اسئله قبيحه وشلون اجاوب عليها ؟؟؟؟

[عاشق ديرتي بريده]

اقبح الاسئله

ودك تذبح اللي يسألك

كم راتبك كم يبقى من راتبك
جاك عيال والا بالطريق
متى تنام بالليل وبديت تشغل المكيف
منهو اللي عندكم البارح اشوف سياره غريبه عند بيتكم
واقبح سؤال جاني انت تنام بسروال طويل والا قصير ؟؟؟؟؟؟ مابقى الا ينام معي


ياجماعة الخير وراه الناس صاير تحب تسأل ولاتحب تجاوب

اجلس باي مجلس وتشوف انواع الاسئله الملقوفه

من عنده سؤال قبيح غير ذولي

المشكله اذا كان جوابي وش دخلك انتفخ وزعل

[كمان]

ههههههههههههههههههههههههههههههههههه!
الجنس اللي ذكرت بلان الله بهم !
لكنك الله يهديك ذكرتن بهم وضاق صدري !!!!

[الكبري]

[align=center]
أظن بعض الأسئله مقبوله من الأشخاص المقربين ،

وخصوصاَ إذا كانت بهدف ،

تحياتي [/align]

[دينا]

هههه
والله انك جاد ناس ملاقيف والبلاء اذا ماجاوبتهم بيزعلون
وكلها اسأله ماراح تنفعهم او تضرهم بشيء يعني من باب القافه
الله يعين عليهم ويهاديهم

[شمس الرياض]

تهون شوي اذا الشخص يمون عليك ولكن تكون

لقافه وشفاحة خاصة اذا كان السؤال من شخص اول مرة تجلس معه .

>>>>>>.عشان كذا اقهره وجاوبه بسؤال <<<<<<<

[لمبة شارع]

عاشق السلام عليكم

اعلم انك لاتطرح هذه الاسئلة بحكم انك تعاني منها وانما تطرحها كقضية عامة في متناول الجمهور وادرك انك لكيع بدرجة كافية لاتجعلك تتأذى من هكذا بشر....


مدخل...

الاجابات المباشرة لا تناسب دائما..الاجابات المباشرة نقولها في ورقة الامتحان..أما في البروتوكول الاجتماعي فالامر خاضع للتقدير..وبالتالي فإن هذا النوع من الاسئلة يقع في منطقة أن الذي امامك بجيح!! ويجب وضع حد لبجاحته عبر البجاحة نفسها..لأن هذا النوع لايختلف الامر بالنسبة له وبالتالي لا تعتقد انك تؤذي شعوره...

اقتباس: كم راتبك

راتبي 80 ربية!!!

هاه...!! أسالك صدق ياخي..

وأنا اجاوبك صدق ...وراه مكذبني الله يهديك...والله ماهقيتها منك يبو فلان !! وراك شكاك !!

اقتباس: كم يبقى من راتبك

يبقى 12 ربية...واشري فيها قريض وسوبال وفستق...تبي اروح اجيب لك ترى عندي شيِّن طاااااااااااايب..خل اجيب لك منه...

اقتباس: جاك عيال والا بالطريق

إيه جان...عواطف وتهاني وخلود وأمجد..

هه اربعة!!! وشلون؟؟ تلعب علينا أنت؟؟؟

لا ياخي ... هل انت تلعب بعيالك؟؟؟ هم العيال لعبة؟؟؟(السؤال عن العيال ليس دائما بجيح بالمناسبة..)

اقتباس: متى تنام بالليل وبديت تشغل المكيف

أنام اذاجان النوم واشغل المكيف اذا احتريت <<<<السؤال الثاني عادي وليس بجيح

اقتباس: منهو اللي عندكم البارح اشوف سياره غريبه عند بيتكم

هذا حجازي جاين يخطب اختي أساور!! اسمه صدقة عبد الغفار.!! تعرفه؟؟إسأل لي عنه تكفى...

اقتباس: واقبح سؤال جاني انت تنام بسروال طويل والا قصير ؟؟؟؟؟؟

أنا بفراشي ...!!وبحفاظة عشان ما ...........<<<<مشفر من لمبة.... وراه تسأل؟؟أنت وشلون تنام ...وش اسم امك؟؟ أختك هند أعرست والا الى هالحين؟؟؟

اقتباس: المشكله اذا كان جوابي وش دخلك انتفخ وزعل

(وش دخلك) جواب مباشر لا ينبغي استخدامه دائما ..بل في نطاقات معينة لا تكون فيها مهتما بزعل السائل..

الاسئلة اذا كانت في حظور احد يسمع وانت تستحي من هذا الاحد يختلف الوضع عن اعلاه...

فالتجاهل وكأنك ماسمعت والجواب القصير والكذب بطريقة ساخرة مهذبة والمبالغة التي تضفي مناخ من الهزلية وتسخيف الاسئلة هو المخرج الذي يخلص من الاسئلة الخصوصية البحتة البجيحة...


هناك من يسأل الناس اسئلة (دقاقة) او خصوصية مثل هذي وهو موجود في جمع من الناس..وهذا النوع من الناس يجب تهييبه دائما لانه يقول كل مايتبادر الى ذهنه من تساؤلات شخصية بحتة وبالتالي يسألها والناس يتفرجون ومستانسين لانه هو الذي يعلق الجرس...

[@ ابتسام @]

>>> تبي تستخدم قاعدة خالف تذكر ؛ الاسئلة مرحة ومضحكه ولا فيها لقافه ايزي خيووو ايزي


المشكلة هالاسئلة تجينا من كبار السن ونحتار في الرد

مجبورين نحترم >>> وجه حزين .

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ

وإذا كانت تجي من القريبين واللي نمون عليهم ’ فلا ضرر بالاجابة

يعني نلقى شي نسولف فيه >>> وجه يضحك

[تاج القصيم]

المشكلة أن المقربين إليك يسألون مثل نوع تلك الأسئلة لكي يستفيدوا ولكنهم يخطئون الطريق الصحيح فلو كان السؤال بطرح المشكلة ومن ثم المقارنة لكان أجدى وعدم سوء فهم الصديق
تحياتي

[عشق بريده]

ههههههههههههههههههههه بصراحه نكته
والله ياخوي هذي حال الدنيا الناس صايرين كل شي يدخلون فيه
وش عاد لو انت بنت كان تشوف النققنقه صدق انوااااااااااااع وجع الراس

[عاشق ديرتي بريده]

ياجماعة الخير حتى اللي يمون علي ماله دخل براتبي هذا شي خاص من الخصوصيات

وخذ اسئله سنويه معتاده كلها قبح

بشهر رمضان وشو فطوركم انت تفطر قبل تصلي المغرب والا بعد الصلاة
وشو سحوركم


واسئلة عيد الضحيه
كم ذبحتو من خروف من معك ذبح ومتى بديت تذبح ومتى خلصت

افرض اني جاوبته ودي ادري وشي الفايده انه يعرف ؟؟؟

[هادي الطبع]

اقتباس:  المشاركة الأصلية كتبت بواسطة عاشق ديريتي بريده     ياجماعة الخير حتى اللي يمون علي ماله دخل براتبي هذا شي خاص من الخصوصيات وخذ اسئله سنويه معتاده كلها قبح بشهر رمضان وشو فطوركم انت تفطر قبل تصلي المغرب والا بعد الصلاة وشو سحوركم واسئلة عيد الضحيه كم ذبحتو من خروف من معك ذبح ومتى بديت تذبح ومتى خلصت افرض اني جاوبته ودي ادري وشي الفايده انه يعرف ؟؟؟

تقدر تضيعه اخوي علشان يعرف انك منت مجاوب بالغصب مثل اذكرالله او سبحه او طقه بوجه وقله ولى تسئلوا عن اشياء ان تبدء لكم تسؤكم صدق الله العظيم

[الزراق]

اعاني من كثير من هذه الاسئلة انا اقطن خارج المنطقه واذا اتيت لزيارة او قضاء حاجه قوبلت بكثير من ذلك منها

متى جيت طبعا اجاوب مثلا البارح فيقول الساعه كم

متى تبي تروح بكره فيسال متى يعني فتنحرج من هذه الاسئله المشكله ان كان الي يسئلك كبير وتستحي ترد عليه مثل ماقال لمبة

[no problem]

المشكلة إذا أنت سألته مثل هذه الاسئلة
يهرب من الاجابة
لذلك إذا مايبي أحد يسأله مثل هذه الاسئلة
لا يأل الناس علشان مايسألونه

[ابوقش]

هع هع هع ذكرتني بواحد الله يستر علينا وعليه

ملقوف رقم واحد المشكله يسألك هو على راحته

ولو تسأله سؤال واحد قال وش دخلك ومن ضمن

اسئلته يقولك من انت تماشي زمن تروح معه انا

اذا قاله ودي اغوله غول يقهر عليه اسئله غبيه ..

[الفتـ الذهبي ـى]

ههههههههههههههههههههههههههههههههه

ضحكتني..