ياشباب أبي فزعه وتراه مايجيكم الاالدعاء مني ومن الوالده

[ابو ريما الخالدي]

ياشباب
تكفون لاتقرون الموضوع وتروحون
أبي أحد يفزعلي
والله لاخلي الوالده تدعيله
وتراه من سوء معروف بمسلم أجر عليه

القصه ياأخوان

هي :


أنه عندنا في البيت بس أو بسه مادري



موذينا ومشغلنا أشغال نجاسته الله يكرمكم ويعزكم بكل مكان
مافيه بالبيت من شي الا وناجاسته فيه
الفرشات
الارض
أكياس الرز اللي في المستودع
رفع ضغطي وطلع الشيب براسي
أبي الله لايهنكم
محل يبيع الصياده حقت البساسه وين أحصله أو وين المحل اللي يصلحهن
لانه كان عندي صياده جيبها الوالد الله يرحمه بس أخذها واحد من الزملاء وضيعها
أناأقدر بشوزل أطير راسها
بس الوالده حلفت على يمين أني ماأرميه
تقول يا صده بصياده أو أتركه

[عيون الصقر]

ياعيال هبس عجزتوا عن البسه لايسمعك احد من الربع يالخالدي وانتم راعين الطولات يزعل عليك اجدادك يخنقون الضباع بجحوره وانت عجز تدافع عن امك من بس والله ماودي اعلم عليك عيال هبس واحفاد السحاب عشان مايزعلون منك .. عاد بقولك فكره هاتلك سلمك الله كيس بصل الاحمر وحبل دقيق نايلون ودخله في راس الكيس بدل الموجود بالكيس اصلا بحيث اذا سحبته قفل الكيس اوكي .. اوكي الخطوه الثانيه تدق مسمار قوي يكون في راسه حلقه عند مستودع امك بحيث يدخل فيه حبل النايلون بعد مايطلع من فم الكيس بتقول وين ادق هالمسمار انا اقولك .. خله يبعد عن الارض بارتفاع شبر .. وبعدين نوم الكيس وخله مفتوح وحط في آخره لحمة طيبه وخل الكيس مفتوح في المقدمه والوسط والنهايه واذا دخل طيب الذكر البس يبغى اللحمه شد الحبل راح يقفل الكيس على البس بمساعدة المسمار اللي بالجدار وسوف نبارك لك صيدة البس ويفضل منحة تاشيرة خروج نهائي الى المسلخ او الى مطاعم شارع الخبيب خله يضيع في حيص بيص .

[المجمعة ديرتي]

اخي الغالي





عليك با الافريدان

[ابو ريما الخالدي]

الف شكر لكم
والله لايحرمك من الجنه وريحها وأنهارها

[بدر الشايع]

[align=center]ابوريما

أبوصف لك محل إن شاء الله تبي تلقى به صيادات على كيف كيفك

أنت تعرف سوق الغنم ؟


به محلات بجنبه تبيع مستلزمات طيور وغنم ....

تلقى عندهم صيادات بساسه

======

سلملي على الوالده , وقل له تكثر من الدعاء [/align]

[بندر الحمر]

السلام عليكم ورحمة الله وبركاته

أخي الغالي أنا عندي لك مصيده حلووووووووووه

بس بشرط الدعاء الخالص من القلب ياخلفهم

أحسن طريقة لصيد القطط >>>إسأل مجرب

هي إنك تحارش البس باللحم وتغريه

وبعد ذلك تفتح تفتح شنطة السيارة وتجدع اللحم بالشنطة >>>>وبعدين

تسكر الشنطة على البس وتروح عند المعارض فيه عزبة هنود

تفتح الشنطة تبي تلقاه يصبخ الجدران ضايع بالطوووووشه

شكرا لك

[Shawly]

أنا ما أقول الا محل الزاجل

اللي بالفاخرية جنب قصر القاعة الكبرى

يمكن هو اللي يحل المشكلة؟!؟!

[ابو ريما الخالدي]

الف شكر لك أخي الغالي (*ذيبان*)
وراح أمر عليهم

وأبشر راح وأصيها لك ولغيرك
-------------------------------------------------------------------------------

هههههههههههه
والله أنك ملك الطرافه
أحطه بالشنطه وأخلي عزبة الهنود يبلشون فيه
والله أن تلقى الهنود راحلين من المعارض
الف شكر

-------------------------------------------------------------------------------

الف شكر أخوي Shawly
مريت على الزاجل
وبس للاسف ليس لديهم حل للموضوع

الف شكر أخوي الغالي
-------------------------------------------------------------------------------

الف شكر لكم أخواني ولان أنساكم من دعاء أنا والوالده

لاحرمكم الله من الجنه وأنهارها
وأسال الله أن يحفظكم أينما تذهبون
وأن لايريكم ماتكرهون
وأن يجعل كل أيامكم سعاده أنتم ومن تحبون
ولايريكم مكروه أبدا في حياتكم

[مسدح البعارين]

السلام عليكم ورحمة الله وبركاته
هههههههههههههههههه ياحليلك راااااااااااايق عجزت على هالبسه افه وانت خالدي طيب وش حادك تدخلها البيت الله يعينك باااي ادري مانفعتك ضيف خفيف

[دواس]

هههههههههههههههههههه
بس حسر بكم؟

تبي الكلام؟
خله يدخل بالمستودع وادخل عليه وامسكه