عاجل هناكـ رؤية تأكد سقوط مجمع النخيل خلال الشهر القادم ..

[فيتامين]

(عاجل هناك رؤية تأكد سقوط مجمع النخيل خلال الشهر القادم لسبب ما !لاتذهب إلى هناكـ هذه الأيام بلغ من عز عليكـ )

كانت هذه رسالة من (لطيفة) إلى صديقتها (صفا) تحذرها من الذهاب هناكـ ..
وبعدها وصلتني الرسالة من (البنت الصغيرة الخايفة) تحذرني من ذلكـ ..
وتسأل وش السبب ينهار ياخال..؟

طبعا أكيد أنها خايفه أكثر لأنها تبي تفقد بعض الماركات (الكويسة) لكنها ماأفصحت بالسرهذا ولا هي مفصحة إلا بعد الشعور بالأمان وعدم الأنهيار ..

إن هذه الرسالة هي نوع من أنواع الهلع الذي ينتشر ويتحقق ويكتب عنه بسبب (رؤيا) عاجلة عابرة تعتري غير(الرائية) ولربما هي اضغاث احلام كانت من شخص أو فتاة عبرها (له)أو (لها) مفسر (توه بادي يطقطق) كماعبر بعض الإخوة بيننا !

فمتى نتعلم ان نعطي الرؤيا مكانها في الأسلام حتى لاتكون قطعا وادعاء لعلم الغيب ولربما نفاجأ بيوم يدعى فيه المؤل ( ربا ) بسبب جهله او انفتان الناس به .
وحتى لاتكون إلعبوة للناس يسيرون بها حياة العامة والمرضى ..

(والعلماء يقولون: إن قرابة 70% من نوم الإنسان يرى فيه رؤى وينساها، ولا يحتفظ في ذاكرته إلا بقدر ضئيل منها)

(ولا يوجد في ميزان الشريعة من يؤوّل الرؤيا بالحق ولا يخطئ فيها إلا الأنبياء والرسل ولا يقاس غيرهم عليهم) فلم نجعل توقعات الناس حقيقة وتخميناتهم واقع لامحاله ..!

واغلب من يتعلق بالرؤيا هم الضعفة من الناس , والمرضى , والمهزومين , وغالبا ماتتكاثر فيهم و بينهم هذه ..

إن إشاعة سقوط (مجمع النخيل) نموذج وهناكـ اشياء ورؤى كثيرة تشكل حياة الفتياتـ خصوصا وبعض الناس ..
فالتفسير من المفسربين البعض (يقيد اليد , ويعطل عن العمل , ويصنع اليأس)

النخيل بلازا : ربما يخسر خسارة كبيرة ومبهرة في الشهر القادم ربما بسبب(تحدي)قام به صديق لموظف في (المجمع) حين قال له الموظف بصراحه زحمه عندنا في السوق) فسأله صاحبه (تحب) أريحكم الشهر الجاي ؟
أجاب (الموظف) بانفعال واستغراب اتحداكـ (يابو صالح) ؟
هنا خرج الصديق وهو يخطط لخسارة كبيرة للمجمع حتى يشعر صديقه بقوته وقدرته ..
حينها عزمـ على افضل واسرع طريقة عند (النساء) لكونهم (هم الزبون للمجمع) ففطن للتفسير ..
وبالفعل ..

كانت النتيجة ..

[إخلاص]

الناجحون فقط هم الذين يتعرضون لإشاعات مثل هذه
اذكر قبل كم سنه كان فيه طبيب (ياسين شاهين) في حي الصفراء وكان هذا
الطبيب جيد في تشخيص الامراض وعلاجها
حتى ان القاصي والداني صار يأتي اليه
ثم سمعنا اشاعه انه يهودي شراني وكانت النتيجه انه سافر بغير رجعه.

[فزاع]

[align=center]مجمع النخيل ................... يعتبر نقلة نوعية في بريدة

من حيث الموقع ............... التصميم ............. الماركات ................ المطاعم ......... المواقف ........

متنفس لأهالي القصيم

ولكن ////////////////////////////

نتمنى ............. تواجد الهيئة بشكل اكبر بالمجمع[/align]

[o0 Humer 0o]

بكل,,تأكيد,,اشاعات تصدر من ناس حاقدين على الشخص المسؤول عن هذا المجمع!!

أو ناس فاضيين ماعندهم إلا كلام × كلام,, لا يودي ولا يجيب,,

كما انتشر قبل فترة في الشرقية اشاعة نفسسس الشي ان وحده رأت رؤية بعد ما فسرت الرؤية لها قالوا

ان معناتها مجمع الظهران مول ((احد المجمعات الكبيرة والجديدة في الشرقية)) بيصير فيه انفجار ,, وبعدها

جات اقوال ان ادارة المجمع تلقت عدة تهديدات!!,,

وفي النهايـــة,,لم نرى اي شيء,,انها فقط مجرد ((إشاعات))لا مغزى من ترويجها!!لهي تجيب ولاهي تودي!!

فيتامين,,اشكرك على هذا الموضوع!

[عجولي]

شكل مصدر الإشاعه من عنيزه

[The Free Man]

اقتباس:  المشاركة الأصلية كتبت بواسطة عجولي     شكل مصدر الإشاعه من عنيزه

هههههههههههههههههههه

[شخصية]

ياليت تقولي بأي يوم بالضبط وباي ساعة شافوه ينهار .. حتى أروح مخصوص بذاك الوقت أتعشى بهارديز مع خواتي ... الله يمد باعمارنا ان شالله ونضحك على هالخبر والتخاريف بالذات .. قل للي حلم او اللي طلع الاشاعة .. قم بس قم .. دور غيره ... وبشره ان المولات جاية جاية مثل النخيل واحلى واجمل وافخم واكثر حرية بعد .. صحيح أهل العقول في راحة
.
.
.
على طاري الظهران مول ...والله ياهو روعة بعد .. ليت يفتحله فرع ببريدة

[بحر العطاء]

سالفتكم مثل سالفة مجمع الفيصليه والمملكة قالو انها بيحترقن ويسقطن

خلال كم يوم اللهم ياكافي هاذي الاشاعة كانت قبل رمضان الماضي

وشرهتكم على للي طب ذيك المحلات بس قلقت ان طاحت عزالله قلب الرياض اندفن الله يستر


ويكفينا شر الاشاعات

[ثامر الناصر]

شكرا لك ..

والقادم مذهل اخي العزيز من الاشاعات !!

ودمتمـ

[الكلاسيكي]

سبق وان قال لي احد الاشخاص من عنيزة عن هذا الحدث , وهذا تراه قديم , قبل فترة سمعته
ومن شخص من عنيزة ,,, وكما قال احد الاخوان من المتضررين اللي نشر الاشاعة

لكن نقوله ( العبها على غيرنا , وناظروا سقف مبارك زين لايطيح عليكم بسم الله عليكم من كل ضرر وشر )

[شخصية]

اقتباس:  المشاركة الأصلية كتبت بواسطة الكلاسيكي     العبها على غيرنا , وناظروا سقف مبارك زين لايطيح عليكم

هههههه

[دلــ بريدة ــع]

هههههههههههههههههههههههههههههههههههههههههههههههههه



اللله يعيننا على مثل هالاشاااعات


ما ادرى وش مستفيدين اصحابها

[ابوعمر]

هههههههههههههههههههههههه


الله يستر لا يجي واحد يطلع عن منتدى بريده اشاعه يقول انه يرسل فيروسات للاعضاء ويسرق ما في اجهزتهم


كا ما تلقى ولا بنت تكتب في المنتدى

ههههههههههههههههههههه


ترها مداعبه لا الحين يزعلن علينا

[كرباج]

حمى الاسهم الظاهر خلت العالم يهذرون ويشيعون بكيفهم على فكره ماقد جيت للسوق ذا والحين جزمتوني على الجيه بس عندهم قهوه ايطاليه !!

تشااااااو

[الرمادي]

بكل اسف ان تلك الأشاعه سيكون لها اثراً واضحاً على المتسوقين شئنا ام ابينا


تحياتي ,,,