حاااااااااااااااااااااااااار !؟

[جلوي العتيبي]

خرجت ذات مساء لإتمام بعض المهام الخاصه دخلت المحل وطلبت منه تصوير بعض الأوراق بكميات كبيره فأشار لي صاحب المحل بإن وقت صلاة المغرب قد حان وأن المحل سيغلق وبكل لطف طلب مني العوده بعد الصلاة فبادرته بطلب :

ياليت تشغل آلة التصوير من الآن وإذا رجعنا بعد الصلاة وأثرهن جاهزات ..

تبسم وقال أبشر

خرجت وبدأت اراجع نفسي ماسر هذه الحراره والتسرع !؟

ذهبت لأداء صلاة المغرب وعندما بدأت بالوضوء كان المؤذن يقيم الصلاة ..وبجواري رجل يتوضاء ويتمتم :

انا مادري وشوله حاطين هالبزابيز اللي تشختر شختره !؟ يعني كأنهم يبون الصلاة تفوتنا !!

(طبعاً ماجازن له بزابيز توفير المياه رغم الإرشادات المتكرره من مديريات المياه )


ضحكت وقلت له والله حنا اللي حاااااااااااااارين وهالشيب اللي بك ماجاء من فراغ

.......

أعتقد أن هذه الصفه السيئه حصريه لنا نحن السعوديين .

اللهم أرزقنا سعة الصدر

[وهـ]

انت ماسمعت بالشايب اللي راكب مع ولده وصارت الأشاره حمراء ونزل الشايب من الحراره يمشي ويقول لولده اذا ولعت خضراء تلقاني قدام

وليت حرارتنا على سنع

[العراااب]

اقتباس:  المشاركة الأصلية كتبت بواسطة وهـ     انت ماسمعت بالشايب اللي راكب مع ولده وصارت الأشاره حمراء ونزل الشايب من الحراره يمشي ويقول لولده اذا ولعت خضراء تلقاني قدام وليت حرارتنا على سنع

ههههههههههههههههههه
بالنسبة لي افضل الحرارة

[عـــــســـــولــي]

الحراره مو حكر علينا بس موجوده بكل بقاع الأرض .
على طاري الحراره فيه واحد سيارته كل الرفارف صدوم لأنه يلف من حرارته قبل الملف وهمن يصبخ الجدار .

[الاخطبوط المرقط]

هههههههههههههههههه
الشيبان أزين مافيهم أنهم محللين راتب الإمام والمؤذن كل يوم هم وياهم هواش.

[هلاوين]

صحيح الحرارة موجوده في كثير من الناس واعتقد انها عادة مكتسبه

اكتسبنها من المجتمع .


اخوي جلوي خلك حول الدفاع المدني هههه

[الخيآلي]

ولاتنسى الواحد اذا ساق سيارته تلقاه يطاير يمين ويسار
واخرتها يدخل البيت او الاستراحه ويجلس يشوف التلفزيون
طبعا فاضي بس ليه هالسرعه صدز حراره على غير سنع

[سنّيه]

الله المستعان ..

الشعب السعودي نار الله الموقده !! ليتنا نأخذ قليلا من برودة شرق اسيا ورحابة صدروهم !

[سيميــآء \=]

مااعتقد حصرية فيه شعوب غيرنا عندهم هالخصلة ..
على طاري
امي من حرارته لاطلعنا لمشوار لو هي تمشية ..لازم تقول جملته (ليت من نزل ودف السيارة ...)ونادرا ماتتركى وتسترخي ..شي نفسي تحس انه تثقّل همن تبطئ السرعة خخخ..!
ولاصرنا نحاسب عند سوبر ماركت .. تعطين البوك احاسب وتروح تدخل الاغراض بالاكياس مع العامل ههههههههههه ..
تحلف اننا ملحوقين هه..

[مشقاص]

أعرف شايب من حرارته وعجلته
غير جميع لمبات بيته النجف البيض الى صفر

يقول احتريها تغمز لين تالع .
الصفر الحي يحيك من تنغزها تالع .
ولا همه الصرفية ...

[الفعل المضارع]

موقفك مع صاحب المحل هو حرارة همة وانجاز عمل يترتب عليه ربما انتظار حلقة أخرى من العمل مكونة من مجموعة انسان !


والحار غالبا عرضة للأخطاء !


لكن المصيبة إن البعض يبعد عن نفسه صفة الحرارة لذلك يصعب التحكم بها

جميل من المرء أن يعرف نفسه حتى يصبح لديه بعضا من السيطرة وقت الحاجة !

[حلاتي بعنادي]

[align=center]

يووووه حنآ آلعآئله آلكريمه كله نآآآآآآآآآآآآآر ..

وآنآ آشــــد وحـده فيهم آذآ جلسنآ نطبخ آنآ وآختـي مآتحمل آحس آنه بطيئه همن آطرده وآبدآ آنآ آشتغل آريح لنفسيتي ..

وحرتنه شي نفسسي بي .. [/align]

[احمد النجم]

المشكله أذا اقترنت الحراره بالحمق!
أما الحراره التي تحفز على سرعه الانجاز وعدم التسويف هي ايجابيه

[الاخطبوط المرقط]

اقتباس:  المشاركة الأصلية كتبت بواسطة احمد النجم     المشكله أذا اقترنت الحراره بالحمق! أما الحراره التي تحفز على سرعه الانجاز وعدم التسويف هي ايجابيه

هههههههههههههه
هم يشتبون في ألسنتهم وتعابير وجيههم
مو في هممهم وعزيمتهم وشتان مابين وبين!!

[احمد النجم]

اقتباس:  المشاركة الأصلية كتبت بواسطة الاخطبوط المرقط     هههههههههههههه هم يشتبون في ألسنتهم وتعابير وجيههم مو في هممهم وعزيمتهم وشتان مابين وبين!!

ماسمعت عن اللي طاحت عليه (العتله)

ومير يعضه!!

يحسبه انتقم !!