أحترام الأماكن العامة ..

[فتاة المستقبل]

كثيرا من الناس لايعرف أبجديات الاحترام والذوق وكل تصرف ينعكس على نفسه وعلى تربيته ..
مواقف وتصرفات عديدة تبين مدى الجهل والتخلف الذي يعاني منه بعض الافراد في مجتمعنا ..
تجد أحدهم يرمي مخلفاته علب أو مناديل وغيره سواء كان خارجا في نزهه أو ماشيا بسيارته ..
أو يتلفظ بألفاظ مكانها دورات المياه -أعزكم الله وكأن من حوله بهائم لاتعي ما يقول ..
أو يكتم ما حوله برائحة سيجارته مفضلا تعطير ما حوله برائحة العفن ..
أو يشغل المصلين بنغمات جواله ..
أو يعلي أصوات الاغاني ولايلقي بالا لمن حوله ..
هؤلاء يجنون على أنغسهم وعلى بلادهم وعلى غيرهم من الناس

أروي لكم ما حدث في النخيل بلازا ..
هنا عارفين أن مطاعم النخيل حوله طاولات ... وكل بين طاولة والثانية حاجز ..
بحدى الطاولات مجموعة بنات ..وبالطاولة اللي بجنبهم شاب مع خواته

هذاالشاب -وأنتم بكرامة_ *** تقل صوت بعير ..وبأعلى صوت كصوت المدفع

من قوته توقعت كل اللي بالنخيل سمعوه ..شئ يحوم الكبد

الطاولة اللي فيها مجموعة بنات واحدة منهم أستفرغت وواحدة منهن ماصبرت
ودار بينها وبين الشاب هذا الحوار ..

البنت بعصبية :
ياللي ماتستحي يا قليل الأدب ..تصرف حيوان .
الشاب:
أقول لاترفعين صوتك ..جايتن تعلمينن الأدب ..
أخت البنت :
الشرهه موب عليك الشرهه على اللي معك ..اللي راضيات بهمجيتك
أخوات الشاب :
لا والله الشرهه على اللي ترفع صوته قدام رجل غريب ..
البنت:
ناس ماتدري أنه بمكان عام ولا تعرف الاحترام ..
الشاب وقد أرعد وأزبد :
أقول يالله يالله كانك صادقه أطلعي وتكلمي قدامي
البنت : الحمد لله والشكر .

أنتهى الموقف ولكني كلما تذكرت *** أشمأزت نفسي ..

[صيته]

وووووووووع الله يقرفه000لو بتناظرين الشي الشين


بتحلفين ماتطلعين من البيت0000


لو اقولك مره وانا في مطار جده بجي لبريده

واقفين صف شباب متجهزين للمشيه الا وذيك السوريه

تجلس على الكرسي قدامهم وتقعد ترضع ولدها من صدرها

الا وهالشباب عيونهم كنها رصاص000

الصراحه ماصبرت قمت ونصحتها وصراحه استجابت بسرعه

لكن بعض هالشباب الله يهديهم يستغلون الفرص000

انا برئيي ان الموقف ذا مقرف وفيه قل خوف من الله بعد 0

صيته

[فتاة المستقبل]

اقتباس:  المشاركة الأصلية كتبت بواسطة صيته     وووووووووع الله يقرفه000لو بتناظرين الشي الشين بتحلفين ماتطلعين من البيت0000 لو اقولك مره وانا في مطار جده بجي لبريده واقفين صف شباب متجهزين للمشيه الا وذيك السوريه تجلس على الكرسي قدامهم وتقعد ترضع ولدها من صدرها الا وهالشباب عيونهم كنها رصاص000 الصراحه ماصبرت قمت ونصحتها وصراحه استجابت بسرعه لكن بعض هالشباب الله يهديهم يستغلون الفرص000 انا برئيي ان الموقف ذا مقرف وفيه قل خوف من الله بعد 0 صيته

يا هلا بصيته ..

غالبا ماتحدث مثل هذه المواقف من قبل الجاهلات ..

الموقف هذا يكشف لنا قلة حياء هذه المرأه ..فهي لم تلقي بالا لمن حولها


أعجبني تصرفك ...ونصحك لها..
شئ جميل حين نرى الخطاء نحاول تصحيحه بقدر الأمكان ..

سيرتي علينا وشرفتينا ..
حياك الله

[الحنتريش]

[align=center]فاطسه اتوقع اثره انتي الي بالطاوله الي جنبنا ههههههههههههههههه
قصدي جنبهم ولكن الله يعينتس تنسين الموقف ولا تشمئز نفستس
اما هالمواقف يانا اكرهه كره المسلم للكافر من شينه لانه مايراعي شعور الناس الي حوله والا يحلت مناديله وزبالة سيارته عند الاشارات
والي اعظم من هذا لاجيتي مكان كانه زبالة سنه وهم ماجلسو به الا ساعتين بس ومالين الارض قراطيس ووساخات

اقتباس:  المشاركة الأصلية كتبت بواسطة فاطسة ضحك     البنت: ناس ماتدري أنه بمكان عام ولا تعرف الاحترام .. الشاب وقد أرعد وأزبد : أقول يالله يالله كانك صادقه أطلعي وتكلمي قدامي

هههههههههههههههههههههههه
والله ياهو عربجي يحسبه بمواقف التكاسي هو ووجهه
تسان طلعتي وتفلتي بوجهه وانا اخوتس
هذا دبشه جايباته خواته وهو مسوي فيها رجال يوم يقول اطلعي[/align]

[فتاة المستقبل]

اقتباس:  المشاركة الأصلية كتبت بواسطة الحنتريش     [align=center]فاطسه اتوقع اثره انتي الي بالطاوله الي جنبنا ههههههههههههههههه قصدي جنبهم ولكن الله يعينتس تنسين الموقف ولا تشمئز نفستس اما هالمواقف يانا اكرهه كره المسلم للكافر من شينه لانه مايراعي شعور الناس الي حوله والا يحلت مناديله وزبالة سيارته عند الاشارات والي اعظم من هذا لاجيتي مكان كانه زبالة سنه وهم ماجلسو به الا ساعتين بس ومالين الارض قراطيس ووساخات هههههههههههههههههههههههه والله ياهو عربجي يحسبه بمواقف التكاسي هو ووجهه تسان طلعتي وتفلتي بوجهه وانا اخوتس هذا دبشه جايباته خواته وهو مسوي فيها رجال يوم يقول اطلعي[/align]

[size=4]يحسبن أنا اللي ملعله عليه ..ياويلي مالقيت إلا أنا ..دابة سليمه


واللي يجدع زبالته عند الاشارة ..
ودك تناظره نظرة يفهمها وهي طايره ..


"والي اعظم من هذا لاجيتي مكان كانه زبالة سنه وهم ماجلسو به الا ساعتين بس ومالين الارض قراطيس ووساخات"[/color]
وش علينا ؟ البيت مو بيتنا والأرض موب أرضنا ..والبلدية ماتقصر
هاذي هرجتهم ..وذي سياستهم
ناس ما تفكر إلا بنفسه وبس
"تسان طلعتي وتفلتي بوجهه وانا اخوتس "
تهقون الحنتريش بكامل قواه العقليه ؟!!
طيب يالحنتريش ..أكالساعة لامديت سلك من البنت الملوسنه وسويت إشتراك
يمكن أفكر أتفل بوجهه ..[/size][/size]

[عبدالله الحلوه]

بشكل عام نفتقد إلى حس المسئوليه الأجتماعية ويعيش كل منا غير عابئ بحقوق المجتمع والآخرين عليه

كل فرد يمارس مايريده وكأنه يعيش وحيداً في هذا المكان او كأن كل من حوله ليسوا الا مسخرين من اجله

حتى في كتاباتنا واختيارنا للردود والمعرفات لانهتم لمشاعر الآخرين

تبلد عام مصاب به اغلب افراد مجتمعنا


تحياتي

[فتاة المستقبل]

اقتباس:  المشاركة الأصلية كتبت بواسطة عبدالله الحلوه     بشكل عام نفتقد إلى حس المسئوليه الأجتماعية ويعيش كل منا غير عابئ بحقوق المجتمع والآخرين عليه كل فرد يمارس مايريده وكأنه يعيش وحيداً في هذا المكان او كأن كل من حوله ليسوا الا مسخرين من اجله حتى في كتاباتنا واختيارنا للردود والمعرفات لانهتم لمشاعر الآخرين تبلد عام مصاب به اغلب افراد مجتمعنا تحياتي

أهلا بك ..
مصطلح المسئولية الاجتماعيه ..لو نظرنا لوجدنا أن الاسلام أهتم بهذا الجانب كثيرا ..
فنجد حرص الدين على أماطة الاذى وجعلها بمثابة الصدقة

من ذلك قول الرسول صلى اللع عليه وسلم :
المسلم من سلم االمسلمون من لسانه ويده

ولو طبقنا تعاليم ديننا ..ماواجهنا مثل هذه التصرفات ..
وأكبر سبب له الجهل ..

المنتدى كالمكان العام ..على العضو أن يحترم وجوده فيه ولا يكتب الا مايرضي الله ..
فلولا كل فرد أحترم ذاته لما أحتجنا إلى وصيا علينا من المشرفين ..

[ولـد بـــريدة]

بعــض النـاس لا يـرى إلا نفســه و مصلحتــه ..... و كـأنه يعيــش في كوكــب لوحــده


الله يفكــنا من هالعقليــات و يهــدي الجميــع ....

[فتاة المستقبل]

اقتباس:  المشاركة الأصلية كتبت بواسطة ولـد بـــريدة     بعــض النـاس لا يـرى إلا نفســه و مصلحتــه ..... و كـأنه يعيــش في كوكــب لوحــده الله يفكــنا من هالعقليــات و يهــدي الجميــع ....

عادي وش وراهم ...
أهم شئ يستانسون وغيرهم بالطقاق ..
تذكرت بحدى المحاضرات ..شلة تفله بالسواليف والدكتور يهدد ويتوعد
وأخر شئ تجي الدبة على رؤؤسنا ...
ماجاز لكن الوضع أقل شئ أحترمن وجودكن بالمكان ..

[عجوز سمنسي]

فاطسة ضحك : انا مايقهرني الا اللي يتميلحون في الاماكن العامة

يطلعون كلمات على بالهم سمنسيين مثلي ويبي ينزرقون عن البنات وهم مايدرون ن التصرف الغبي هذا تصرف عربيد وغبي ويقلل من المروءة

عاد لاتشرهين بالحيل تراى اكثر التصرفات ماتطلع من عيال بريدة والحمايل

تلاقينهم من اللي مسوين فيها تحضر من فصيلة بدونز عريبيا

لابسين الجنز المخصر والبلايز المخصرة والشعر كله قمل

اخر اليوم يمرح مع الغنم

بس بنفس الوقت المفترض البنات ماتكلم رجال غريب وتقوم من مكانها وتتركه يهذر مع خواته جليلللللللللللل الحياء

[فتاة المستقبل]

اقتباس:  المشاركة الأصلية كتبت بواسطة عجوز سمنسي     فاطسة ضحك : انا مايقهرني الا اللي يتميلحون في الاماكن العامة يطلعون كلمات على بالهم سمنسيين مثلي ويبي ينزرقون عن البنات وهم مايدرون ن التصرف الغبي هذا تصرف عربيد وغبي ويقلل من المروءة عاد لاتشرهين بالحيل تراى اكثر التصرفات ماتطلع من عيال بريدة والحمايل تلاقينهم من اللي مسوين فيها تحضر من فصيلة بدونز عريبيا لابسين الجنز المخصر والبلايز المخصرة والشعر كله قمل اخر اليوم يمرح مع الغنم بس بنفس الوقت المفترض البنات ماتكلم رجال غريب وتقوم من مكانها وتتركه يهذر مع خواته جليلللللللللللل الحياء

هههههه ... قمل مرة واحدة
أسكت بس لاتورطنا بهم
"يطلعون كلمات على بالهم سمنسيين مثلي"
أخس يالثقه <<بحلة ماتدري وش معنى سمنسي
"بس بنفس الوقت المفترض البنات ماتكلم رجال غريب وتقوم من مكانها وتتركه يهذر مع خواته جليلللللللللللل الحياء"

أتوقع ردة فعل لاشعورية من البنت ..لانه أستفزها بتصرفه البايخ
وإلا به أحد يتجشوء بمكان عام .. صفه قبيحه كما أخبرنا رسول الله

[أم خماس]

المــوقف كلـــه ... مثير للتقزز.. حضاريا وأخلاقيـا ..

سواء تصرف الشـاب أو تصرف البنت ...

فمالذي حصل إذا .. شوشرة زائده ...

عزيزتي ..

أعتقـد أننـا بحـاجة لدهر متقدم .. لنستوعب أن الأخــــلاقيــــــات مثــــل الصفر في الحســـــــــاب قد لاتعني شئيــا لوحدهــا .. لكنهـــا تضيف قيمــة عظيمــه لأي رقم أو ( تصرف) معهـا ..

[فتاة المستقبل]

اقتباس:  المشاركة الأصلية كتبت بواسطة أم خماس     المــوقف كلـــه ... مثير للتقزز.. حضاريا وأخلاقيـا .. سواء تصرف الشـاب أو تصرف البنت ... فمالذي حصل إذا .. شوشرة زائده ... عزيزتي .. أعتقـد أننـا بحـاجة لدهر متقدم .. لنستوعب أن الأخــــلاقيــــــات مثــــل الصفر في الحســـــــــاب قد لاتعني شئيــا لوحدهــا .. لكنهـــا تضيف قيمــة عظيمــه لأي رقم أو ( تصرف) معهـا ..

أهلا بك يأم خماس ..

أضافة الصفر لليمين يعطي قيمة ..
وممكن نضيف الصفر لليسار مايعطينا ولاقيمة ...
بس ما أستوعبت التشبيه ..وش المقصود به بالضبط ؟
ياليت توضحين أكثر ..
حياك الله ..

[ღ أحلى غرام ღ]

للأسف الشديد كثير ماتحصل هذه المواقف ..

الكثير يفتقد أسلوب التعامل مع الأخرين ..


طرح راقي وهادف


كل الود

[فتاة المستقبل]

اقتباس:  المشاركة الأصلية كتبت بواسطة ღ أحلى غرام ღ     للأسف الشديد كثير ماتحصل هذه المواقف .. الكثير يفتقد أسلوب التعامل مع الأخرين .. طرح راقي وهادف كل الود

أهلا بك يأحلى غرام ..

تسلمين يا قلبي كلك ذوق ..

االشكوى لله لازم نتصبر مع ناس فاقدة التصرف الحسن للي حوله ..

حياك الله ..