فحص الزواج وعيوبه *** ادخلوا لتعليق>>>

[إشراقة حرف]

[align=center] تخيلو معي
بنت شايله اراقها وماسكه سرا مع مجموعه رجال و حريم عند عيادة الدكتور اسماعيل ... عيادة فحص ما قبل الزواج في المستشفى الملك فهد التخصصي في بريده.. دكتور واحد و عيادة وحده في ممر واحد ولها باب واحد ..
ابو الحراااااااااااااااااااج اللي هي فيه حاطه راسها في الارض ومستحيه !!!
المشكله لما تناديها الممرضه بالاسم قدام الناس ياويلي فشيله ما بعدها فشيله .. هذا ان وجدت الممرضه ؟؟؟
بتقولون الزواج حلال ومو عيب ..............
ايوه صح حلال ........... بس الحياء شعبة من الايمان .. وعادات وتقاليد المنطقه متحفظه جدا والكل يشهد على ذالك .. لذالك بناتها يشهدلهم بالحياء بمثل هذه المواقف .. اذا البنت تستحي من ابوها واخوها وشلون من الناس....
والادهى والامر ان مافيه استراحة نسائية قريبه للانتظار ولا فيه ارقام بعد ,,, كلن شايل اراقه واقف ينتظر دوره ؟؟؟

وكله كوم ونظرات اللي واقفين مهعا بالممر كوم ... ياترى وش يفكرون فيه وش التسائولات اللي في روسهم و يبون لها حل ...؟؟؟
والبنيه ياعيني لازقه بالجدار ودها الارض تبلعها وتخفيها عن الناس ...

واذا معها اخوها ولا ابوها تصعب بعد عليها اكثر واكثر .. الله يعين

الموقف هذا حصل من اسبوع وللحين تشعر بالفشيله وكأنه حصل هذي الساعه ...

حلوها عاد ...[/align]


1 ) عياده خاصه
2 ) مدخل خاص
3) ممر خاص
4) سريه تامه
والرابعه جدا مهما .. ليه ؟؟؟
فرضا ما حصل توافق وش يبيقولن الناس اللي عرفوها وعرفوا اسمها !!!!!

[إشراقة حرف]

وشدعوى ما احد همه الموضوع ؟؟؟؟؟؟؟؟؟؟؟؟؟؟؟

للاسف !!!

[ابوغاده]

بالعكس ونص والله احراج وبس وفشيله

وبعدين مبررررروك نوال

وعقبالنا ان شاء الله
ههههههههههههههههههههههههه

الف مبرووووووووووووووووووووووووووووووووووووووووووووووو ووووووووووووك

[الوطني]

معك حق اختي نوال ... العيادة في ممر يربط اقسام مطلوبه لأغلب المراجعين ، الطوارئ ، والاشعة ، والمختبر ، والصيدلية

ليس هذا فحسب .. بل النظر بعفوية داخل تلك العيادة اثناء المرور .. ومشاهدة الموجودين فيها من الرجال.. يشعرني بالحرج بعد مااعرف انها عيادة كشف الزواج .. حيث لاادري كيف سيفسرون نظرتي لهم ... وحيث اخشى ان اطيح باحد ممن يفضل قضاء حوائجه بالكتمان ..

تحياتي ,,

[بـريـق الـمــــاس]

اخت نوال

معكِ حق في ما ذكرتي


كان من المفترض ان تكون العيادة هذه بالذات سرية

الآن العيادات الأخرى خصص لها مدخل للرجال ومدخل للنساء

وهذه العيادة يجب ان تكون كذلك يخصص مداخل للرجال ومداخل للنساء

وتفرق هذه العيادة عن باقي العيادات بأن تكون أيضاً سرية

صحيح ان الزواج حلال ولا أحد يفشل منه ولكن

اقتباس: فرضا ما حصل توافق وش يبيقولن الناس اللي عرفوها وعرفوا اسمها !!!!!

من اجل هذا السبب يجب ان تكون مناداة الأسماء بطريقة أخرى

وخاصة للنساء

مثلاً

نورة عبدالله سليمان

منيرة صالح محمد


أي أنهم يتجنبون ذكر اسم العائلة



انا لم اشاهد هذه العيادة لأن القرار جاء بعد زواجي

ولكن قلت رأيي بناءً على كلامك



تقبلي تحياتي

[إشراقة حرف]

ولد يسوى بلد .............
اشكر مرورك .. وتعليقك ... والله لاتفضحنا
وشدعوى لصرت انت ذكي وتفهمها وهي طايره
عااااااااد لاتحرجني ؟؟؟
<<< أم عيال

[إشراقة حرف]

حيث اخشى ان اطيح باحد ممن يفضل قضاء حوائجه بالكتمان

صادق وهذا الامر بالذات يفضل ان يقضى بالكتمان حتى يتم ثم يعلن

شكرا يا اخي وطني على مرورك ..........

وارجوا ان موضوعي يجد صدا إيجابي

[إشراقة حرف]

بريق الماس فعلا المفروض ينادى بالاسم الثنائي او بالارقام فقط
ولكن يجب ايضا تخصيص مكان لنساء فقط ..

اشكر مرورك بريق الماس ودمت بسعاده

[عيــــون بـريدة]

معكم حق بصراحه وشكرا يااخت نوال على الاهتمام .........

[إشراقة حرف]

اشكر مرورك عيو ن بريده

انا ارجوا ان الموضوع يصل الى الجهات المختصه
لكي تهتم بالامر..

بالتوفيق

[نـــزف اصيـــل]

لاادري متى نصبح شعب متحضّر

نتكلم بالمثاليه ولانطبقها

نتكلم بما لانعمل ونعمل بما لانتكلم به

وهنا نخاف من الاسم ..(اتكلم هنا بوجه العموم لااتكلم عن شخص معين)

متى الكروت الاجتماعيه الحمراء تلغى ..ويسمح لنا بأن نعيش


نوال

اتمنى ان تكوني بخير

تحية شخصية اولا لشخصك

وشكرا لموضوعك ..

انا بالنسبه لي ..

ارى انه ليس هناك داعي لكل هذا الحياء الزائد

وماالمشكله ان نادو باسمها ..

على فكره

بالمركزي ...لايسمح باخذ الاسم الا من قبل عيادة الفحص قبل الزواج

هذا ايضا تخلف واصبح السجين المراجع ..والمراجع الذي اتى ليفحص قبل الزواج

يعاملون سواء في كتابة نموذج التحليل ..

للاسف ..هذه امور اجتماعيه صنعناها نحن ..وهي عادات غبيه

بدلا من ان نضيع الوقت في صناعة امور ساميه ونبني انفسنا ومجتعنا

نهدم البناء ...بافكار هدامه ..ليس لها بالحضاره لاناقه ..ولا (تيس) ..

مع احترامي للتيس الذي ليس له بالسالفه لاناقه ولاجمل..

[إشراقة حرف]

كلامك سليم
وفعلا في نفس الممر الذي فيه عيادة فحص الزواج في المستشفى التخصصي
عياده خاصه لسجناء الذين يحضرون وايديهم مكبله بالاساور السوداء مع اثنان من الامن
وهذا ايضا شئ محزن
اما بنسبة للحضاره فمالها دخل بالحياء فالحياء فطره ... و الحضاره فكريه تقنيه علميه معماريه...........الخ
اما الدين و الفطره ليس لها دخل بالحضاره .. والحياء شعبة من الايمان .. غير ذالك هذا الامر (الزواج)
موضوع مخجل وانا طرحته من نقطتين مهمتين هما :
1) الحفاظ على الوضع الاجتماعي
2) السريه التامه

اشكر مرورك نزف الاصيل


على فكره توقيعك جدا رائع

ما عندها توقيع
<<<<< طمعانه فيه

[بندر الحمر]

الأستاذه نوال عبدالله

بالفعل ((واقضوا حوائجكم بالكتمان))

وبما أننا في بيئة معروفة وبيئة محافظه وبيئه متقاربه

ومن المعلوم دائما أن أمور الزواج تكون مكبله ومكتومه نوعا ما

فإن ذلك يؤثر عندما تنادى المرأة بالإسم وخصوصا إسم العائله

وذلك يدفع النساء والرجال ضعاف النفوس أن يكون هذا الموضوع في متناولهم

مثل ((هذي أمس بالشارع فاتشه وألحين تبي تعرس))

هذي بنت فلان إللي لهم المحل الفلاني

هذا وهذا وهذا

موضوع جميل أخيتي والله يوفق المتزوجين ومالتزوجات

وطريقة الرقم أو الترقيم التسلسلي حلوه ومش بطاله

شكرا لك

[إشراقة حرف]

شكرا فيمتو <<<<< يامه مشرف
هههه امزح ,,,,,,,,,,,,, حياك الله اخي فيمتو
اولا سعدني مرورك وتعليقك
واحترم اضافتك
ثانيا اخوي فيمتو انا اتوقع ان لو كان الموضوع اكثر خصوصيه يكون افضل
يعني تنادى بالرقم مع تجنب اسم العائله مع تخصيص مكان ومدخل خاص لنساء فقط

يعني عند النساء وبينهم وفي استراحة انتظار مخصصه لهذا القسم
مع تجنب وجود الجنس الاخر اللي هم الرجال

ممكن ينادى بالارقام بدون ذكر الاسماء..


وشكرا ويعطيك الف عافيه

[@ ابتسام @]

الجد انا ما عندي خلفية عن الموضوع ... لكن ان كان كما صورتيه اختي نوال ؛؛؛ فهو فعلا مخجل وخصوصا للبنات

ياليت يبادر المسؤلون بوضع حل مناسب وفعال

والاخ اللي يقول متى بنكون متحضرين .... فما اعتقد ان الحياء وخصوصا للبنت يناقض التحضر ؛ وياليت تفهمون معنى التحضر

الحقيقي