كل صباح مع زقزقة العصافير تضع لنا بلدية بريده تسليه لا تتوفر للكثير !!
يعني بالعربي اللي مهوب فصيح يخلونك بلدية بريده كنك تلعب كراش حقيقي !!
مثلا من غير بلدية بريده يحط لك هالأشياء الصباح بوقت المدارس والزحمه !!؟؟
الصوره اليوم الساعه 6:40 صباحاً . !!
الغريبه انهم يصيرون بالإتجاه الزحمه !!
يعني لو الزحمه بالسايد المعاكس تلاقيهم هناك !!
والأغرب انهم الصباح يكونون بسايد اللي يتوقعون انه مزحوم
والظهر على وقت الزحمه يروحون بالإتجاه الثاني علشان وانت راجع
يسوون لك اختبار بقدراتك في القياده !!
المكان الفايزيه - على بعد نص كيلومتر للأمام مدارس خاصه وكلية الإقتصاد للبنات !!
القهر هالوايت ما لحقت اصوره وقت الزحمه وانجبرت ارجع واصوره
بس بعد ما راحت الزحمه اللي كان مبدع في المشاركه فيها !!
اتذكر قبل ستة سنوات تقريباً وانا رايح للجامعه كان فيه وايت
يسقي (البرسوبس) هذا النبات العظيم الذي بات جزء مهما في تاريخنا الممتليء بالحساسيه ..
وطبعاً كان في الإتجاه الزحمه كالعاده (يعني مرحله متقدمه بالبلايستيشن)
وفجأه صدم فيه طالب جامعي مسكين وتوفي رحمة الله عليه !!!
الكلام هذا في طريق جامعة الإمام وانت طالع من بريده .
قبل يومين وللأسف ما صورته كان فيه عمال يقصون شجر الساعه 6:45 الصباح مقابل المتحف !!!
وغيرها كثير جداً .. لكن الى متى !!
يعني ما يقدرون بلديتنا الحلوه انهم يشتغلون مثل باقي المدن بالليل (قبل صلاة الفجر )
او بعد الساعه الثامنه صباحاً لما تفضى الشوارع من الطلاب والموظفين !!
يمكن يكون هالموضوع مكرر واعذروني لأني ما اتابع معكم بشكل مستمر .
العرض الشجري