تحية وتقدير للدكتورة رقيه الوهيبي

[ام السكري]

بسم الله الرحمن الرحيم
تحية وتقدير واكبار-- للدكتورة رقيه صالح الوهيبي مديرة اشراف التربوي ببريدة

لقد ا ستحوذت على قلوب واعجاب الكثير
وذلك لاخلاقها العالية وتواضعها الجم وتفانيها في خدمة الجميع ومباشرتها للعمل ينفسها
لقد حسبت اني انا وحدي من لاحظ ذلك ولكني حينما قابلت بعض الزميلات وسئلت كثير من الموجهات وجدت نفس الشعور---

فانا موظفة منذ عام 1400هـ لم اشعر بهذ ة الاخوة الاعندما قابت هذة الانسانه العظيمة فانا احيها من اعماق قلبي واتمنى لها التوفيق والسداد

واعتقد انها الانسان المناسب في المكان المناسب--

[ثامر الناصر]

مشكورة اختي

والله مانعرفها والا كان تكلمنا عنها .. لكن الله يجعلها خير على المعلمات

ودمتم

[ليدي لولو]

الدكتورة تبدو ظاهرة جديدة على مجالها بدأت تنتهج الشفافية على إستحياء فثارت براكين الإستهجان وبدأالهرج والمرج -على قول المسلسلات التاريخية القديييييييييمه - ولكن الشفافية والنقد مطلب ضروري في العمل الإداري خاصة إذا كانت هذه الإدارة إشراف تربوي يمس شريحة لايستهان بها من مجتمعنا -تحية للدكتورة وهمسة الديناميكية ضرورية بغض النظر عن رأي من يراوح مكانه ؟؟؟؟؟؟؟ شكـــــــــــــــــــــــــــــــــــــــــــرا لك أم السكري

[الذاهبة]

هه

ياناس ( إشراف ) بريدة .. مسوين زحمة ..

ياساتر على المواضيع و الأهمية البالغة ..

تحس أنه يهم شريحة كبيرة جداً من المجتمع السعودي ..


ترى كله على بعض .. كوكتيل كم عجوز متفرنكة .. على كم شابة هاربة .. على كم متصابية مضيّعة ..

سببتوا لنا قلق أنتن و مواضيعكن ..



شكر و تقدير لكاتبة الموضوع ..

و شكر و تقدير للدكتورة رقية الوهيبي و مزيد من النجاح بإذن الله ..



في أمان الله

[سولاف113]

السلام عليكم ورحمة الله وبركاته
ياكثر ماعرض هالموضوع بالمنتدى صار ماعندنا شغل الارقيه الوهيبي ووجهة نظر الناس فيها ............ مابه زود لو هي حصة المهنا كان اقول صح لها دور بالتعليم من قبل ما أدخل المدرسه وانا اسمع به لاكن رقيه متى جت وكم خدمت بالاشراف علشان نحكم

[الصقهاء]

سولاف لاتكونين من اللي زعلانين علشان الدكتوره قيدت حريتهم ولقت طريقة موثقة لاجبارهم علي زيارة المدارس من الطابور للحصة السادسة ومنعت تواجد اي مشرفة الا بيوم المكتب وهددت بالغاء المكتب اذا استمرت طلبيات المطاعم والسواليف بدل الشغل الصح ,,, عشت يام طراد والله انك لقيتي الدواء

[الصقهاء]

سولاف تكفيييييين علمينا وش سوت حصة المهنا خلال الخمس وثلاثين سنة الماضية تكفين عطينا بعض انجازاتها العظيمة علشان ما نظلمها ياحبيبتي ,.... وانت ليش تكرهين الدكتوره وش شفتي منها نورينا خلينا نحكم هذي ماسكة مؤسسة تعليمية مهمه اذا ماتصلح نكتب شكوي ونقدمها للمدير واذا ما انصفنا نرفعها للمحكمة الشرعية ونطلقها من الاشراف وندور غيرها

[انسانة وبس]

اقتباس:  المشاركة الأصلية كتبت بواسطة الصقهاء     سولاف تكفيييييين علمينا وش سوت حصة المهنا خلال الخمس وثلاثين سنة الماضية تكفين عطينا بعض انجازاتها العظيمة علشان ما نظلمها ياحبيبتي ,.... وانت ليش تكرهين الدكتوره وش شفتي منها نورينا خلينا نحكم هذي ماسكة مؤسسة تعليمية مهمه اذا ماتصلح نكتب شكوي ونقدمها للمدير واذا ما انصفنا نرفعها للمحكمة الشرعية ونطلقها من الاشراف وندور غيرها

شوفوا عاد انا ما احب اتكلم عن الناس الا بكل مصداقية ابي اقول لكم موقف حصل في مكتب الاشراف التربوي
واحلف بالله انه حصل حسب مصادر موثوق بها في الاشراف التربوي وبعده انتم احكموا غلى د. رقية اللي حصل انه فيه مشرفة تربوية (م) من قسم تكرهه جدا الدكتورة وتنتظر اول فرصة علشان تذل اي مشرفة فيه المهم المشرفة(م) لديها مراجعات ومواعيد محددة لابنتها في المستشفى وحالتها لا تقبل التاجيل وهي من اكثر المشرفات المعروفة بالاخلاق الفاضلة ومحبوبة جداً عند المشرفات والمعلمات على حدا سواء وهي نادرا ما تستاذن ومخلصة جدا في العمل
المهم00000000 في يوم جأت للدكتورة وطلبت منها اذن ان تذهب لموعد ابنتها فنهرتها الدكتورة واسهترت فيها امام مجموعة من المشرفات وهي اعني المشرفة مصدومة ولم تدري ما سبب هذا التصرف وللعلم هذي ليست اول مرة والمشرفة معروفة انها مسالمة ولا تحب المشاكل ولكن الدكتورة اهانتها بطريقة لم تستطيع ان تسكت عليها فرفعت شكوى الى المتابعة لكي يحققوا بالموضوع وعندما ارادت احد منسوبات المتابعة ان تقوم بالتحقيق رفضت ذلك ولم ترضى الاعندما حضرت مديرة المتابعة بنفسها وذلك في مكتب الدكورة وهذا خطاء وقوا فيه لان المفروض ان تحضر الدكتورة الى المتابعة وليس العكس وبعد سؤال الشهود عن الدكتورة وشهدا ضدها فوجؤا بها بعد ذلك تناديهم بمكتبها وتهددهم وقد وضعت امامها صورة التحقيق؟؟؟؟؟؟؟؟؟؟؟؟؟؟؟؟ كيف وصل اليها اليس من المفروض ان يكون الامر سري حتى ينتهي التحقيق وين العدالة والمرونة اللي تتكلم عنها الدكتورة
لاتظن كل ما يلمع ذهب وفيه ناس بوجهين فهي امام البعض بوجه وامام البعض الاخر بوجه ااخرر وبعد هذا الموقف ابيكم انتم تحكمون على الدكورة واحلف بالله انه هذا الموقف صحيح والا اتي يالصفها انتي المتحدث الرسمي باسمها ردي تكفين

[الصقهاء]

يالله كل هذا حاصل بعذركم يحوووول متكسفين الصراحة انها صدق دكوره والله يعينكم على مابلاكم ضيم وظلم بالتوجيه لا يطاق انا خلاص قررت اتقاعد وسبدي سبداه لميت راسي من هالهوايل ووووووو ه ه ه

[خـــــــــــــــالـــــــــد]

الذاهبه


صح لسانك

حريم ذي تمدح و ذي تمعط شوشه الثانيه

و كأنهن اكتشفن الذره او لهن باع طوييييييييييييييييييل في المجالات الهامه

[دينا]

حقيقه الدكتوره--رقيه الوهيبي تستحق الشكر والتقدير
في اخلاقها وتعاملها
وماهي غريبي على العائله هالاخلاق

[سولاف113]

اختي الصقهاء حصه المهنا له باع بالتعليم من زمان اسمع فيها مثل ما قلت لك والكل يهابه وانا اخاف ادخل مكتبه وقليله شوفتي له وان قلت بحقه شي فانا ضالمته ولكن مكانته ببريدة الكل يعرفه حتى الموظفين الرجال بالتعليم الصراحه يهابونه... ولو صار الحديث عنها تستاهل لكن رقيه ما احبه وما اكرهه لكن ما عنده الا الكلم عن نفسه ووش تحب ووش تكره وانا وانا واناوانا وموظفاتي وموظفاتي تحسب الاشراف ملك لابوها

[الصقهاء]

ياحلوه يا سولاف الهيبه شي والشخصية شي الهيبه تتولد عندما يكون الشخص (جفس) مايراعي مشاعر احد وما يرحم احد يصير كلن يحاول يفتك و يسلم من لسانه واتهاماته اما اخلاق المشايخ والامراء والوزراء فهي التواد والاحتواء وتطييب الخاطر وفتح الباب للناس ... رقية يا حلوه متواضعة لدرجة لا توصف وبأول اجتماع قالت ابنسحب من الاشراف في اللحظة اللي اشعر اني ما قدرت اطوره ... تدرين ان اللي خلي حصة المهنا مخيفه او هيبه على قولك ان فيه ناس مثلك مبرمجين على الخوف وما يعيشون الا بالخوف هو هو هو عو عو جاك الذيب جاك وليده حبيبتي اللي مثلك ماتعرف حقوقها وواجباتها واشكالك هم اللي صنعوها وسووا عندها هلعظمة المزيفه وما تعرف ان ما احد يخوف احد او يظلمه بعهد ابو متعب عسى ربي ينصره ويرفع شانه سولاف هجي هجي حصة المهنا جت كخخخخخخخ

[سولاف113]

بسم الله عليك انتي اللي من الخوف صرتي ماتدرين كم مره كتبتي ............ وبعدين انا ما اتكلم عن نفسي حبيبتي انا اتكلم عن الكل اما انتي ما خفتي لانك تكتبين خلف الكواليس والا نسيتي هذاك اليوم يوم تدخل حصه انا شايفتك متغبيه تحت الدرج ترتجفين

[ام السكري]

[لماذا اذ جاء طاري الدكتورة رقيه قلتو حصه المهنا كل واحدة لها شخصيتها واسلوبها الخاص لكن نحن فرحنا بها وذلك لمرونتها حتى ان بعض المدارس يتمنون ان يكون لهم نصيب من زيارتها لرفع بعض من المعنويات والاحباطات المتراكمة من سنين واخريات ينتظرون فرصه ليكون لها موضوع في التوجيه حتى تقابل الدكتوره رقيه وتشوف حراره الترحيب ومباشرة العمل بدل من كم سنه ذهبت للتفتيش لموضوع وبعدها طردت واغلق الباب خلفها تقول احسب ان ظهري انقصّ..
لكن الدكتوره لايمكن ان تخرج من مكتبها الا ان تلبي موضوعك او تقنعك-ولايمكن ان تخرج من مكتبهاالاوانت راضية و مقتنعه هذه شهاده لله وحده