القشد ..بطريقة ام المقداد حتى العزوبيه بيصلحونه..

[ام المقداد]

السلام عليكم ورحمة الله وبركاته..
اليوم بحطلكم طريقة ..
القشده المقداديه ..
سهله ورائعه ولذيييييييييذه مع القهوه..
واكيد ياعمري العزوبيه اللي متغربين عن اميماتهم..
بيدعون لي ان شاء الله..
لأنه اسهل منها مافيه..
ولاتبي وقت ..
يالله نجي للجد..
المقادير:
3 كاس تمر مكنوز ان اردتم كامل او منزوع النوى ..
اصبع ونصف زبده صغيره..غير مملحه.
نصف كأس دقيق بر
نصف كأس دقيق ابيض
علبة قشطه
ملعقة قرفه مطحونه <<موب لازم للعزوبيه اكيد ماعندهم
وش بعااااااااد
بس .. نبدأ....
الطريقه :
قدر متوسط << العزوبيه اكيد ماعندهم الا هالقدر
نذيب فيه الزبده على نار هادئه ثم نضيف لها الدقيق
بنوعيه..ونحرك على نار هادئه لمدة 10 دقائق حتى يتغير لون الدقيق..
بعد ذلك نضيف القشطه ونحرك باستمرار 10 دقائق اخرى..
ثم نضيف عليه التمر ونقلبه خمس دقائق..
ثم نحطه بالفريزر
لاااااااا

امزح
مااستبعد تسوونها
بعد مانقلب التمر نكون مجهزين ملعقة القرفه <<غير إلزاميه للعزاب
نرشها على التمر ونقلبه ثم نطفي عنه على طول
ونقدمه مع القهوه ..
وبالعافيه والهنا على قلوبكم.

[ămōяẻ]

الله عليك


روعة

انا مااعتقد اي بنت

ماتعرف تسويها



حنا اللي مافي امل نعرف

ولكن ابطبعها واجرب

ابى اجرب لحالي
عشان!!!!!!!!!!






مشكورة

[الشماسي]

مشكوره اختي ام المقداد على الموضوع

وياليت من بعض الاعضاء يقدمون لنا مثل هالمواضيع الرائعه اللي تساعد بعض الشباب على معرفته بالطبخات السهله

الحمدلله الوالده ماتقصر ولكن الله يستر من التعيين مستقبلا إن الله شاء وتم قذفي إلى منطقه متوحشه فيلزم ان استفيد مثل هذه المواضيع لخدمة نفسي >>>>مهب دايم بسكوت وكيك


يعطيك العافيه ولاهنتي وننتظر الابداع

ومع التحية

[هواجـــيـــس]

يعطيك العافيه خيتوووووووو

بس حنا نحط حليب بدل القشطة

بس بجرب طريقتك يمكن تطلع الذ

يسلمووووو خيتووو

[النسيان]

مشكوووووووره خالتي ام المقداد ترى خالتي من التقدير بس بس

واله يذكر رمضاااااااان بالف خير ياختي ام المقداد

[بنت الشرقيه]

الله يعطيك العافيه ام المقداد
تكسبين اجر في هالعزابيه
واهم شي انها اكله ذات سعرات حراريه عاليه
وتدفي بالشتاء

[ماجد الأول]

الله يعطيك العافية
أنا أموت في القشد خصوصا في الصباح بعد الفجر وقبل الدوام
وإذا كان ساااااخن ما فيه ألذ منه
راح أوري الأهل طريقتك
يمكن فيها شيء جديد

مع التحية

[المجمعة ديرتي]

يم يم يم يم يم يم يم يم يم يم

سلت لعابي مشكوره ام المقداد

[شقرديه]

اثره كذا القشده

وانا هاكه على اهلي سنين

اخربط لهم واقول ذا قشد

هههههههههههههههههههههه

الله يعافيك ام المقداد

بجربها ودعواتي لك

دامك تعلمينا الطبخ الزين

ابي طريقة الدخن

وشلون يسوى؟؟

الف شكر

[أبو بسام]

خالتي ام المقددا <<<<< (مسكت عليها خالتي)



معليش اقدر اطلبها من مطعم؟؟؟

بس يكون عندهم توصيل للمنازل


خخخخخخخخخخ


كسووووووووووول

[الرمادي]

اختي الفاضلة ام المقداد

بالإضافة إلى طريقتك الرائعة بالإعداد فأنتي اجدتي في إيصال الدرس الى البنات بطريقة لاتجرح كبريائهن

كلهن يتعلمن من درسك مبسوطات وكأنهن عارفات الموضوع من زمان

بالعافية عليهن المهم أن يتعلمن الدرس جيدا فمن العيب ان يكون زوجها أكثر إجادة منها لمثل هذه الطريقة


على فكرة أختي ام المقداد لا أعتقد بأن هناك من يطلع للبر ولايعرف يسوي القشدة والدخن وقرص الجمر فهي وجبات أساسية في عز المربعانية


تحياتي ,,

[النسيان]

ياسلام عليك يالرمادي

فعلا الشباب مثلي ومثلك ومثل كل الاعضاء يعرفون طبعا ابو بسام ياخي فشلتني الحق سو تعديل لردك هههههه او تدري ترى حتى انا مثلك
يابنات اي والله تعلمن تعلمن طبخ الماما مو مطول بكرا بو العيال والعين المووف قصدي الحمرا

[ام المقداد]

ياهلا بكم كلكم ..
حياكم الله وبياكم..
هلا بعموري ايه اطبعه وانا امك يجيك وقت وتحتاجه..
الله لايبعدك عن اميمتك
بس خل التجربه لاطلعوا اهلك منا ولامنا لاتقعد تفشلنا وتلزقه بي
تقولهم هذي طريقة ام المقداد
حياك الله.
*******
هلا ابو عراده..
الله لايبعدك عن اميمتك ان شاء الله تعيينك يبي يصير بوسط الديره
والله يرد بناتنا وعيالنا هاللي ملوفين بكل محل..
يابعد الدنيا هم
حياك الله وابشر بالطبخات الزينه مادام لقيت التشجيع <<انشحطت
*******

[فيافي نجد]

يووووه حبيبة الكل ام المقداد

تاعبه روحك ليه

كان قلتي لي بجي اساعدك


بس ليتك خليتيهم يجربونه مثلج


مشكووووره حبيبتي طريقة جديدة بجربها اكيد بتكون رووووووعه

[MiSs_7o0oRyAh]

[align=center][/align]
[align=center][glow=CC3399] السلام عليكم ورحمة الله وبركاته..
اااااااااااااااالله قشد والله يانا اموت عليه ..
الف الف شكر لكي حبيبتي ..
بصراحة فكرة القشطة اعجبتني شكلي بجربها .. حنا نحط لبن ..
بس اكيد القشطة حلوووة
الف لف شكر ...

[/glow][/align][align=center][/align]