حفلة لبنانية برعاية سعودية

[خالد الحربي]

صباحكم جميييييييييييييييييل ...


وش لون رمضان معكم



أنتم تصومون ولا ما تصومون ولا ما تصومون ؟


يقولون أن الصيام زين

لا يا شيخ


المهم بما أني زمان ما قريت جرايد سعودية

أو بالأحرى كل الجرايد العالمية

الحين يبي ينقز علي واحد ويقولي (( أخص تعرف انجليزي ))
أرد عليه وأقوله مالك شغل وش دخلك أنت اعرف انجليزي ولا ما اعرف أنجليزي

بس أبي أعلمكم أن فيه موقع رهيب جدا وخطير (( ودااااشر ))


ومن خلال هالموقع أقرا أي شي أو أي موقع في العالم وبالعربي وترجمه سريعة جدا
يترجم لك أي موقع بالعربي .. وترجمة أحترافية يعني البنت اللي أسمها (( هند )) يترجمها ((India )) خخخ

المهم بعد ما لقيت هالموقع الفريد من نوعه وانا مير طول الوقت جالس أترجم في هالمواقع واقرا اخبار العالم
الأقتصادية والسياسية .. وخصوصا بصوصا (( دواء جونز )) .. عاد هو مترجمها لي تسذا مالي شغل

ورابط الموقع تلقونه أسفل الموضوع .. عشان واحد إذا وصل لرابط ما يقرا ولا يكمل بقية الموضوع ..

بعطيكم رابط لمنتدى بريدة بالأنجليزي .. عشان تعرفون ان هالموقع خطير بالحيل مرة

افغص فيذا


ما علينا ..

المهم خلال أطلاعي على هالموقع قلت يا ولد خلني أترجم جريدة الرياض من العربي للأنجليزي

مير وهو يصفقني هاك الموضوع اللي بالجريدة
إلا مير وانا أطيح .. ثمن أفكر شوي وأتعدل من الطيحة قلت لا انصرع أزين

ثمن طرت بالي فكرة ازين .. (( ورى ما اخبط راسي بالحيط أزين ))


قلت هااااه غديني أحلم ولا شي .. بلتسي أني قريت الخبر غلط او بالمعكوس المنكوس ... (( ما انا طول عمري موكوس ))

جبت أخوي خليته يقرا علي الخبر اللي قدامي .. والله أنه طلع صح كلامي .. قلت لااااا لازم اتأكد أكثر .. جبت أمي هه
قلت يمه اقري .. قالت لي (( بلش يبلشك ما أعرف أقرا )) ..
ثمن جبت أبوي قلت له (( أبتاه كن صديقي خخ .. وأقرأ لي هذا الخبر )).. قالي (( نظري ضعيف ما أشوف الخط الصغير )) .. ثمن جبت أخوي الصغير (( أبو سبيس تون )) .. قلت له (( تعرف تقرأ )) .. قالي بصوته المزعج الحاد ..(( أيه أيه أعلف !! .. )) أبك وش تعلف عنز أنت

قرا أخوي بصوته الحاد المزعج هذا الخبر على طريقته ولا رايح أعدل بكلامه شي (( مكة الناس كافل زفة 50مساية فرح بنانية )) .. فهمتوا شي خخخ أدري ولا رايحين تفهمون عليه .. تقل هندي يتعلم لغة عربي

وهو يبي يقول ((مملكة الانسانية تتكفل بزفاف 50 لبناني ولبنانية )) ..
أحم أحم ..
جينا للجد والجد هالله هالله عليه ..
(( مسلسل مكسيكي الحلقة ميتين ألف وستمية وتسعين مليون خخ ))

أليكم الخبر ...

(( لمدير موقع بريدة ... الله لا يهينك حاولت اني أحط صور ما قدرت يقولي
لقد قمت بتضمين صور كثيرة في مشاركتك وفي توقيعك . الرجاء العودة وتصحيح الخطأ .

الصور تحتوي على الإبتسامات , أكواد vB [img] وأقواس HTML <img> .))

شوفو لكم حل بمشكلة الصور ..


أول مرة بتاريخ لبنان الحاضر ولبنان الصمود في وجه العدو الأسرائيلي .. بقيادة الشاطر حسن والرئيس فشار الخروف خخ ..
ياكرهي لهالبزر اللي حاكم سوريا .. لمني شفته توجعني مرارتي ..

بشار الأسد سار على درب أبيه المناضل من اجل الحقوق الأسرائيلية في الأراضي العربية .. وبما أنه حامي حمى إسرائيل .. قرر هالبشار أنه يسوي له تمثال ضخم ويحطه في قلب دمشق تخليدا لذكراه

يووووووه نسيت وش أبي اكتب

أيه تذكرت ..

المهم ان مملكة الأنسانية قررت أنها تزوج 50 شاب وشابة من قيمة التبرعات اللي تبرع فيها الشعب السعودي للبنان الشغيغ هه.. يعني بدال ما تروح للي مستحقينها وبصفة عاجلة راحت للي يبون يعرسون يا جعلهم للقاطع والمانع ..(( عسى بس مافيه حبوب منع حمل من هالمكرمة خخ )) .. (( الله يرجني انا )) ..

بقية الخبر على هالرابط ...

http://www.alriyadh.com/2006/09/27/article189750.html


كم واحد عزوبي في السعودية ؟!

كم واحد ماهوب قادر يدفع المهر ؟

أو أن الحكومة تطبق (( من أستطاع منكم الباءة ))

يا ساتر لهذه الدرجة ...

عموما للمسلسل المكسيكي بقية .. ننتظر ونشوف .. بلتسي فيه حلقة اخيرة


ومثل ما وعدتكم هذا هو رابط الموقع العجيب الرهيب لترجمة المواقع من الانجليزية للعربية او العكس ..

http://www.aljayyash.net/Translate.html