الشماغ علقه بعروة باب المجلس والثوب احلته بالصالة .....

[جبل عمر]

الفوضى بشكل عام في البيوت العمل والسيارة

الفوضى وووناستها والشششعور بأرقى طقوس الحريية والأم أو الزوجة أو المسؤل والتصادمات مع تلك الفوضى البريئة ...
الفوضى متعة وأريحية وتحس إنك سيد البييت والآمر والناهي مو تقل نظام عسكري النوم له وقت محدد والأكل له مكان معين وقت محدد والطلعة والدخله بالثواني ولا تنام بعتبت الباب...
الأكل مرة بالصالة ومرة بالمطبخ ومرة بالسسيب المهم ما يكون كل شيء نظام..
النوم ابنام بالصالة بالكنب بالملحق اذا جاء النوم ابنام ما ابي أحد يقلقن ويقول قم لفراشك..
الكتاب ألي بالسيارة وش فيها إذا صار فوق المرتبه أو الطبلون ...
مكتبك بالعمل ليه لجة وصجة وتفاهه على شان الملف مايل شوي عن الملفات الباقية...

هذه الحرية والفوضى لا يعني التقصير بواجب البيت أو قلة النظافة أو الأهمال الذي يسبب مشكلة أو ضرر
بعض ربات البيوت والزوجات تشيبك ششيب اذا دخلت الببييت لازم تمشيي على النظام العسكري بتاعها تروح للغرفة ولازم تعلق الثوب وتحط الشماغ مطرَّق وياويلك تصير الطاقيّة فوق الشماغ وياويلك لو ما تتقيد بهالشيء واذا جلست اذا انت صازز حرك المركات حقت الكنب عن محلها و اقعد ولا تتلفت ولا تممد رجليك بالكنب على شان ما يتوسخ
المجلس انسى تدخل فييه وتتقهوى فييه لأن فرشته غالية والكنب فخم توسخوونه ويمكن ينتثر قطرة ماء همن تموووتوون وأيضاً بعض متزمتات هذا النظام انسى فصفص ومكسرات تدخل للبيت لأنها توسخ البيت >>انهبلت يوم سمعت هالكلام...
بعض المدراء يضيع وقتك وقته وقت العمل على تفاهات بايخه ليه كوب الشاهي ما حطيت له مكان خاص ليه الكلمة مو مثلة اختها ليه وليه وليه...
كيف ترون الفوضى العقلانية المغلفة بالبراءة أليست تولد الشعور بالراحة والبساطة في العيش وعدم الالتزام بالنظام الدقيق المُتعب الذي يولد الشيخوخة المبكرة والتصادمات مع عابدي النظام
يعني وش فيها اذا فسخت الشماغ وحطيته فوق الكنب أو نمت على الكنب وش شغلت الزوجة بتموت اذا شالت الشماغ أو جابت لك غطاء ولا فسدت عليك النومة بالصالة
إليكم الموضوع وأتمنى أن يكون النفاش بكل أريحية وصدق كيف ترون الفوضى وبعض من يتقيد بالنظام الصارم الممل هل تشعرون بالرحة معهم والمضايقة ممن يخالفكم ويلزمكم بنظامه

[(*§ حـــــور §*)]

الفوضى العارمة والزائدة ماتنفع -وكذلك حياة الرسميات الزايدة ونظام العساكر ايضا ماتنفع ولكن سددوا وقاربوا ----وانا اقول اتينا بالمصممين ليصمموا لنابيوتنا ولكن على حساب تعب قلوبنا فما اجمل حياة البساطة ---------------------------------------------------استاذي جبل عمر تقبل مروري

[جبل عمر]

اقتباس:  المشاركة الأصلية كتبت بواسطة عاشقـة القصيم     الفوضى العارمة والزائدة ماتنفع -وكذلك حياة الرسميات الزايدة ونظام العساكر ايضا ماتنفع ولكن سددوا وقاربوا ----وانا اقول اتينا بالمصممين ليصمموا لنابيوتنا ولكن على حساب تعب قلوبنا فما اجمل حياة البساطة ---------------------------------------------------استاذي جبل عمر تقبل مروري

ايوه هو كدا الكلام السليم لا افراط ولا تفريط سددوا وقاربوا


شكراً لمرورك

[روح البراءه]

[align=center]اشكرك جبل عمر على الطرح الممتع..
من المحتمل ان هذه الفوضى هي اشياء تهمك أو انك مرتبط عاطفياً و ببعض مقتنياتك و هذا سلوك طبيعي لدى الرجال اكثر من النساء..!!
والتنظيم والترتيب مطلووووب عند النساء فهذه طبيعتها..!!
لكن الأختلاف بين الفوضى والترتيب بوجه عام امر طبيعي بالبشريه.

لك تحيتي ممزوجه بأحترامي.[/align]

[جبل عمر]

اقتباس:  المشاركة الأصلية كتبت بواسطة روح البراءه     [align=center]اشكرك جبل عمر على الطرح الممتع..[/align][align=center] من المحتمل ان هذه الفوضى هي اشياء تهمك أو انك مرتبط عاطفياً و ببعض مقتنياتك و هذا سلوك طبيعي لدى الرجال اكثر من النساء..!! والتنظيم والترتيب مطلووووب عند النساء فهذه طبيعتها..!! لكن الأختلاف بين الفوضى والترتيب بوجه عام امر طبيعي بالبشريه. لك تحيتي ممزوجه بأحترامي.[/align]

طبيعي الوفضى مرتبطه بالانسان عاطفياً وسلوك فطري وتعود عليه

بالتأكيد النساء تعتبر كل الرجال فوضويين لأنهن يضفن وراهم ويخدمنهم ولا يتحملن أندنى زله لأنها هي من سيصلحها

شكراً لمرورك

[العالميه]

بصراحه أنا احب النظام والترتيب ..
إلا في غرفتي انواع الفوضى
احس أني حرة نفسي مافيه قيود كل شيء
حولي انواع الترفيه ...أكل وشرب وكتب وأوراق
فوضى جميله أعشقها فقط في صومعتي ...

تحيتي لك

[وشاح الذكريات]

شكلك مثلي .. بس مو بزيادهـ لازم تكون في بعض الأمور نضامي مثل النوم
مايكون بأي محل .. الكل يزعجك .. والأكل والشرب في مجلس الضيوف يعني خلك
في مكان الجلسه المعتاده مايكون في مجلس الضيوف تحوسهـ >>>
واللي يحب الحوسهـ <<< دايم زوووووول بس يكز المرهـ الله يعين الحريم
شكرا لكـ ..

[جبل عمر]

اقتباس:  المشاركة الأصلية كتبت بواسطة حرنابه     شكلك مثلي .. بس مو بزيادهـ لازم تكون في بعض الأمور نضامي مثل النوم مايكون بأي محل .. الكل يزعجك .. والأكل والشرب في مجلس الضيوف يعني خلك في مكان الجلسه المعتاده مايكون في مجلس الضيوف تحوسهـ >>> واللي يحب الحوسهـ <<< دايم زوووووول بس يكز المرهـ الله يعين الحريم شكرا لكـ ..

ايه صحيح النوم بمكانه والأكل بمكانه لكنلو حصل تغير مفاجئ فلا مانع ولا استغراب

الحووسة قلة أدب وعدم احترام لأهل البيت

شكراً لكِ

[مياسة]

تاكل بالسيب !





ياخي كيف يجيك نوم وانت مو في مكانك المناسب, هادي مريح ...؟
كيف تاكل.. وانت في اي مكان حيا الله ,,
أجل تاكل بالسيب ..؟؟؟؟
اتق الله يا اخ العرب ,,




لمني جيت ابركب مع اخوي مدري وين احط أقدامي !
المكان تحت مليان علب موية صحة ,,!
اقوله لما تدخل سيارتك انا برتبها لك بنفسي.. عرض خاص
يقول لا لا خليهن يجلدن بمكانهن !!
هذا جزاي بعد ,,

قلت وراه.. هوايتك تجميع الطوابع .. قصدي العلب
اتوقع قريب يفتح مصنع إعادة تصنيع البلاستك ..



اجل الزوجة يا جبل مخلوقتن عشان تركض مع كل جهه..
مخلوقتن لشيل الشماغ.. وتطريق الغترة .. واحضار الغطا !!!!
يا ناس حرام عليكم ..
اتقوا الله فينا
عطونا حقوقنا


لا تنسون ان الرسول صلى الله عليه وسلم كان يساعد اهله في بيته ..
حنا ما نبيكم تساعدوننا.. عساكم بألف حل,,
بس نبيكم ما تزودون اشغالنا ,, وتثقلون كواهلنا ..!!
ولا تجدعون ثيابكم حيص بيص!



شوف يا اخي.. بكيف اخوي او زوجي او ابوي إذا بينام بالصالة.. هو حر
بس إذا قام الله لايهينه يشيل اللي بعده.. ويرجع كل شي مكانه..
وإلا بحط حظر نوم بالصالة ..!




* رأيي بوجه عام:
اكره الضجيج ... والفوضى اخت الضجيج من الرضاعة.. لذلك انا اعتبر نفسي ارسطوية..
نسبه إلى الفيلسوف الذي يهتم بتنظيم وترتيب الافكار
لكن لا افراط ولا تفريط.. إذا الواحد بيدقق بيتعب.. اقولها لكل صارم نظامي..
وسبحان اللي كامل ,,



جبل ,, انتبه مره ثانية لا يميل الملف
عوداً حميداً
ومبروك

[جبل عمر]

مياسة

اقتباس: تاكل بالسيب !

ايه لا تحسبينه السيب الي بالحوش لالا بعض الممرات الفاصلة بين المجلس والمقلط يطل على الحوش شرح ونفه

اقتباس: ياخي كيف يجيك نوم وانت مو في مكانك المناسب, هادي مريح ...؟ كيف تاكل.. وانت في اي مكان حيا الله ,, أجل تاكل بالسيب ..؟؟؟؟ اتق الله يا اخ العرب ,,

صحيح المكان الماسب هو المريح لكن اذا مرة من المماريت نام بمكان غير او اكل بمكان غير لا يجب ان تكون محل استغراب

اقتباس: لمني جيت ابركب مع اخوي مدري وين احط أقدامي ! المكان تحت مليان علب موية صحة ,,! اقوله لما تدخل سيارتك انا برتبها لك بنفسي.. عرض خاص يقول لا لا خليهن يجلدن بمكانهن !! هذا جزاي بعد ,,

اقتباس: قلت وراه.. هوايتك تجميع الطوابع .. قصدي العلب اتوقع قريب يفتح مصنع إعادة تصنيع البلاستك ..

لالا عاد مثل اخوك حشى وشلون يشتهي يركبها مثل سيارة واحد من العيال الله والعالم مكتبة الرشد كلها فيها والصانع حق المواعين كله فيها بعض المرات أخاف أركب يطلع لي قاروس ولا شيء، سيارتي أعتني فيها ولا أسمح مثلاً أحد ينقم فيها أقول اجمع بمنديل أو حطه بمخباتك، وسبق ركب معي أحد زملائي من النظاميين المتزمتين تحت المسجل فيه مكان صغير حاط فيه بنادول وشريط وبعض القصاصات والكروت التي انتهيت منها قالي ليه حاطهن هنا قلت كل يوم ابحولهن وانسى أو ما أحصل قمامة وأنتم بكرامه الرجال بدأ ياخذهم ويقطعهم تقل فتيت وحطهن بعلبة الماء الفارغة وحاطها بمكانها الصحيح وفتح الدرج الكبير وبدأ يصف الأوراق ويعدل همن حط ايده بأقصى الطبلون قال فيه شوية غبار قلت له شكلك بتشيب قبل يومك هذا طبعاً السيارة ما فيها أي شيء من وساخة او ورق بالأرض الله يعينه يارب العالمين

اقتباس: اجل الزوجة يا جبل مخلوقتن عشان تركض مع كل جهه.. مخلوقتن لشيل الشماغ.. وتطريق الغترة .. واحضار الغطا !!!! يا ناس حرام عليكم .. اتقوا الله فينا عطونا حقوقنا

اقتباس:

ايه وش يبي يضرها اذا مرة من المرات جاء زوجها وقعد على طول ونزل شماغة وقامت هي بكل روح وطرقته أو جاه النوم وغلبه وجابت الغطاء بتموت >> يقولون اشغل المرة حتى ما تشغلك الشيبان يطلعوون درر

اقتباس: لا تنسون ان الرسول صلى الله عليه وسلم كان يساعد اهله في بيته .. حنا ما نبيكم تساعدوننا.. عساكم بألف حل,, بس نبيكم ما تزودون اشغالنا ,, وتثقلون كواهلنا ..!! ولا تجدعون ثيابكم حيص بيص!

لسنا أفضل من حبيب البشر عليه الصلاة والسلام وخدمة الأهل سمة رجولة لكن وش يبي يضرها إذا مرة من المرات تغير النظام وشالت أو ضفت بتموت

اقتباس: شوف يا اخي.. بكيف اخوي او زوجي او ابوي إذا بينام بالصالة.. هو حر بس إذا قام الله لايهينه يشيل اللي بعده.. ويرجع كل شي مكانه.. وإلا بحط حظر نوم بالصالة ..!

الأدب والخلق والذوق الرفيع خدمة أهل البيت وإن الواحد يضف الي عقبه ويشيل باقي أكله إذا أكل لوحدة لكن المرأة الذكية من أخت أو زوجة لا تدعه يشيل أو يضف بل تترصد له وتسبقه

اقتباس: * رأيي بوجه عام: اكره الضجيج ... والفوضى اخت الضجيج من الرضاعة.. لذلك انا اعتبر نفسي ارسطوية.. نسبه إلى الفيلسوف الذي يهتم بتنظيم وترتيب الافكار لكن لا افراط ولا تفريط.. إذا الواحد بيدقق بيتعب.. اقولها لكل صارم نظامي.. وسبحان اللي كامل ,,

اقتباس: جبل ,, انتبه مره ثانية لا يميل الملف عوداً حميداً ومبروك

هنا الوسطية والعقل لا إفراط ولا تفريط ولنجعل حياتنا بسيطة ومرنة

لالا ماعلي من الملف أميييل جد جده أصلاً يصير شكل حلو بس هم ما يفهمووون وش عرفهم للإتكيت

[مياسة]

لكن المرأة الذكية من أخت أو زوجة لا تدعه يشيل أو يضف بل تترصد له وتسبقه

إيه ما قلنا شيء.. وهذي الساعة المباركة يومني اخدم اخوي
حتى من دون ما يتكلم..
اترصده ع قولتك ..
وقلتها قبل ودي أني أنظف سيارته بنفسي.. بس ماعطاني وجه

أنا ضد الاستغلال .. يعني مثل الإذلال
شوف رد العريف ..يقول وش شغلتها؟؟
تقول شاري مرته بـ 50 ألف !!
إنا لله وإنا إليه راجعون ,,

اقول الله يدبرنا ع الصالح وبس ,,

[سبـيـعـية]

اقتباس: مع تلك الفوضى البريئة ...

يقولون مايحس بالنار الا واطيها!!!!

والله ماجربتوا شغل البيت ولا تعبتوا بالتنظيف ولا طبختوا بس انت تعال تلقى كل شي جاهز..ومع كل ذلك تجي تقول فوضى بريئة!!!!!!

يا أخي انا عندي طلب واحد..

اتمنى انكم مره تمسكون البيت يوم واحد ع الاقل بس تنظيف وترتيب؟وتشوف اي شي يطيح تشيله بكل امانة راح تتحملون؟؟؟

تخيل نفسك قاعد ترتب وتنظف ومتعب روحك..ويجي احد يبعثر ويحوس كل اللي رتبته او بعضه؟؟وش بيكون ردك؟؟؟عادي؟؟

اقتباس: وأتمنى أن يكون النفاش بكل أريحية

هالجملة ربطتني شوي^_^ ولا كان مطلعة حرتي فيكم..


..شكرا لكـ

[جبل عمر]

سبـيـعـية هـيــبــة

اقتباس: يقولون مايحس بالنار الا واطيها!!!! والله ماجربتوا شغل البيت ولا تعبتوا بالتنظيف ولا طبختوا بس انت تعال تلقى كل شي جاهز..ومع كل ذلك تجي تقول فوضى بريئة!!!!!! يا أخي انا عندي طلب واحد.. اتمنى انكم مره تمسكون البيت يوم واحد ع الاقل بس تنظيف وترتيب؟وتشوف اي شي يطيح تشيله بكل امانة راح تتحملون؟؟؟

لا أنكر التعب الي تواجه الأم أو الأخت أو ربة المنزل وأنا أعيش عزوبية ونسبع ونظف وإذا جانا ضيف اخترشنا نرتب ونزوز بعض الأشياء وراء الباب حتى ما يشاف ونقول الله يعين الحريم وسبحان سخر كل طرف للآخر يعني النار واطيها

اقتباس: تخيل نفسك قاعد ترتب وتنظف ومتعب روحك..ويجي احد يبعثر ويحوس كل اللي رتبته او بعضه؟؟وش بيكون ردك؟؟؟عادي؟؟ هالجملة ربطتني شوي^_^ ولا كان مطلعة حرتي فيكم..

أنا معك يعني الحوسة المقصودة قلة أدب ودناءة وأنانية لكن الحوسة والفوضى البرئية الغير مقصودة ألا تغتفر ويفرح بها

شكراً لكِ

[بنت الكرم 2008]

أيههههههههههههه هين الفوضة مرغوب فيها ولو ضاعت الطاقية أشغلت بنت الناس وين مكانه ومن أخذها وطبع الدوام بيروح منه نص ساعة حق الدورة والمتضرر الأول والأخير هالسنعة الي عندك الي ماقصرت معك موكذا0000000
أما في مجال العمل الأنضباط أولا وأخيرا من السلوك العام لك مع الأشخاص الى الحفاظ على الممتلكات الموجوده في المكتب0000000
في البيت خذ راحتك في أي مكان أكل ونام مد أرجولك وكب عالكنب الي تبية وحوس مثل ماتبي لكن
لاتبخل في تغير الأثاث كل سنة

[جبل عمر]

اقتباس:  المشاركة الأصلية كتبت بواسطة بنت الكرم 2008     أيههههههههههههه هين الفوضة مرغوب فيها ولو ضاعت الطاقية أشغلت بنت الناس وين مكانه ومن أخذها وطبع الدوام بيروح منه نص ساعة حق الدورة والمتضرر الأول والأخير هالسنعة الي عندك الي ماقصرت معك موكذا0000000 أما في مجال العمل الأنضباط أولا وأخيرا من السلوك العام لك مع الأشخاص الى الحفاظ على الممتلكات الموجوده في المكتب0000000 في البيت خذ راحتك في أي مكان أكل ونام مد أرجولك وكب عالكنب الي تبية وحوس مثل ماتبي لكن لاتبخل في تغير الأثاث كل سنة

الحمد لله خلها تدورها وراح تخرج بفوائد منها رياضة المشي ، تشغيل الذاكرة والاستذكار أين مكان الطاقية ، تقوية العينان من خلال البحث والقائمة تطول

ماقلنا شيء بالعمل الانظباط والترتيب يرجع بفائدة للشخص لكن بعض التفاهات تعكس لك سطحية تفكير بعض الناس

اييه هذا الي تبين مو كله حب بالفوضى البرئية على شان تغير الكنب

شكراً لمرورك