عمال نظافه عند الاشارات ........... !

[المفتون]

لاحظت عمال نظافه عند الاشارات يقومون بتنظيف الشوارع وخاصة عند الاشارات بكثره المشكله ليس هذه المشكله ان احد عمال النظافه جاني عند الاشاره وقام يشحد يطلب فلوس قلت له مافيه راتب قال انا مافيه راتب اكثر من شهرين قلت له شلون انت اكل قال انا يجي عند اشاره بعدين كل نفر يعطي ........ !
صارو عمال النظافه يشحدون عند الاشارات بدل التنظيف وانا شايف العمال بكثره عند الاشارات
وانت تسير بوسط الطريق لا ترى عمال النظافه وعند الاشاره تراهم بكثره
من المسؤل عن هذه العمال
تحولت النظافه الى شحاده

وتحياتي لمدير المنتدى واعضاء المنتدى
(( وكل عام وأنتم بخير ))

[يوسف الخالدي]

الله يرزقهم يا رب

ضاقت عينك على هالمساكين !!!

وإلا لهالدرجة هامتك نظافة الشوارع بتقنعني إنك ما قد رميت شي من سيارتك
أنت أو معارفك !!!

ارحم عقولنا واكتب شي يستاهل وصف نيتك هاليومين

وما تبي تتصدق بهالعشر الأواخر احفظ لسانك وخل غيرك يتصدق ...

الله يرحم الحال بس : )

[المفتون]

[quote=يوسف الخالدي;4008575]الله يرزقهم يا رب

(( ضاقت عينك على هالمساكين !!!

وإلا لهالدرجة هامتك نظافة الشوارع بتقنعني إنك ما قد رميت شي من سيارتك
أنت أو معارفك !!!

ارحم عقولنا واكتب شي يستاهل وصف نيتك هاليومين ))


اي مساكين الله يرحم حالك يايوسف شرط المسكين انا وانت الي العمال لعبو بعقولنا يحطون انفسهم مساكين
لو جاء واحد من بلدك وطلب منك فلوس وش تسوي معه...........كان ياساتر

مع احترامي لك ياعزيز الغالي ولك التحيه

[alnesf1]

اقتباس:  المشاركة الأصلية كتبت بواسطة نايف السرباتي     تحولت النظافه الى شحاده

من كثر طيبتنا اصبحنا ؟؟؟؟ وكلمت ياحول هي المصيبه

[فهد العنزي]

كلامك سليم

للمعلومية ممنوع من وزارة الداخلية التبرعات لأي كائن بشري ..!!

فقط لجمعيات الخيرية وغيرهاً المعتمده رسمياً ..!!

[أبـــو خـــالـــد]

معذورين مساكين والله بعضهم تشوف الفقر بعيونه
وهؤلاء يمكن آجر من غيرهم

[شميساوي]

يا كثرهم ,,,,

من يذكر أيام عمال النظافه الباكستانيــين

أتحدى واحد يقول أنهم كانوا يشحــدون !!!!

و كانت رواتبهم نفس رواتب البنقاليه ...

و كانت تتأخر الرواتب مثل اللحيـــن ...

و لا شفناهم يلاحقونك عند الإشاره ...

و لا شفناهم ,,, يشغلونك بـ كثرة السلام و نظرة الحزن و الفقر ...

مثل ما أشغلونا البنقاليه ...

و المشكله إذا ما عطيته ,,, يناظرك بـ حقد !!!

و ده يذبحك ...

,,,

[ابراهيم المزيني]

لو يستلمون رواتب زي الناس كان ما شحدوا ..

[عذوق]

والله اني آوي لهم لا شفتهم بهالحر وهم صايمين ويمكن الكفيل يؤخر رواتبهم الزهيده وهم يعولون اسر وبزرانهم يهججون افواههم ينتظرون ما يصلهم من عائلهم الذي الجأته الظروف الى ان يكون عامل نظافه وش يعطون عاد الجيد يعطيه خمسه اريل واذا مشى بدأ يحدث نفسه باللي عطاه .... الله يرزقنا واياهم ولا يرينا ضعفنا شوفوهم بباكستان احوالهم يرثى لها .

[خريطة]

الشكوى لله هذي شحاذة منظمة والله لوكان من هذا البلد مسكين اومسكينة الشفت مكافحة التسول
يطالبون بان هذا ليس منظر حظاري والبنقالة مافية مشكلة مسكين والله انتم المساكين والله لويحصل شي الاقدرالله ان يكشر عن انيابة الخبيث.

[| ~ ســمــو ~ |]

الله يرزقنا وياهم .. لا طلبوك لاتعطيهم وبس

[أمير منسي]

بصراحة هذي قديمة من زمان وهم على هذي الشاكلة يخلي اللحية من أجل الشحاذة وللمعلومية أكثرهم هندوس وغير مسلمين

[khuzama2000]

وين المسكين عسى العمال البنقالي

العن العش هم

[ماطوة]

اللة يرزقنا ويااااهم يا رب

[عبار]

الله يرزقهم ويرزقنا