سرقه مدرسة 55 بنات ( بشويش لايعرف احد ) المديره ما تبي احد يدري!!!!

[الطشت]

أهلين بالجميع .

تعرضت احد مدارس البنات ( 55 ب ) لسرقة اثناء الاجازة الاسبوعية الخميس والجمعة .

حيث تفاجئت ادارة المدرسة عند بداية الدوام بكتشاف عملية السرقة والتي نتجت عنها كسر بعض المكاتب للبحث

عن مبالغ مالية او اي مقتنيات ثمينة .

الجميع طبعا سوف يقولون ان مسلسل السرقات لم تسلم منه المنازل والدوائر الحكوميه ومنها المدارس ......


وهذا صحيح لـــــــــــــــكــــــــــــــــن الغريب بالمــــــــــوضــــــــــــوع هــــــــــــــــو عـــــــــــــــدم ابلاغ ادارة

المدرسة ادارة تعليم البنات او الاجهزة الامنة .


وحتى الآن السبب غـــيــر معروف لهذا التكتم من ادارة المدرسة ...........

ربما يكون السبب هو يأس المدرسة من جدوى البلاغ نظرا لتكررها .......





هذا ولكم تحياتي

الطشت

[~§(عطر الحكي)§~]

وش يدريك

يمكن تبي تمسك الحرامي بنفسه

ترا بعض الحريم بهالوقت شيطانيات

*_*

[جلوي العتيبي]

تصرف خاطيء من إدارة المدرسه

كان الأجدر والصحيح هو إبلاغ الشرطه وإدارة التعليم بهذه السرقه

حتى لايترتب على هذه السرقه أمور اخرى قد لاتحمد عقباها

[الرمادي]

أخي العزيز الطشت


أعتقد ان سبب التكتم عاطفي اكثر من أي شئ آخر


فلربما وجود حارس مسئول خلال وقت السرقه وضع المديرة في موقف حرج



وقد تكون المسروقات البسيطه برأيها لاتستحق وضع ذلك الحارس في موقف صعب قد يؤدي إلى ضرر جسيم بعمله



هذا برأيي اقرب الأحتمالات واكثر الدوافع خلف هذا التكتم



هذا إن كان هناك حارس مكلف خلال ذلك الوقت



وإلا فإن الأمر قد لايتعدى محاولة الأبتعاد عن إجراءات تشغل ولاتفيد


ويضل التكتم بحد ذاته خطأ مهما كانت دوافعه واسبابه



تقبل تحياتي ,,,

[الحقيقي]

يمكن الحرامي يخوف

[المكحل]

هههههههههههههههههههههههههههههههههه يمكن المديرة تعرف السارق ولا ودها تفضحة

[شقرديه]

إدارة التعليم مشددة على عدم ايداع اي مبلغ نقدي داخل المدرسة

كذلك مشددة على ان ابواب الرئيسية للمدرسة حديد

وحاطة قائمة لها اول مالها آخر لحماية المدرسة من الحرامية

ربما ان المديرة ما تقيدت بأحدها

مثلا حاطه فلوس ميزانية الاقتصاد والنشاط عندها بالدرج وهذا ممنوع

او فلوس المقصف وايضا هذا ممنوع

ربما فيه مبلغ تم جمعه بطيقة شريعه

ربما تؤمن ان الادارة يفضلون المديرة اللي تحل مشاكلها بعيد عنهم

الله اعلمالله يعينها

عموما لا يعتبر موضوع بالنت بلاغ رسمي

تحياتي

[عاشق التحدي]

تصرف خاطيء من إدارة المدرسه

كان الأجدر والصحيح هو إبلاغ الشرطه وإدارة التعليم بهذه السرقه

حتى لايترتب على هذه السرقه أمور اخرى قد لاتحمد عقباها

[أبو حكيم]

اؤيد اخي الرمادي في تحليله

[alnesf1]

السلام عليكم ورحمة الله وبركاته

تصرف خاطيء من إدارة المدرسه

كان الأجدر والصحيح هو إبلاغ الشرطه ؟؟؟؟؟؟؟؟؟

[اماني غريب]

السلام عليكم ورحمة الله وبركاته

اخواني كما ذكرتم تصرف خاطيء والاجدر تبليغ الجهات المسؤله لاخلاء المسؤلية فقط ؟ ؟

سمعت ان المتوسطة الخامسة بالصفراء تعرضت في عام واحد لاكثر من سرقة وبالرغم من التبليغ الا ان المشكلة قائمه وفي كل مرة لايعرف الجاني فما رأيكم !!!

[عيون الصقر]

هلا اخوي/اختي .. طشت لكن خلنا نتفق على اخ حتى اشعار اخر

انت عاجبني حيل عشان كذا بكون صريح معك وارجوك ماتزعل مني كل اللي يردون عليك يمدحونك خلني اسبك شوي ولا تزعل الله يخليك .. زين اتفقنا .. اجل اسمع


والله اسلوبك حلو وقاعد تجيب اخبار زينه

بس انا لفت انتباهي شيء واحد

شعندك بصراحه مع المدرسه حقت البنات 55

مره سمبوسه ومره سرقه

شكل المدام تشتغل عندهم ومتهاوشه مع المديرة

او انتي نفس المدام ومنتي على وفاق مع ادارة المدرسه

المهم

اشلنا بالسمبوسه وسرقة مدرسه

يعني عفوا شراح نستفيد ؟

وقفت الدنيا على سمبوسه او كسر ادارة مدرسه مافيها بالدرج الى سبع ريالات حقات المقصف
انت عارف صارت من البديهيات انك تسمع عن تجاوز باي مدرسه حريم ورجال لكنه مايمثل الاداره ولا يمثل التعليم بالمنطقه عموما بل هي تصرفات فرديه وايراد خبرها هنا بالمنتدى مايودي ولا يجيب ولا يحل مشكله اكثر من انه ينبيء القاريء ان الكاتب او احد العزيزين عليه عنده مشكله مع هالجهه وبكذا يفقد مصداقيته وماراح احد يقراء له لانه في اسلوبه وتعيينه لمكان واحد بخبرين مره وحده يفهم الواحد انه فيه شيء بينك وبين الجهة اللي تكتب عنها وانك ضعيف في مصادرك لان مافيها تنويع المصادر محصوره باماكن تواجدك او تواجد من تحقق رغبته ومع ان اسلوبك حلو وانت كاتب يبدو انك لك رؤيه وتملك حس وطني وغيره على بلدك وهذا شيء ممتاز بهالوقت الغبر لكن ابعد عن الانتقائيه وعدد مصادر خبرك واذا عرضت الخبر او المشكله اطرح اقتراحك بالحل عشان يكون الموضوع متكامل وتعطي فرصه لغيرك من القراء انهم يناقشون افكارك واقتراحك واشوفك يمكن يجي منك في امور الفلسفه الاجتماعيه من يوم حللت في ردي عليك الذكور والانثى لو تعطيء جز من اهتمامك لمشاكلنا الاجتماعيه راح تفيدنا زياده وتخرج من اطار المراسل لاخبار عاديه نشوفها بكل مكان حتى شبعنا تخيل كم موضوع راح تطرحه لو دخلت اشكال من الاسر من جنوب بريده حتى الشمال وطبعا ماراح تنسى الخبوب وطيب الذكر الشرق انا اقول راح تبدع في نقل مشاكل وهموم اكثر ايجابيه واكثر حيادية تكسب الاحترام والتقدير لشخصك الكريم ولقلمك الحيادي والمعالج.


ارجو انك تعتبر سطوري دردشه مع كاتب ممتاز وماتزعل مني اذا زعلت مني ماراح اتجاوب معك نهائي ولا راح اتابع مواضيعك واتفاعل معها ولك مني كل تحيه وتقدير

[ولد فطيمه]

عيون الصقر ...

انت لاتزعل مع أنك مقدم (( بمبررات )) الزعل وهي عدم التجاوب والتفاعل مع طرح الطشت القادم !!

(( الطشت )) أسم غني عن التعريف (( أجحده يالطشت )) بمنتدى بريدة وخاصة الخاص ..!!

وغالباً ما يناقش أمور أجتماعيه وتربوية بأسلو ب متناغم .. ربما حداثة تسجيلك بالمنتدى لم تسعفك بالاطلاع

عليها ..

المهم .. ما أثارني (( طرحك )) السلبي فيما قرأته في ردك على مشاركة الطشت ..


سرقة مدرسة .. ومدرسة بنات .. وبوسط البلد .. وبعز النهار .. وبرمضان .. وبمطارق وشواكيش !!

والموضوع عادي ولا يحتاج الي نقاش وطرح .. برأيك !!

هذا الموضوع (( بالذات )) يحتاج الطرح وعلى عدة محاور ,, أرجو أن يسعفني الوقت لسرد بعضها بعجالة

منتظراً تعليقك عليها ...

الناحية الامنية .. مسؤلية تعليم البنات .. مسؤلية مديرة المدرسة .. مصير المسرقات .. الوضع النفسي

وردة الفعل للمعلمات والطالبات ..الهدف من تكتم مديرة المدرسة على هذه الجريمة .. جرأة من قام بها...

العقوبة التي يعرفها المجرم فينا لو أكتشف ..

عيون الصقر .. أختر أي محور من المحاور السابقة وهو بحد ذاته موضوع أجتماعي هادف يحتاج الي طرح

ونقاش ..

أما مسألة أن تكون (( الاخت .. الاخ )) الطشت لها هدف فيتضح ذلك من مدى مصداقية الحادثة من عدمها

والتي أتمنى منك أنت تأكيدها بحكم (( قربك )) من الوضع ..

عيون الصقر (( أعذرني )) فهذا أسلوبي (( ولد فطيمه )) أقشر كما يقولون وصريح وهذا ما أدفع ضريبته

دائما ..

من ولد فطيمة للجميع أحلى تحيـــــــــــــــة (( بتغرة )) السنبوسه ..!!

[شقرديه]

الأخوان الرمادي و أبو حكيم

حسب علمي وربما أكون مخطئة

مدارس البنات ليست كالبنين لم أسمع من قبل بحارس مقيم او له بيت مرتبط بالمدرسة

ينتهي عمله بخروج آخر طالبة بالمدرسة

لذا التحليل السابق أعتقد بخطئة


اخي عيون الصقر كما ذكر ولد فطيمة الطشت عضو قديم يهتم بما يخص مدينة بريدة وكثيرا ما كتب مواضيع تهم اهالي المدينة

والموضوع صعب جدا خاصة على المديرة

نجي للمحاور اللي طرحم الأخ ولد فطيمة:

الناحية الامنية

لا ناحية أمنية بتعليم البنات

النظام واضح

باب الإدارة أو المدخل الرئيسي من الحديد وليس خشبي ((كأن الحديد لا يكسر ولا يفكة اللحام))

ممنوع وضع أي مبلغ نقدي داخل المدسة وتلزم المديرة بفتح حساب خاص بالمدرسة

لا يوجد حارس بعد خروج آخر طالبة من المدرسة

عمال الصيانة معهم مفتاح للمدرسة

.. مسؤلية تعليم البنات .
تقتصر مسؤوليتهم بإرسال محققه ((داجه مالها إلا كم سنه خبرة نفسها بطرف خشمها))

تحقق مع الإدارة مديرة ووكيلة وإداريات

وترفع التقرير للمدير العام والمدير يرد بقرار تغريم المسؤولات المبلغ المسروق والتشديد على إقفال الإدارة بباب حديد والسلام ختام

لكن لن يكون هناك مسح بصمات ولا تحقيق مع أهل الحي ولا تتبع لها كقضية والحجة المبلغ ما يستاهل شوشرة


. مسؤلية مديرة المدرسة .

بيجي على راسها إذا كانت أخلت بالنظام

مثلا إذا وجد مبلغ كبير في المدرسة

أو كانت الأبواب ليست حديد ولم تطلب بخطاب رسمي باب حديد

أو أهملت مفتاح باب الإدارة

. مصير المسرقات ..

من نصيب السارق

الوضع النفسي وردة الفعل للمعلمات والطالبات .

لا اعتقد أنه يؤثر على الطالبات والمعلمات لأنهم أصلا ماراح يدرون بشيء إطلاقا

.الهدف من تكتم مديرة المدرسة على هذه الجريمة .

سبق توضيحة برد سابق

. جرأة من قام بها...

تسرق سيارات من أما أبواب اصحابها

كيف يتردد ويخاف من سرقة مدرسة بلا حارس؟؟

المال السايب يعلم السرقة

وربما أن هناك من يعلم من المنسوبات بوجود مبلغ يسوى تعب السرقة

العقوبة التي يعرفها المجرم فينا لو أكتشف

إذا بلغ النصاب قطع اليد وما دون ذلك الحبس والجلد حسب حكم القاضي

لكن الفاعل يعلم أنه لن يقع في قبضة العداله

لأنها أصلا لن تبحث عنه

ولن يكون هناك تحقيق أمني من الشرطة بشأنه

للجميع فائق التحية

[الطشت]

أهلين بالجميع .

اشكرك ياولد فطيمة على الاطراء ( شكلك متوهق )

بس كل الناس عايشه بستر الله الله بستر على الجميع

( لو تشوف ايش صار كبر راسي ( الله يعينن على ورحي ( مهبول وطق بعصا ) يارض

انهدي ماعليكي قدي

الطشت وصل ياعيون الصقر

بس لالالا تشرب من ماء الطشت تراه كله صابون ويوجع البطن ماهو مثل طشت نانسي .

ادري تبي تقول والله خلق وفرق من طشت بريده الى طشت نانسى ...انسدة نفسك معليش

تحملني


تني نبدا بمناقشة الموضوع من الاول او اي سطر اختر .... مافيه اتصال بصديق ولا حذف اجابات و

لا مساعدة جمهور ..........اعتمد على ورحك

خلني انا المره ابساعدك بس تراها اخر مره .... ماهو كل مانزنقت قلت وين الطشت انا ماني دائم

لك اعتمد على نفسك تبي تكبر اكبر من كذا لو حنا مزوجيتك كان اعيالك طولك بس معليش

رمضان كريم

اولا ..

تقول ((انت عارف صارت من البديهيات انك تسمع عن تجاوز باي مدرسه حريم ورجال لكنه مايمثل الاداره ولا يمثل التعليم بالمنطقه عموما بل هي تصرفات فرديه وايراد خبرها هنا بالمنتدى مايودي ولا يجيب ولا يحل مشكله اكثر من انه ينبيء القاريء ان الكاتب او احد العزيزين عليه عنده مشكله مع هالجهه وبكذا يفقد مصداقيته وماراح احد يقراء له لانه في اسلوبه وتعيينه لمكان واحد بخبرين مره وحده يفهم الواحد انه فيه شيء بينك وبين الجهة اللي تكتب عنها وانك ضعيف في مصادرك لان مافيها تنويع المصادر محصوره باماكن تواجدك او تواجد من ...))

سؤال لو سمحت هل هذه التصرفات مقبوله لديك ؟ بغض النظر عن مصدر هذه الاخبار وخاصة اذا كانت

صحيحة.


اذا افترضنا جدلاً ( حلوة جدلاً ياالله اطلعت ) ان الخبر صحيح هل الموضوع يستحق النقاس ام لا ؟


خلاص ابخلي باقي الموضوع بعدين ماابغي اكثر عليك اكيد ... بتقول والله الطشت رحوم رمضان

ككريم ..

اذا جيت ترد نطل سطر تراك بهذلتني يوم جيت اقر


تقبل تحياتي