه اذا طفت ..

والآ بأول آيام الدراســـه تروووح بالشنطه بقراطيسه وكل شي بقراطيسه عشان تثبت ان كل شي جديد ..

والبنات لهن نصيب .. بعد
يقولون الطيبات .. يحطن حبة خال بقلم سايل وذي من اطيب الطيبين ..

واذا جت تأخذ عباته بالمدرسه أو الكليه لازم تشمها عشان تعرفها ..

ومن الطيبين بعد ..

تشرب ماء كثير وتقعد تناقز علشان تسمع الماء يررج بالكرشه وتضحك ..

واللي يشفط العصير سن توب ومايتطمن انه خلص الآ إذا سمع قررررررر وبعده ينفخه ويحطه تحت رجله وينط عليه وينفجر ..


وعااد ذي لحالها من الطيبين ..
تتهاوش مع أي آحد وتطلع لسانك مثل كذااا ..

ومن آرقى الطيبين ..
اللي يأخذ طباقة الصفريه ويسوق وتلقونه يتلفت وبعدين يطنب وبعدين يلف ..


صزززز صززز رآحوووو الطيبين ..
واللحين بزر والآ بزره عمره سنتين مو فاضي بلش بالآيبود والآيبــاد ..
ماعنده وقت يلعب ..

ننتظر ذكرياتكم أول على آيام الطيبين وش كنتو تسووون ..

ولاحد يســـتحي ترآآ هالذكريات
إذا كبرتووو بعدين وصرتو شيبان وعجزز تلقونها هنيآآ ..

وبنكتب على الموضوع ..
حقرص بقرص من جـــاه يقرص ..

[Ṥ Қ ў]

حييــآـآالله ترركيي ْْ

نحمدوه يارب ْ

شكلك بتاخذ وسـآـآم ممن تقل تفاعلك ازين من بالقسسم ْ

<احول ابلشتهم بهالوسـآـآم


موضوع جميييل الىآ بتتله ْ

اهم شي العصيير ههههههههههههههههههههههههههاي

لي رجعتن اكيييدهه مع الطيبين لآنه من اسبوع بس درية

اني منهم هههههههههههههاي ْْ


يمـآـآل العـآـآفيه ترككي ْْ

[المنغره]

ههههههههه «مايته ضحك على اللي يناقزيبي يسمع صوت الماء


موضوع جميل إلى بتله على قوله آم كشه خخ

امممم اتذكر اللي صدز وانا اسويه احس إني طيبه ههه

نصلح بيت من الكرتون وعرايس من اقمشه والله يالعايله تطلع كووومه وش كثرهم «صدز إننا نفشل منول

بس وناسه السراحه على قوله ابوهشم هههه «مايقول الصراحه ههههههههههههههآ



««ووش سالفتي على قوله وعلى قوله خخخخ
الف شكر
~

[ع ـروووبة]

اقتباس: والآ بأول آيام الدراســـه تروووح بالشنطه بقراطيسه وكل شي بقراطيسه عشان تثبت ان كل شي جديد ..

هههههههههههههههههههههههههههههههههه
وويلي ينتلي الفصل قراطيس وكل وحده تستعرض قلامته
والكشخه اللي معه قلم ابو ريشه ودفتر شريط ولزقات ورود

تذكرت حركه كنت اسويه منوول بالمدرسه مادري فيه احد زيي او لا
كان لاعطان ابوي ريالات متعفطه اروح ابلله ماء واكويه
عشان يعني اني ريالاتي تصير جديده

وإلا نشري الحلاوو التوفي اللي يجي احمر واصفر ولا فكينا قرطاسته
نجيبه ونحطه على عيوننا عشان نشوف الدنيا حمراء وصفراء
<~ يقاله اخترااع

وحركة الطيبين قوه اللي يفكون فيشاراتهم ويقطعون كوكاواتهم
<<~~ عشان يسوون عزيمه

وبكل إجتماع للخوال والخالات لازم نسأل وين وصلتوا بالقرآن والقراءه
<<< ذبحاتنا الشطاره حتى بيوم الخميس ههههههههههه

إيييييه صدز راحووا الطيبين
شوكراً توركي موضوع فخم ويحمسسس
لي عوده لباقي عهدنا الطيب واهلنا الطيبين
<< ترآي من آخر عهد الطيبين

وحقرص بقرص من جاه يقرص ^_^

[كروومه]

واوو موضوع خطير وطيب

رااح اعصر مخي واجيب لك حركات طيبه


شكرا تركي

[لمعة جليد]

هههههه ايه راحو الطيبين

اذكر يوم انا من الطيبين اني انا واختي نحوس بالكنبات ونحشر نفسنا تحتهن

ولا اخلي اختي يقاله مديرة عام وانا السكرتيره هههههههههه راحو الطيبين

مشكور تركي على الموضوع

[Ṥ Қ ў]

ممن حركات الطيبين اييه بس يهالحركه شابتن تسسبدي

لآجيية من المدرسسه امسك اخوآني واقعد ادرسسهم يقالي

مدرسسه <<ودي لآتذكرته اذبح رؤحي

ههههههههههههههههههههههههههاي كل هذآ جهد مالت بس


<<لآبعد اكتشفة اني من الطيبين هالاييام تعرفون انتم جهاز

التلفزيون اللي يطول الصوت ويقصره الاربع اللي جمييع

بس بلازما تختلف اجهزتهم وميير اللي امسك الجهاز توه

واصله البلازما وبلشه ي ما ضغطة اللي يمين عيي يزود

وحالتي حاله واقعد اهوش قلت خربان ابن الذين وهو توه جاي

وبس احتري المغرب يجي ابعلم اببوي<<شر شر

وتصير مضحكه المغرب علي قالو هذآ غيير يالطييبه

ههههههههههههههههههههههههاي صدز اني طيبه



<<الىآ بتله الموضوع جازلي ههههههههههههههاي

[ميعـاد]

.

موضوع جميييل

اتذكر حركه اسويها يوم انا طيبه خخخ
اول نجيب صياني حديد ونركب
فيها ونتزحلق بالدرج<<طوووفريه عند الطيبين
اونحط مفارش و نركب فيها واحد يسحبنــا


يعطيك العافيه تركي

[دلة بيبسي]

رهيب هالموضوع

اول اذا صار فيه عزيمه وجابوا العشا من الطباخ ناخذ القصدير اللي مغلفين فيه العشاء ونجمعهن جميع ونكورهن ثم نضغطهن ونجلس نلعبه وانشوته بالحوووووش رهييييييبه

وكنت اعشق الألعاب المواعين علشان ابداء اسوي طبخات بالطييييين خخخخخ
حت كنت ابدع اسوي على شكل سمك واحطه بالشمس تنشف بعدين اجيبه واصف طبخاتي فوق ماصه <<< عاد وشي الماصه اما مخفق حمام ولا بلكاشه خخخخخخخخ اييييييييييييه ياطعم ذيك الأيام

وكان عندي سبوره طباشير اجمع البزارين واصفهم وايقالي الأبله حقتهم اتومر عليهم وأسطعهم خخخخخخخخخخ

[دلة بيبسي]

وأمنول نجمع المجالس العربيه على شكل مربع ونحط فوقهن شرشف صلاة ايقاله خيمه ونجلس تحته نلعب أونو خخخخخخخخخخ

[روعة الكون]

..



حيّ الله تركي .. مشاء الله عليك تغط وتطلع مرتن وحده انت مثل وحده تقرب لنا
مانشوفه الا بالسنه مره تغطّ وهمن تطلع تقول ترا بنتي بتعرس ولا ولدي بيعرس
<~ مسمينه ام العروس خخ
مشكله انا هلحين ب برلين مشغوله بس عاد تعرف لازم افرفر بالمنتدى وفتحت موضوعك
ولا تراي اتسردح هناك منيب لمكم

اقتباس: واذا جت تأخذ عباته بالمدرسه أو الكليه لازم تشمها عشان تعرفها ..

هههههه الصراحه انا إلى هلحين اشم ريحته هماه تصير الدنيا وسخه والـ ارض مليانه غبار
همن نجمع عبيّنا بكيس كبيره وتضيع العباة لازم اشمشمه ولا لي خلق افلّ العباة ثمن
لاطلعت موب لي قعدت اسفطه مشوار اشمه اسهل

ولآتنسى حركات الطيبين باولى ابتدائي ركض حتى ناخذ المكان الاول بالطابور
شي لاصرت قدام خخ
وإلا على ايام منتديات يسلمو وطقته " ودّي يسبق ردي , لاتحرمنا جديدك " ههههههههههه
على اساس ميتين على هالجديد المشكله كل الناس لاتحرمنا من جديدك هماه بس تكثر المشاركات
وإلا لاحطيت صوره جديده واااوك ام الكشخه احط لون الخط نفس لون الرمزيه
والتوقيع ذاك اللي لاحطيت جمله بدن الالوان يدهرن بهالايقونه بس عيت تشتغل الله يصلحه
وإلا التصميم لا صرت ايقالي خلاص خلاص ضربت بالكشخه ولا اعرف للفوتو قبل انطل تصميم
جايزن لي واروح احط مربّع لون على اسم المصمم واكتب فوقه اسمي ههههههههههههه
المشكله يبان يطلع مرنقع بس كشخه قبل وخرو عنه الي تسذا

الله يذكرهن بالخير هكا الايام \= .. شوكريا يكرت ويمكن لي رجعه ,

[تركـي]

شيكرن لكم ..
على التفاعل ونبي آكثر وآكثررر ..
لازم يعود زمن الطيبين ..


هذي بعض الصور للطيبين ..

نبدأ مع تسريحة الطيبات ..



ومكياج الطيبات ..






وذي لحالها ..
شرطة ودوريات الطيبين ..








وهذا زول فاتحن آثمه وبسابع نومه وتاركن البقاله ترعى ..
رآآحو الطيبين ..




وهذا جوال الطيبين ..
رهيب الفين ..

[نــَجّــــدَ]

هههههههههههههههههههههههههههههههههه عن جد ضحكت من قلبي .. شكرا كتير الك تركي

حركاتي عرووبة

[ع ـروووبة]

^^^^

مغصن بطني من شفتهن
هههههههههههههههههههههههه

نجي طايرين من المدرسه بهالحروره ونقعد نشوفهن بالقناة الاولى
أيام ما كانت دعايته سيفين ونخله

[ع ـروووبة]

^^^

اقصد الشعار هذا ههههههههههههههههه
<~ والله ياهو جخه بعد