(( ريـــــح الجــرح ..)) .. الجــفــووول

[الجفووول]

[frame="7 50"]بتروح عني .. وإلا أنا عنك باروح ..
ماعاد تفرق .. مير يالله السلامه !!

يالله سترك .. لاغدى الستر مفضوح ..
ويالله سترك .. من بلاوي خصامه ..

لاماهقيت إنه يبي يجرح الروح ..
لاماهقيت يزيد طعني بسهامه ..

أمس الغلا .. ريح الغلا منّه يفوح ..
واليوم .. ( ريح الجرح ) عطّر كلامه ..

كنت الغلا .. كنت الولا .. كنت له روح ..
وكان متسيّد عرش حبي وهيامه ..

ياسيّد جروح الهوى .. كافي جروووح !!
أدميـت قلب <ن> كنت أظنك غرامه ...

جيتك على درب المشاريه بوضوح ..
لاماهقيت يضيع صوتي بظلامه !!

ولولا الغلا .. ماجيتك اليوم بـ أبوح ..
بس الغلا يفرض عليّ إحترامه ..

جيتك وأنا صاحي .. ورديت مذبوح ..
قلبي وقف به النبض .. مدري علامه !!

جيتك بطيب ولا أبي منك مصلوح ..
ولا عاد أنا أرجي منك غير السلامه ...
[/frame]

الجـــفــول


لعل ماكتبت احاسيسي ترضي ذائقتكم ,,,

دمتم بـــــود