المخازن الكبرى والتلاعب بالأسعار والاستهتار بالعملاء

[aboreef]

يا جماعة الخير أنا قبل كم يوم جلست مجلس وسمعت بعض الشباب يتذمر من تلاعب المخازن الكبرى بالأسعار وخصوصاً التي عليها عروض ....

أنا شخصياً قبل شوي يعني قلت خل اروح أشوف هالمخازن اللي لها شهور ودهور بتفتح لعلها تصير أحسن من غيرها ...
ترست لي عربيتين وجيت للمحاسب ويوم انتهيت جتني الطامة الكبرى ......

1 / حفائظ هجيز مكتوب على الرف بما لايدع مجالاً للشك السعر (22.95) وهي بالصيدليات ب (23) قلت زي سعرها وأخذت ثلاث شدات ويوم طلعت الفاتورة لقيت مكتوب عليها (24.95) .

2 / أخذت مناديل مرطبة ثلاث حبات مربوطات جميع ومكتوب عليها عرض خاص السعر (23.5) ويوم قريت الفاتورة لقيته حاسبها كل وحدة لحالها ب (10.95) .

3 / معجون طماطم ندى روحوا شوفوا سعر الشدة لحالها وشوفوا العرض الشدتين معهم سكين مجانية واضحكوا على عرضهم .

4 / مخازن كبرى بكبره وحجمه التوت محتكر فقط لفيمتو وأتحداكم تلقون غيره .

5 / رحت لخدمة العملاء اعترض على الفاتورة قال والله محنا فاضين وقال لي السوداني ( ياخي محنا فاضين ليك منتا شايف الزحمة ياخي ) .

6 / المحاسب اول شي رفض يعطيني الفاتورة يقول أنا أحتاجها ضروري ( لوجود مدري إيش والله قال لي ) ويوم أصريت عليه قال لي أجل لازم تنتظر شوي أبروح أصورها وأرجع وتراك كذا بتقطع الزباين فقلت له ضروري أبغاها وغاب يمكن عشر دقايق ورجع عطانياها ....

عموماً أنا حطيت عليهم x ووالله ماهمنا الزيادة والفرق بقدر ما يقلقنا التلاعب والاستهتار ....

[نـدى الـورد]

صح تلاااعب ب القووه عيني وعينك

واحنا مغفلين مانهتم بقراية الفواتير

وحسبي الله ونعم الوكيل


هم ويش يبون ب المسلمين؟

احذر لازم تشوفون فواتيركم واسعاركم
.

[شاطئ الراحة]

الفاضل أبو ريف ..

سوف أرد على مسمى موضوعك ..


المخازن الكبرى والتلاعب بالأسعار والاستهتار بالعملاء


نحن مشكلتنا لا نهدء قليلاً .. في إستحداث ماهو جديد و خاصةً الأسواق و غيرها .. فـ من ان يبدء الإفتتاح و العوائل تتجة إلى هذا المركز .. و بعد مضي أيام من التجول فيه .. ( لا يفترون عن أي شئ فيه دقيق أو جليل ) ... يقوم البعض الآخر .. في الترصد لهم و أسعارهم .. ( لا أقصدك في موضوعك .. ولكن هذا ماشاهدته دائماً من البعض الآخر .. ) .. أنا لا أطالبهم في رفع الأسعار بقدر أني أطالب من بعض الناس الهدوء التام .. و عدم إطلاق صافرات الإنذار في المستحدثات الجديدة في المنطقة ..


.... نحن من جعلهم يغيرون في الأسعار حسب رغباتهم .. من إندفاعنا الدائم و جلد الذات المتأخره ....


أتمنى ان لا يزعجك حديثي .. فـ هذه الحقيقة ..



تحيتي لك

[نـدى الـورد]

موشرط شاطئ الراحه

عندنا المخازن لها سنوات مفتوحه

والتلاعب متواجد والضحك على الدقوون واضح


.

[شاطئ الراحة]

أريج ..

ولكن لو كان الامر فيه شئ من الركود .. و عدم الإستعجال .. لما كان التلاعب واضح ..

البعض لدينا جاهز لمثل المستجدات هذه .. و هو من يفسد على الآخرين ..

أريج لا أتفق معك ..

[الكيان الشامخ]

بسيطـــــة ولا تعب همك ..


حط عليهم× وبقائمة المقاطعة ,,

الحين اوريك بموقع مقاطعه .. أبد بس بكرا تشوف الاعلان ..

تحياتي

[شاطئ الراحة]

[align=center]

اقتباس:  المشاركة الأصلية كتبت بواسطة الكيان الشامخ     بسيطـــــة ولا تعب همك .. حط عليهم× وبقائمة المقاطعة ,, الحين اوريك بموقع مقاطعه .. أبد بس بكرا تشوف الاعلان .. تحياتي

الكيان الشامخ ..

أتمنى ان لا تتسرع في إتخاذ قرار كهذا .. حتى ترى بعينك .. فـ دائماً ..

تتغير النظره بلمحة بصر ..

وفقة اخي ..[/align]

[الطاحونة]

كذلك...احذرواااا بسطة أم سعيد وتلاعبهاااااا بالأسعار...!!
مابقى إلا هذي...!!

[ღعبدالله العطيشانღ]

هذا أحنا يالعرب نسرق بعض ونكره بعض ونحارب بعض

[الكوري]

هذي الأسواق تخفض شويه وترفع بغيره كثييير