*
* *
*
بتمشي ؟ ... انتظر لحظة !
مداك بالله تقابلني ؟؟؟
أنا احبك وعلى حبك ... بها الشكل بتعاملني ؟؟؟
أجل لو كنت لك كاره ... حبيبي شـسويت فيني ؟
أجيك بلهفة المشتاق ... و شوف شـ لون بـتجيني ؟
*
* *
*
تعاملني كأني هم ... على قلبك تبي تشيله ...
كأني الموت لا قـــّــربت منك تبغى تأجيله ...
تقابلني و ظهرك لي ... كأن النظرة صوبي تجلب الحوبة ...
و لا مديت لك يدي ... جفلت و ظن الناس يدّي مجروبة ...
*
* *
*
تضم يدك و تتكتف .... و للساعة تظل نــاظر ...
و كل شوية تتأفف ..... و مستعجل تبي تغادر ...
و تمشي بعيد و تتاسف ..... تقول ( بنلتقي باكر ) ...
و بكرة يجي و تتخلف ..... و بعده تقول بتسافر ...
يا ليتك لحظة تتوقف ..... تلف من صوبي و تناظر ...
*
* *
*
حبيبي التفت لحظة .... و حط عينك على عيني ...
و شاور قلبك إن يرضى .... و طاعك روح و خليني ...
*
* *
*
تراك بتشوف طيف انسان ... و كل أطرافه متقطعة ...
جروح مخيطة و ندوب ... بكل الألوان مترقعة ...
دموع تسيل و دم ينزف ... من عروقي في كل بقعة ...
أثر كل كلمة لي قلتها ... و كل صدمة و كل صقعة ...
*
* *
*
و تحت الجرح جرح ٍ غير .... جروح تجمعت فيني .... عجزت ألحق أداويها ....
و كلما جاني جرح جديد .... بكلمة منك أو نظرة .... بجرح ٍ ثاني أغطيها ....
ترد و تقول ( أنا ماشي ) .... تزيد جروحي و تتركني ... لوحدي دوم أعانيها ....
و ( باكر نلتقي ) كلمة .... ترددها و تظن إنك .... جروحي بها تواسيها ....
*
* *
*
بتمشي ؟
انتظر لحظة ...
رجيتك تلتفت مرة ...
يا ليت تطيل في النظرة ...
ما أظن بنلتقي بكرة ...
حبيبي ليه ... ؟
أنت أدرى ....
*
*
* *
* * *
النص بنظري يستحق اكثر من نسخ ولصق مع بعض التعديل
دمتم بصفاء
نور ..
العرض الشجري