" عـبـيّـد " .. عـلـى متـن الطائـرة !( الفصل الثامن والأخير )

[د / ماسنجر]

.
.
.

عبيد : هلا أستاذ أهلاً فيك
ريان : وش أستاذ ؟ هذا المُضيف
عبيد : طيب شفه تهلهلهلهل وجهه يوم قلت له !
ريان : تهلهلهلهل ؟ طيب إمش بس شف العالم بالدرج متعلقين وأنت قاطعهم
عبيد : ريان شف المضيفه تضحك ! وش تبي ؟
ريان : تبيك أنت .. وش تبي يعني عطه اللي معك

مشى عبيد وريان خلف المضيفة بعد أن أعطوها ما يُبيّن مكانهم على الطائرة ، رحلة تختلف نوعاً ما عن رحلات ريان التي كان يبدأها ويُنهيها مع أصحابهِ أو أقاربه إلا أن تلك الرحلة ستبدأ وتنتهي مع عبيّد ! .

المضيفة : عبد الله أيّات واحد فيكون !
عبيد : أنا أنا عبد الله عبيّد طال عمرتس
المضيفة بعد ابتسامة بيضاء : تفدّل عُود هُون ، وإنتا أكيد ريّان ؟
ريان : إيه أكيد .. هه مافيه شك حنا اثنين بس
المضيفة : تفدّل هُون
عبيد : عند الدريشة أنا .. بس وراه ما تنفتح ؟
ريان : تحسبه سيارتك الكرسيدا ؟؟ إرتك بَس

ترحب بكم الخطوط الجوية السعودية من على متن الطائرة ، على جميع الركاب ربط أحزمة الأمان قبل إقلاع الطائرة ، وعليكم جميعاً الانتباه لشرح المساعدات المبسط في حالة حدوث أمرٍ ما لا قدّر الله ، سترة النجاة تجدونهـ... .

عبيد : الحين وش لون على متن الطائرة ؟
ريان : ...
عبيد : الظاهر إني أهرج !!
ريان : اصبر خل أربط حزام الأمان .. اربط حزامك انت
عبيد : الحين ماعندي الا الجهة اليمنى والثانية وين راحت له ؟
ريان : تلقاك قاعد عليه ولا شيء
عبيد : طيب الحين هذولي إذان الكرسي يعني
ريان : وش إذان الكرسي تستهبل ؟
عبيد : لا بس وراه مع الجوانب مهب زي حزام الكرسيدا ؟؟
ريان : أنت وهالكرسيدا ياخي وش جاب الطيارة لموترك الأشهب ؟
عبيد : طيب مهب لازم أركبه أحس أني منحجر
ريان : بكيفك خلك لا أقلعت إلاك نشبن بالجرايد هذولي

ساعد ريان عبيد .. وانتهى أخيراً من تركيب حزام الأمان الذي كان يُقلقه ، وأقلعت الطائرة بحمد الله حتى استوت على السماء ، تبادل عبيد وريان الأحاديث والحكايات التي كانت تعطر أجوائهم وتؤنسها :

عبيد : تصدق يا ريان إني أحس أني الحين واحد ثاني !
ريان : وش لون واحد ثاني ههههه يعني منتب عبيد ، الله يستر !
عبيد : لا لا يعني خل أقول لك .. الحين أول مرة يعني أحس إني يعني تعرف طائر النورس ؟
ريان : النورس الطائر ماغيره ؟
عبيد : لالا طائر النورس نشيد : طائرُ النورسي حلق .. حلق حلق
ريان : قصّر صوتك يالشين وش طائر النورس على الطائرة وبين العالم ؟
عبيد : إيه خل أكمل لك طيب لا تهاوش .. أحس إني زي طائر النورس يعني مبعد فوق .. بس تخيل لو يتعطل كفر واحد لو طحنا وش نطيح عليه ؟
ريان : على الكرسيدا
عبيد : لا تستهبل الكرسيدا الحين مطربله ( مغطيها بالطربال ) وبالمزرعة موقفة .. بس أحس لو تحتنا بحر وطحنا اااالله .. شيء ثاني
ريان : وش طحنا تفاول خير أنت ووجهك .. بعدين وش كفرات ما كفرات .. طيارة تطير بالسماء بدونهن
عبيد : طيب دايم لا شفت طيارة بالتلفزيون له كفرات وش معنى الطيارة هذي ماله ؟
ريان : ياليل المنقا والبطاطس .. ياخي تطير إن بغيت على هوا ..
عبيد : إيه حنا على هوا
ريان : ياخي خلاص الله يرحم أم أمك ..

وظل ريان يغضب فجأة من عبيد ويضحك فجأة أخرى .. ولا يزال عبيد يتسائل عن كل ما يجده وكل ماهو جديد عليه .. وريان يجيبه مرة و ( يسحب ) عليه مرات أخَر ، حتى وقفت المضيفة بجانبهم :

المضيفه : شو حاب تشرب ؟
ريان : واللهِ فيه كوكتيل ؟
المضيفه : إيوا فيه كوكتيل وسبانخ وبرتـئـال وتُوفاح .. شو حاب بالزبط ؟
عبيد : أنا أبي بعد
ريان : ياخي إصبر .. إيوه أبي كوكتيل بس الله يسلمك
عبيد : أنا أبي ببـس
المضيفه : شو ببس ؟
ريان : وش بيبسي أنت ؟ نعنبو دارك تطوّر الببس وفصفص باجه بالكرسيدا
عبيد : طيب لا تستهبل ! .. بدّي شوي قصدي شاي شاهي يعني
ريان : حرّ الحين وش تبي بالشاي يا وائل ؟
عبيد : ياخي معدتك هذي ولا معدتي ؟ أبي سفن حار إن بغيت مالك دخل ، يا وش اسمك .. جيبي لي بيـــــبسي .. يالله تفهم
المضيفه : أمرك خيو ..

بعد خمس دقائق من الهدوء والتفكير وتذوق المشروبات ..

ريان : عبيد وش أحسن شيء سويته بحياتك ؟
عبيد : واجد الصراحة بس وش تبي بالضبط
ريان : إقعـد يا وائل .. ! أبي الصدق يعني .. شيء سويته وحسيت إنك أبدعت به
عبيد : والله شف .. أذكر مرة يوم أنا بالمتوسط غشيت بس ماطاح بي الاستاد
ريان : يا عبيد يا حبيب روح جد عمتي .. أحسن شيء بحياتك تحس إنك طمحت له يعني وقدرت تحققه أو شيء كنت تبيه ووصلت له أي شيء براسك
عبيد : ياخي سؤالك كبير هذا منين أطلع له حل ؟
ريان : طيب باختصار .. شيء تفكر به وقدرت توصل له ؟ سهله ماتبي صعوبة
عبيد : ياخي البيبسي مانقصه إلا فلوتات ..
ريان : إخـــــس يا فلوتات ؟ نعنبو دارك منين عرفته ؟
عبيد : دايم أختي تكزّن للبقالة فلوتات فلوتات شيبز تسالي حفظتهن يعني ، بعدين لا تتدخل بمعلوماتي رجاء ً ..
ريان : هههه طيب بس قوية الـ " ن " حقت رجاء ً .. طيب كمل
عبيد : اللي أبقول لك عليه شيء قوي يعني ماقد أحد بالدنيا صارحته به .. يعني حتى أمي أمي ماتدري
ريان : يا مهبول وش مسوي أنت ؟ طيب إصبر .. يالطيب ..
المضيف : سم أبوي وش بغيت .. ؟
ريان : فاين الله لا يهينك
عبيد : وأنا فاين بعد ..
المضيف : تفضل أخوي .. تفضل ..
ريان : إيوه عبيد .. كمل وش هالشيء هذا ؟
عبيد : أبقصر صوتي أخاف يسمع أحد ..
ريان : طيب قصر صوتك بس لا تنام هههه ها .. قل ؟

.
.

عبيد ؟ بماذا سيصارح صديقه ريان ؟ .. ولماذا جعل ذلك النجاح كما يقول سراً .. ؟
أسئلة كثيرة ستراودك ، وتدور فوق رأسك ، بل ربما تزيد ولا تنقص ..

انتظرني أيها القارئ !

.
.

لعل الجَديد يُناسبكم ؟

سَلمان ، مع وافرِ التقدير

[روح لايسعهآ جسـد]

اتمنى من الادارة ان تنمى هذه الموهبه لدي البعض وتضع قسم خاص لـ روايات

انا لست من المتابعين
خاصهـ اذا كانت روايه خياليه من راس الكاتب

احس ان صاحبها يستخف بعقلي

يتخيل اشياء واحداث وانا اضيع وقتي بقراتها
لذا
المعذرة ماعندي وقت اضيعهـ لــ أفكر بعبيد وريان

[د / ماسنجر]

[align=center]هل يعني ردكِ هذا .. أني قمت بالاستخفاف بعقلكِ .. ؟!
يكفي أنكِ علمتِ أن أسماء من في القصة : عبيّد وريّان ..[/align][align=center]
ثم إن الخيال لا يمت لتضييع الوقت بصلة ..
وربما أن العشوائية في ألوان نصك تُنبئ عن عشوائية تعاملك ..
والأهم من هذا كله أنك أتيتِ فيجب عليّ الترحيب ..

حياك الله أيتها الضجيج ..[/align]

[روح لايسعهآ جسـد]

اقتباس:  المشاركة الأصلية كتبت بواسطة د / ماسنجر     [align=center]هل يعني ردكِ هذا .. أني قمت بالاستخفاف بعقلكِ .. ؟![/align][align=center] يكفي أنكِ علمتِ أن أسماء من في القصة : عبيّد وريّان ..[/align][align=center] ثم إن الخيال لا يمت لتضييع الوقت بصلة .. وربما أن العشوائية في ألوان نصك تُنبئ عن عشوائية تعاملك .. والأهم من هذا كله أنك أتيتِ فيجب عليّ الترحيب .. حياك الله أيتها الضجيج ..[/align]

نعم قرت اجزاء منها واكتشفت انها روايهـ من نسج الخيآل وندمت لاني ضيعت وقتي عليها
وانا هنا لا اقصد عندما تشحط بخيالك مضيعه لوقتك انت
فكلنا نشحط بخيالنا بعيدآ
انما عندما اهتم انا وغيري عن مايدور في مخيلت الكاتب هذا اعتبره مضيعه لوقتي
كما اني ارى انه ليس من العدل ان اهتم بما يحدث بمخيلت د/ماسنجر واترك ماهو مفيد لي
كالمواضيع التربويه والاخبار الجديدة والنصائح المهمهـ
و بالختام احمد الله جل جلاله الذي وهبني عقل اميز فيه بما هو مفيد وماهو تافه وغير مفيد

[د / ماسنجر]

روح لا يسعها جسد

وليس من العدل أن تضادينَ نفسكِ وتتابعينها !
حياكِ الله هنا ، حتى ولو كنتِ زائرة

* * *

بنت البدائع

أهلاً بك ومرحباً ..
أشكر لك ترحيبك ..
منذ زمن عن ذلك البيت ..

* * *

yousef

شكراً لشوقك ..
وشكراً لفلسفاتك الطائرة ..
في شوقٍ لكم أيها الصًّحب ..
تابع يا أيها الطاهر ..

* * *

Miss_Autumn

لالا ..
إن نفسي كانت تخشى ذلك مني ..
فأصبحت لا تُرسل لي حرفاً ولا تُطرأ في هاجسي فكرة ولا تَزرع في قلبي مَودة ..
فصار فكري قفراً خالياً كل تلك الشهور ..
ولكن الآن الأجواء جديدة ..
والحكاية أيضاً .. وربما الحبر !
ثمّ أني أشكر لكِ ثناؤك ومديحك ..
شكراً للإضافة ..
تابعي علّ القادم يسرُكم ..

* * *

مشقاص

اتفقنا يا مشقاص ..
أقدم لك عذري والأخت ميس ..
وأتمنى أن تقبلوه .. !
أخ صغير صاحب لكم يرجو السماح له هذه المرّة .. !
حياك الله أيها الأخ وشكراً لثقتك ..

* * *

شموع تحت المطر

لعل المانع خير !

حياكِ وشكراً للمطالعة ..

* * *

ونة خفية

نعم أنا هو ..
إلا أن هو أصبح أنا في يوم ٍ من الأيام ..
هكذا هي الحياة أيتها الأخت ..
علي أن اتسائل .. مالطارئ في تساؤلكِ .. !
ثمّ إنه حياكِ الرّب ..

* * *

yousef

نعم كلنا في الخيال سواء ..
ربما تطرأ علي لحظة من الجُنونِ وأصعق من كان هنا ..
ولكن أخشى أن يُجن عبيّد من تلك الفعلة ..
حياك الله .. مرة أخرى ..

* * *

حرف لا يعانقه الجفاف

أهلاً بك ..
وبروعة حضوركَ تُزهر الأرض ..
فأهلاً ومرحباً ..

* * *

* * *

[بنت آلهاص]

لا تنظر لتفاهات الامور من الاعضاء اكمل فكلي شوق ماذا سيحدث

د/ماسنجر اهلاً بك على متن المنتدى>......

[د / ماسنجر]

حياكِ الله بنت الهَاص ..

بالعكسِ من ذلك لا أسمي تلك تفاهات .
بل أسميها عضة وعبرة لنا لنحمد الله على العافية التي كسانا الله إياه وعلى نعمة العقلِ أيضاً ..
فالحمد لله من بعد الفجر وحتى ظهور الشمس في اليوم الجديد ..

مُمتن لك الحضور والمتابعة ..

[بنت البدائع]

متشوقون لـ بقيّة الرواية
ومعرفة سِرّ عبيّد


د/ ماسنجر
أهلاً وسهلاً بعودتكـ من جديد .,

[yousef]

مرحباَ بــ د.ماسنجر
مثلك يفتقد
.،؛

لعل إسقطات ورموز و صور تمت
تكون واضحة للبعض
والتداعيات الآتية ســ / تكون
أكثر إثارة
لكون بدايتها قد تكون أقل جنوناً بالجنوح
نحو خيال يكفخ إلى عالي السحاب.



دمت بخير

مودتي ،؛

[yousef]

قال” دريدن”: ”
لا ريب أن الإفهام الكبيرة وثيقة الصلة بالجنون”، وقبل دريدن بما يقرب من مائة عام
قال الشاعر والكاتب المسرحي الكبير وليم شكسبير:
” المجنون والعاشق والشاعر جميعهم في الخيال سواء”

[غَسَقْ,]

وَبَك تَزدان الصّفحة
أَهلاً وَسهلاً ,

[Miss_Autumn]

القدير...د/ماسنجر..مرحباً بك.مجدداً .

ليس الإبداع سمةً جديدة في حكاياتك،ربما..أو رواياتك،لاأعلم..لكن..قد يجوز تسميتها نصوصك الثمينة ؟
.
.
كالعـادة..لن أضيّع على نفسي متعة المتـابعة..ولكن هذه المره "بحذر" .
^
أصبحت أخشى في كتاباتك التشويق ثم عدم المواصلة، لا أريد أخيراً الاحتفاظ بحكاية أخرى-غير مكتملة- في ذاكرتي هه

.
سلــمـان .. لـك تحية خـالـصة ..

[مشقاص]

اقتباس:  المشاركة الأصلية كتبت بواسطة miss_autumn     القدير...د/ماسنجر..مرحباً بك.مجدداً . ليس الإبداع سمةً جديدة في حكاياتك،ربما..أو رواياتك،لاأعلم..لكن..قد يجوز تسميتها نصوصك الثمينة ؟ . . كالعـادة..لن أضيّع على نفسي متعة المتـابعة..ولكن هذه المره "بحذر" . ^ أصبحت أخشى في كتاباتك التشويق ثم عدم المواصلة، لا أريد أخيراً الاحتفاظ بحكاية أخرى-غير مكتملة- في ذاكرتي هه . سلــمـان .. لـك تحية خـالـصة ..

ميس
صحيح كلامك سبق ان سرد الدكتور ما سنجر
رواية ولم ينهيها وتضايقت جدا لمتابعتي السابقة

سبق ان قرأت رواية لأحسان عبد القدوس لا تطفيء الشمس .
وبعد انتهائي منها أكتشفت اني قرأت الجزء الأول ولم أجد الجزء الثاني وكانت كارثه بالسبة لي في ذاك الوقت .

انا متابع سلمان وعلى مسؤليتك باقي الرواية اتفقنا .!!

[شموع تحت المطر]

ودي أقرأ الكلام

بس في حاجة تمنعني

[ونة خفية]

د/ماسنجر = الشاعر سلمان الجفن ماغيره :

على العموم اهلا وسهلا بك من جديد
اسلوب سردك المحادثة منظم ورائع قد لايتمكن البعض منه
أما عبيد فمعه مليون عبيد نشاهدهم في كل مكان ونحن لا نلومهم لأنهم على سجيتهم
وطبيعتم البسيطه التي تحمل روح زكيه في الغالب

د/ماسنجر = سلمان الجفن
إلى الأمام ،،