وش صار ( بلغف أحمد ) اليوم .. تجمهر كبير !!!!

[فتى الريف]

[align=center]يا شباب اليوم صار تجمهر مجموعة من السيارات
قبل المغرب بقليل وبعيد شوي عن مكان التطعيس
يبدوا إنه مضاربة أو شيء من هالقبيل
يا ليت اللي عنده خبر وشاهد اللي حصل يفيدنا[/align]

[الذاهبة]

عفوا

بلغف أحمد هذا اسم المكان ؟

وين يقع بالضبط ؟؟

بالجنوب ..؟


الله يجيب العواقب سليمة ..

هالعيال ذولا بدل ما يدرسون و يلازمون الكتب ..

الله يهديهم

[أبو حكيم]

نسأل الله السلامة لشباب المسلمين ,,,,


اللهم استر على شبابنا يارب .....



موقع لغف أحمد .... جنوب غرب الشقة .... وشمال ضراس ....

[فتى الريف]

أختي ( لغف أحمد ) هذا مكان للتطعيس يتجمع فيه الشباب
كل جمعة بعد العصر ويقع بــ( السويلمية )
غرب ( ضراس )

[بندر الحمر]

ننتظر الأخبار والله هالهوشات كاثره في هالوقت

وزين إذا إنتهت على تلفيع نهايتها دوما قتل وقتييل

[طيب القلب]

اقتباس:  المشاركة الأصلية كتبت بواسطة بندر الحمر     ننتظر الأخبار والله هالهوشات كاثره في هالوقت وزين إذا إنتهت على تلفيع نهايتها دوما قتل وقتييل

..........

[العشة]

ماذا ننتظر من مكان تجمع شباب يمارسون هواية خطرة دون تنظيم ودون متابعة !! أم تخلت وأب مشغول ؟؟
شباب مختلف التربية فمنهم من جاء وهو يدرك أهمية حفظ حقوق الآخرين ومنهم من لا يدرك تلك الحقوق فيخطي على الآخرين إعتقادا منه بأن أحترام الآخر له خوفاً منه !! وهو لم يسمع بحكمة تقول (( إتقِ غضب الحليم )) .. فيقع في شر ضنونه ؟؟؟
تجمعات الشباب بحاجة ماسة لمتابعة الجهات المسؤولة لمنع أحداث قد تقع ونأسف عليها .. ولكن !! بعد فوات الآوان !!
فكم من مشكلة بسيطة إنتهت إلى جريمة قتل أو إعاقة للآخر !!!
وتأتي بعدها حب الخشوم والوساطات وتدخل الكبار لكي يعفوا المتضرر !!!
اللهم إهدي شباب المسلمين .. وأجعلهم نافعين لمجتمعهم .. ناصرين لدينهم .. وأكفهم شر الأشرار وكيد الحاقدين من أعداء الملة والدين .. آممممين

[المراهق الكسلان]

----- الله يخلف ------

[السعلوووه]

اقتباس: بلغف أحمد

خابرتن اللغف له معني بالقصيمي ولا انا غلطانه..........

اقتباس: ودون متابعة !! أم تخلت وأب مشغول ؟؟

اختي العشه لاترهين باتسر يجيتس ولد عاق يطلع عيونتس .........
كل ام وكل اب وده ولده احسن العيال بس مو على كيفهم ... واعرف ناس كثير مربين عيالهم لكن بعد ماكبرو تغيرت حالتهم وصار السمع والطاعه للاصدقاء ..


الله يهدي الجميع



مالنا الى ندعي لهم

[معانده عاسفها]

خيرررر


هذا موضوع ...!!؟؟


ســــــــــــــــــلاااااامات يابريده


استغرب من المشرفين اللي ردين على موضوع بدون هدف !!

فاضين لهذي الدرجه ؟؟

هو مالقا موضوع يكتبه .. إلا انه يقول وش صار ؟ واللي يعرف يقول ؟؟


الحمدالله اللهم لا شماته

[الذاهبة]

اقتباس:  المشاركة الأصلية كتبت بواسطة معانده عاسفها     خيرررر هذا موضوع ...!!؟؟ ســــــــــــــــــلاااااامات يابريده استغرب من المشرفين اللي ردين على موضوع بدون هدف !! فاضين لهذي الدرجه ؟؟ هو مالقا موضوع يكتبه .. إلا انه يقول وش صار ؟ واللي يعرف يقول ؟؟ الحمدالله اللهم لا شماته

حياك ايها الكريمة معاندة عاسفها

يبدو أنه ماجاز لك الوضع ..

لكن اسمحي لي أوضح لك هذا مايعتبر موضوع ..

هذي النوعيات من الطرح تسمى : استطلاع للاخبار ..

حنا في هذا القسم يهمنا كل شيء غريب - جديد - حيا الله حدث

يحصل في بريدة ..

لذلك متعودين على تلقي أسطر من هذا النوع في انتظار اكتمال الخبر ..



لو اخذتي لفة بالقسم .. بتشوفين : ترقب تركيب شاشة اعلانات ..

تجمعات أمام مدرسة .. إعلانات على طول شارع ما ... إلخ إلخ


تحية طيبة . .

[معانده عاسفها]

[align=center]

اقتباس:  المشاركة الأصلية كتبت بواسطة الذاهبة     حياك ايها الكريمة معاندة عاسفها يبدو أنه ماجاز لك الوضع .. لكن اسمحي لي أوضح لك هذا مايعتبر موضوع .. هذي النوعيات من الطرح تسمى : استطلاع للاخبار .. حنا في هذا القسم يهمنا كل شيء غريب - جديد - حيا الله حدث يحصل في بريدة .. لذلك متعودين على تلقي أسطر من هذا النوع في انتظار اكتمال الخبر .. لو اخذتي لفة بالقسم .. بتشوفين : ترقب تركيب شاشة اعلانات .. تجمعات أمام مدرسة .. إعلانات على طول شارع ما ... إلخ إلخ تحية طيبة . .

تحيتين يا الذاهــــــــــــــــــــبه

الحقيقه على هالتوضيح

تحتاجين ان نقف ونصفق لك بحراره

لكن ما اقول الا الله يخلف ... ههههه


انا اعرف ان المنتدى لترفيه ولاخبار والمعلومات العامه القيمه مو كل ما هب ودب !!

ولصرتي مشرفه ما اقول الا الشكوى لله

ويمكن انكم شيفين انه شي مهم ,, وانا شايفه غير كذا ....


على العموم اختلاف الراي لا يفسد للود قضيه


ســــلام

......[/align]

[الذاهبة]

مرحبا بك مرة أخرى معاندة عاسفها

اقتباس:  المشاركة الأصلية كتبت بواسطة معانده عاسفها     [align=center] انا اعرف ان المنتدى لترفيه ولاخبار والمعلومات العامه القيمه مو كل ما هب ودب !! ......[/align]

هذا صحيح و المنتدى امامك مليان أقسام

يوجد قسم للترفيه ، و آخر للأخبار ، و ثالث للمعلومات القيمة جداً

بالإضافة إلى أقسام أخرى منها : الشكاوى و الملاحظات

ويمكنك تسجيل ملاحظاتك هناك على الرحب و السعة ..

عموماً كما نحن مرحبين بك و متقبلين ( معرّفك ) و ( مكان إقامتك ) و ( ملاغتك ) ..

لابد لك من ان تتقبلي مشاركات أخوتك الأعضاء .. أو تغضي الطرف عما لا يعجبك ..


تحية طيبة ..

[فتى الريف]

اقتباس:  المشاركة الأصلية كتبت بواسطة معانده عاسفها     خيرررر هذا موضوع ...!!؟؟ ســــــــــــــــــلاااااامات يابريده استغرب من المشرفين اللي ردين على موضوع بدون هدف !! فاضين لهذي الدرجه ؟؟ هو مالقا موضوع يكتبه .. إلا انه يقول وش صار ؟ واللي يعرف يقول ؟؟ الحمدالله اللهم لا شماته

والله أنا من يوم شفت اسمك عرفت إن ما بالثوب أحد !!

لكني ودي أسال من اللي عاسفك ؟؟
وليه معاندته

تراه ما يجوز

وأشكر الأخت ( الذاهبة )
على الرد الكريم

وبقية الأخوة الأعزاء

[معانده عاسفها]

[align=center]

اقتباس:  المشاركة الأصلية كتبت بواسطة فتى الريف     والله أنا من يوم شفت اسمك عرفت إن ما بالثوب أحد !! لكني ودي أسال من اللي عاسفك ؟؟ وليه معاندته تراه ما يجوز وأشكر الأخت ( الذاهبة ) على الرد الكريم وبقية الأخوة الأعزاء

ليه وشقالوا لك ليه ما بالثوب احد ؟ يعني قاعده امشي بخيالي ؟؟

ولا متعود نشوف ثياب يمشن بروحهن يا مااااااااااه

خخخخخخخخخخخخخخخخخخخخخ

اللي عاسفني تاج راسي,, ومعاندته .. بس كذا !!!

عاجبك رد الذاهبه عشانها مشرفه


شكرا لك [/align]