@ طلبات الحريم من الألف الى الياء @

[ثامر الناصر]

[align=center]السلام عليكم

هذه طلبات الحريم هذه الايام الله يخليهن لنا


الألف: أبي فلوس بروح معزومة على شاي هاشمية يهبل

الباء: بكره أبيك توديني لبيت أهلي عندهم عزيمة

التاء: ترى اليوم أنا ماني مسويه عشاء روح للمطعم جيب عشاء

الثاء:ثلاث أسابيع ما طلعنا للملاهي يا لله ودنا اليوم

الجيم: جيب خدامه تساعدني بشغل البيت........(والبيت نص شقة) قهر

الحاء: حبيبي..ودي بساعة شوبارد ,مليت من ساعتي الاوميغا

الخاء: خل الشباب اليوم..أنا عازمتك نتعشى بره, بس على حسابك طبعا

الدال: دور لنا فله على 3 شوارع وفيها سرداب

الذال: ذيك السنة (قبل 10 سنوات) قلت لك اشتر لنا سيارة فان أوسع وما شريت

الراء: روح قدم على إجازة خلنا نسافر لأوروبا ,,اووف حر

السين: سو للبيت حديقة كشخة,حط فيها نافورة ,أنزين!!

الشين: شيل ولدك شوفه يصيح هناك,أنا تعبانه من العيال..

الصاد: صفف الملابس هناك منثرة,مليت وأنا القط ورآك

الضاد: ضبط أوضاعك..ترى كبرت المسؤولية..(توها والدة)

طاء: طالع سيارة رولزرويس ترا ألbmw راحت أيامها

الظاد: الظاهر انك ما تحبني ..ليش ما شريت لي العقد الألماس اللي بغيته!

النون : نبي نحجز شاليه شرم الشيخ طول الصيف ..لا تنسى!

الهاء: ها عاد..ترى أروح بيت اهلى! إذا موقد الزواج وتكاليفه ليش تخطبنى؟؟!

الواو : ورني شطارتك رح عند أخوك خذ منه الورث (راعية مشاكل)

اللام: لازم تتحقق مطالبي أول بعدين أرد لك..

الكاف : كافي كلام..كسرت خاطري راح اردلك بس بشرط …....

الياء : يا لله أيدك على 20000 دولار رضاوة..

ودمتم[/align]

[الداب]

الاخ سلطانكو

وش جاك على هالمسكينااات يا أخي ارحمهم الله يرحمك


بعدين حرف الشين دلع

[أميرة ذاتي]

ههههههههههههههههههه
هههههههه


حاط نقره بنقرهن

ياويلك من الله

ترانا مسيكينات

هههههه

[فيافي نجد]

اخوي سلطانكو المغترب

كلهم من الحقوق الزوجيه

واذا الرجال مو قدهم لايتزوجون احسن لهم

[كرباج]

كان فيه شي بعد الياء تراهن مابهن ملح يبتلن طبعاً بعضهن !!!

تشااااااااااو

[بنت الشرقيه]

[align=center]
طلبات الرجال على وزن طلبات الحريم




الألف:ابي كبسه عشى

الباء: بكره قوميني عشان الدوام

التاء:ترى اليوم عازم رجال

الثاء:ثلاث اسابيع عندي دوره(الدورات ماتخلص)

الجيم: جيبي الشاهي

الحاء: حطي جوالي ولا عمرك تجيسينه(مايواطن جواله ينمسك)

الخاء:خلي عنك التلفزيون وقومي نامي(يبي يتحكم حتى في نومها)

الدال: دايم انتي تتكلمين ماعمرك تسكتين شوي(مسكينه ماينسمع صوتها بس مبالغه منه اذا تكلمت شوي)

الذال: ذاك اليوم موديك السوق كل شوي سوق (وهو موديه قبل شهر )

الراء: روحي لاهلك عشان ماتقعدين لحالك في البيت وانا بسهر عند الشباب(ويلطعها ويخليها تنام عندهم)

السين: سلميلي على اهلك(مايزورهم الا من السنه لاسنه)

الشين: شيلي عيالك عني واطلعو برا في الصاله خلوني اشوف المباراة (مايداني احد عنده وهو عند المباراه)

الصاد: صار لك لسان اشوف تردين علي(وهي ياحرام ماتقول الا الحق)

الضاد: ضبطي اوضاعك وشوفي احد اخوانك يوديكم ويجيبكم انا بسافر مع الشباب اسبوع لابها

(الله واعلم وين يروح)

طاء:طقي راسك بالجدار اذا موعاجبك انا بروح للاستراحه متى ما ابي(ياحرام مالها رأي ولا مشوره)

الظاد: الظاهر انتي ناويه تعكننين علي (اذا طالبت بحقوقا )

النون :ناويه على المشاكل الضاهر (اذا زعلت عليه)

الهاء:هدي اعصابك ولا تتهورين واجلسي عند عيالك ربيهم احسن
(اذا تطورت المشاكل)

الواو : وريني السنع وخليك مثل باقي الحريم(وهي ياحرام مولعه اصابعها العشره شموع له بس مابين)

اللام: لا تقعدين كل يوم تعيدين نفس الاسطوانه هذا انا عاجبك ولا بالهاوي
(اذا حاولت تغير في طريقته )
الكاف : كل يوم مقاضي واغراض( وهو ماتقضى له فتره)

الياء : يالله لاتزعلين ابمشيك انتي وعيالك يالله البسوا(ويدور دورتين في السياره ويرجعهم للبيت ياحرام)[/align]

[أميرة ذاتي]

ههههههههههههههههه

حلوة منك يابنت الشرقيه

وبردتي سبدي والله

ليش الرجال مايشوفون خطاهم

ودي ادري

ولا كلن مايشوف خطاه

[خزامى نجـد]

هههههههههههههههههههههههههههههههههههههههههههههههههه ههههههههههههاي

روعه يا بنت الشرقيه

كلش ولا سلميلي على أهلك شكلك معطيتهم وجه
هذا بعد أذا صار عنده دم وسلم



تحياتي
خزامى

[ثامر الناصر]

اشكركم اخواني واخواتي على الردود :

اختي بنت الشرقية ,

بالنسبة لتصليح العشاء تبغين الروج يزينه بهد مابقى الا هي والا الشغالة .

وبعدين الدورات اللي تقولين كله عشان تكبر شدوق الحريم وعيالها .

(الله واعلم وين يروح) .... وش قصدك هههههههههه


( تعكننين ) فضلآ ابغى تفسير لهالكلمة

ودمتم

[بنت الشرقيه]

[align=center]

هلا وغلا بلينا وخزامى اجل اعجبتكم





سلطانكو المغترب



تعكننين= تضيقين صدري


تحياتي [/align]

[الداب]

حلووووووووووه يا بنت الشرقية

لا لالالالا الياء رووووووعه


وتقولي الحريم مو شريرات الله يهديك شوفي الرد سريع وسرع جدا


لكن راح فيها سلطانكو


اقول رد يا ابو الشباب جنك الحريم جميع

[الفراشة]

هههههههه يعطيك العاقية سلطانكو



بنت الشرقية عجبتيني

[العريف]

الاخت بنت الشرقية .


ألفيتك اعجبتني بالرغم من انها ضدنا نحن الرجال لكن :


كلمة الحق يجب ان تقال .


تحياتي لك ولسطانكو