وشوله العريسه تلبس تشريعه والعريس يبلس بشت !!!!!!!

[عاشق ديرتي بريده]

والله ياعندنا بعض الاشياء نسويها ومالها داعي ماادري وش طيحنا فيها

الحين من اللي قال للعريس يلبس بشت ومن قال للعروسه تلبس تشريعه الزواج !!

ومن طلع لنا ان قبل الزواج لازم تسوي بطاقات دعوة زواج وتبلش بتوزيعهن واخر شي تحط بالزباله !!

الحين من اللي قال للي يسلم (يصافح شخص) يجيب خده ويبدا يحبه (يبوسه) !!!

برمضان كنه غصب ناكل سمبوسه والا شوربه منين جت العاده هذي وصار الفطور معروف عندنا ببريده !!!

هذا غير الخرابيط اللي تصير بالزواجات والاعياد والحياة اليوميه !!

فيه اشياء كثيره دايم نسويها وحنا نقدر نستغني عنها بس مازالت موجوده !!

وراه حنا طبعنا التقليد والمشكله نقلد وحنا مااقتنعنا فيها !!

[Queen of buraydh]

ومين قال اننا نقلد ؟؟

اخ عاشق لكل مجتمع عادات وتقاليد تميزه عن الآخر ..

واحنا لنا عاداتنا وتقاليدنا اللي ما نستغني عنها طبعاً .. قد تتعرض لتحسينات وتطورات لكن برضو ما نستغني عنها ..

[عاشق ديرتي بريده]

اقتباس:  المشاركة الأصلية كتبت بواسطة Queen buraydh     ومين قال اننا نقلد ؟؟ اخ عاشق لكل مجتمع عادات وتقاليد تميزه عن الآخر .. واحنا لنا عاداتنا وتقاليدنا اللي ما نستغني عنها طبعاً .. قد تتعرض لتحسينات وتطورات لكن برضو ما نستغني عنها ..

هلابك كوين اي عادات وتقاليد اللي خلت العريسه تلبس تشريعه !
والعادات والتقاليد اكثرها خرابيط مو ضروري نسويها !

[أخو رعد الشمال]

اقتباس:  المشاركة الأصلية كتبت بواسطة Queen buraydh     ومين قال اننا نقلد ؟؟ اخ عاشق لكل مجتمع عادات وتقاليد تميزه عن الآخر .. واحنا لنا عاداتنا وتقاليدنا اللي ما نستغني عنها طبعاً .. قد تتعرض لتحسينات وتطورات لكن برضو ما نستغني عنها ..

بالعكس أختي حنا نقلد
وللمعلومية :لأنة في العصر الرابع عشر كانو البنات يلبسون أي لون ثوب لزفاف اللي أن جاءت ملكة بريطانا (لا يحضرني أسمها حاليا) ولبست الثوب الابيض الكامل الناصع دون أضافة اي لون لة ومنها بدأت لبس الناس بالتشبة بملكة بريطانيا

[عطر الندى]

ياخي بلشنا بكم يالفرنسيين عادتنا ماتجوز لكم .....

[طـمـوح]

أحد ماسك على إيدك وقالك سوها ؟!

أنا بسويها وأي شي مايجوز لي أتركه

مثلي ماحب ألبس شماغ مع إنه من عاداتنا زي ما تسميها أنت, ومتأكد إنك تلبسه لكن أنا ما ألبسه إلا نادر

لكن أبي أبوس إذا سلمت عندك شي !! <=== إلا إذا صرت أبسلم عليك موب حابك

يعني اللي يعجبك سوه من عاداتنا أو لا, واللي ما يعجبك إتركه

طبعاً بحدود ما أمر فيه الله والرسول صلى الله عليه وسلم

[عاشق ديرتي بريده]

اقتباس:  المشاركة الأصلية كتبت بواسطة طـمـوح     أحد ماسك على إيدك وقالك سوها ؟! أنا بسويها وأي شي مايجوز لي أتركه مثلي ماحب ألبس شماغ مع إنه من عاداتنا زي ما تسميها أنت, ومتأكد إنك تلبسه لكن أنا ما ألبسه إلا نادر لكن أبي أبوس إذا سلمت عندك شي !! <=== إلا إذا صرت أبسلم عليك موب حابك يعني اللي يعجبك سوه من عاداتنا أو لا, واللي ما يعجبك إتركه طبعاً بحدود ما أمر فيه الله والرسول صلى الله عليه وسلم

كل اكثر العادات مو عاجبتني
بس المشكله لو مااحب اللي يسلم كان يقول وراه هذا شايف نفسه !!!!!!!!!

ياجماعة الخير فكونا من البوس

لا وبعضهم اذا سلم قال خشمك
ماتحملت الخد تجيبلي خشمك الله يحوم سبدك !!!!!!

[Tulane]

ومين قال اننا نقلد ؟؟

اخ عاشق لكل مجتمع عادات وتقاليد تميزه عن الآخر ..

واحنا لنا عاداتنا وتقاليدنا اللي ما نستغني عنها طبعاً .. قد تتعرض لتحسينات وتطورات لكن برضو ما نستغني عنها ..

ـــــــــــــــــــــــــــ

يعني اللي يعجبك سوه من عاداتنا أو لا, واللي ما يعجبك إتركه

طبعاً بحدود ما أمر فيه الله والرسول صلى الله عليه وسلم


وخل المعاريس تنبسط ليلة عمر خل الناس تعرف تسكب

تحياتي

[خالد التويجري]

اقتباس: فيه اشياء كثيره دايم نسويها وحنا نقدر نستغني عنها بس مازالت موجوده !!

وشوله نستغني عنها ...,؟


تحياتي .,’

[الكوكتيل]

تقاليد وعادات تعودنا عليها وصارت الزاميه لنا

[قصيمية كووووول]

اقتباس: ماتحملت الخد تجيبلي خشمك الله يحوم سبدك !!!!!!

هههههههههههههههههههههههههههههههههههههههههه
مسوي ياي !!
تش مير..
العادات اللي قلتها حلوه ومافيها شي ..
العريسه تلبس التشريعه عشان تتميز بين الباقيات تبيه تلبس ثوب عادي !! هو تش مير!!
وكلهن لهن نكهات مميه وخاصه

[فور يو]

عاشق

اذا جيت تروح لمناسبه او دوام او مراجعه اي مكان هل تخرج من البيت لابس شماغ وطاقيه والا تروح مصلع ...؟

[فور يو]

شكل عاشق تورط بالموضوع وتجاوز بعض المداخلات ...

ما عليه عاشق معذور , متعودين منك الدرررر .

[عاشق ديرتي بريده]

اقتباس:  المشاركة الأصلية كتبت بواسطة فور يو     شكل عاشق تورط بالموضوع وتجاوز بعض المداخلات ... ما عليه عاشق معذور , متعودين منك الدرررر .

أن لم تستحي فاصنع ماشئت
قلتها واقولها الف مره لن انزل نفسي لك يا........!

[فور يو]

اقتباس:  المشاركة الأصلية كتبت بواسطة عاشق ديرتي بريده     أن لم تستحي فاصنع ماشئت قلتها واقولها الف مره لن انزل نفسي لك يا........!

كمل مابعد الياء يا محترم ...!

كنت اقول ومازلت ان مواضيعك درر في درر مثل موضوع الصارور والحمام الله يكرم المتصفحين , والحين كمان اقول ردودك ومنها المقتبس مو درر بس الا تنقط عسل ونادرة الوجود ....!