.. الدنيا الجديدة ..

[الأسترليني]

العمليات البنكية ممكن تنجزها من النت ..

حجوزات الطيران و الفنادق ممكن تنجزها من النت ..

معاملات وزارة الداخلية و الكثير من الدوائر الحكومية ممكن تنجزها من النت ..

نتائج الشهادات الدراسية او نتائج القبول ممكن تنجزها و تابعها من خلال النت ..

ممكن تتسوق من أي متجر أو موقع من خلال النت ..

ممكن تبحث على اصدقاء قدامى و اصدقاء جدد و أصدقاء تزاعلت معهم من خلال النت ..



يعني بصريح العبارة بالمستقبل القريب راح يكون كل شئ هام و غير هام من خلال النت ..





هل تتخيل انه راح تصبح حياتنا الخاصة و العامة بدون أسرار >> مثل حياة المشاهير .؟



هل تتخيل انك تنغمس الان من دنيا ولدت فيها و عشت فيها الى دنيا جديدة مختلفة عن واقعك الذي مارسته .؟





على طاري الفيس بوك هو بندر الحمر مبتليكم بكل مكان مثلي









التخيلات و المداخلات كلها مفتوحة لك

[قـتـالـه]

بالنسبه لوحده تعاني لهفة ادمان هالشي المدلل المتربع بحضني الان ..
التعامل مع الناس على النت اسهل بكثير من واقعهم
حتى المحادثات المسنجريه مع احدى غثيثات الواقع تكون اروع وامتع من
الواقع ووجع الراس بكثرة الحكي وفك طلاسم البيئات والموروثات الاجتماعيه!
اللهم زد وبارك يانت .. ويارب يصير كل شي عن طريقك واليك ومنك ,
صحيح اني بديت مؤخرآ اشطح بالافكار بس ارجع عادي بعد فرمته خفيفه..
مره كنت اشكي على عذبه واقولها انطرمت ياحيي وبديت احكي على الناس بلغة الاشاره وهزة الراس

[eivl girl]

النت حاجه حيلو وهبها لنا ربنا بس عليه نتعامل معها اوكي
يعني البنات او الحريم بصفه عامه هي الحاجه الوحيده الي تربطهم بالعالم الخارجي بوقت الخروج والقياده عيب وحرام

اقتباس:  المشاركة الأصلية كتبت بواسطة قـتـالـه     مره كنت اشكي على عذبه واقولها انطرمت ياحيي وبديت احكي على الناس بلغة الاشاره وهزة الراس

انتي اهون من انا اكلم خياطه قلت هذا قماش نسخ لصق بس كم دليت

---
تسلم ياعمده

[الأسترليني]

اقتباس:  المشاركة الأصلية كتبت بواسطة eivl girl     النت حاجه حيلو وهبها لنا ربنا بس عليه نتعامل معها اوكي يعني البنات او الحريم بصفه عامه هي الحاجه الوحيده الي تربطهم بالعالم الخارجي بوقت الخروج والقياده عيب وحرام انتي اهون من انا اكلم خياطه قلت هذا قماش نسخ لصق بس كم دليت --- تسلم ياعمده

مراحب ايفل

طيب وش لو صار و اتصلتوا انتم يالحريم و البنات بالعالم الخارجي بكل سهولة ، لا ولو بعد بغيتوا تسافرون لاي بلد بالعالم قدرتوا بكل سهوله بدون ما احد يدري عنكم

طيب وش لوون ..؟

ممكن بكرا تروحين لجرير أو الشامل و تطلبين منه ورق حائط الألكتروني و هذا الورق تقومين بلصقة على جدران غرفة الكمبيوتر عندك و متى ما مليتي من شارع الصناعة تدخلين غرفتك الخاصة و تدخلين على موقع ( تحشيش للسفر و السياحة ) و تقولين ابغى شارع اكسفورد بلندن او شارع الشانزليزية بباريس بعدين يطلب منك الموقع إطفاء انارة الغرفة و وضع انارة خاصة بوسط الغرفة و من ثم تضغطين ( إنتر ) و من ثم ينقل لك الحياة ببعد ثلاثي بأحد الشوارع مباشرة من خلال كاميرات وضعها موقع تحشيش كوم داخل تلك الشوارع و تجدين نفسك بلندن او باريس بثواني و انتي أصلا بالسادة

[قـتـالـه]

اقتباس:  المشاركة الأصلية كتبت بواسطة الأسترليني     و تجدين نفسك بلندن او باريس بثواني و انتي أصلا بالسادة

ياحلالاة بس!
وربي ان تشفقون على شوفة النقاب بالشارع..
وتكسد بضايع العثيم والنخيل
والحسون يشرون صيادات ذبان!
ولتكابر ابو عبدالله المجلس قال تصدقون وانا واقف عند اشارة الصناعه شفت حرمه .. اي والله لاتطيرون عيونكم مره لابسه عباة ..بغيت اصوره بجوالي بس اختفت وانا ادعبل بجيبي ادوره وفتحت الاشاره
وستر الله مادخلت بوانيت الصرف اللي قدامي!!
واحلالالالاتها يالاسترليني ..

[الأسترليني]

اقتباس:  المشاركة الأصلية كتبت بواسطة قـتـالـه     ياحلالاة بس! وربي ان تشفقون على شوفة النقاب بالشارع.. وتكسد بضايع العثيم والنخيل والحسون يشرون صيادات ذبان! ولتكابر ابو عبدالله المجلس قال تصدقون وانا واقف عند اشارة الصناعه شفت حرمه .. اي والله لاتطيرون عيونكم مره لابسه عباة ..بغيت اصوره بجوالي بس اختفت وانا ادعبل بجيبي ادوره وفتحت الاشاره وستر الله مادخلت بوانيت الصرف اللي قدامي!! واحلالالالاتها يالاسترليني ..

اقول يا حللاتها يا قتالة

غربلك الله ان شفتي انتي احد من السعوديين بشوراعنا تعالي قصي عيني ..

لكن يبقى العربان عربان و يتركون الشقروات و الحسنوات و لا يهناهم إلا يلاحقونكم و يدورونكم هناك ..!!


يقول ابونورة /

ما يصيد الجوازي غير بخص و ضاري

^^^^

أي جوازي و أي ضواري يا ابو نورة الله يهديك

[الأسترليني]

اقتباس:  المشاركة الأصلية كتبت بواسطة قـتـالـه     بالنسبه لوحده تعاني لهفة ادمان هالشي المدلل المتربع بحضني الان .. التعامل مع الناس على النت اسهل بكثير من واقعهم حتى المحادثات المسنجريه مع احدى غثيثات الواقع تكون اروع وامتع من الواقع ووجع الراس بكثرة الحكي وفك طلاسم البيئات والموروثات الاجتماعيه! اللهم زد وبارك يانت .. ويارب يصير كل شي عن طريقك واليك ومنك , صحيح اني بديت مؤخرآ اشطح بالافكار بس ارجع عادي بعد فرمته خفيفه.. مره كنت اشكي على عذبه واقولها انطرمت ياحيي وبديت احكي على الناس بلغة الاشاره وهزة الراس

مرحبا قتالة

لا خلاف إن النت أصبح ضرورة و لكن هل وصلت الى مرحلة ان النت هو عالم و بيئة ستصبح صالحة للعيش ..؟

هل تخيلتي نفسك إنك أيقونة لونها وردي تعيش في هذا الكوكب الجديد

[قـتـالـه]

اقتباس:  المشاركة الأصلية كتبت بواسطة الأسترليني     هل تخيلتي نفسك إنك أيقونة لونها وردي تعيش في هذا الكوكب الجديد

خلني اتخيل عالم عشيرتي الايقونيه بوسط اللابتوب
يعني اذا صرت انا ذي >>
وهو صار ذا >>

ماراح يصير ولا ولا ولا ؟

اذا كذا من الحين ابدخل جوا اللابتوب وترا اسمي قتاله الايقوني

[الأسترليني]

اقتباس:  المشاركة الأصلية كتبت بواسطة قـتـالـه     خلني اتخيل عالم عشيرتي الايقونيه بوسط اللابتوب يعني اذا صرت انا ذي >> وهو صار ذا >> ماراح يصير ولا ولا ولا ؟ اذا كذا من الحين ابدخل جوا اللابتوب وترا اسمي قتاله الايقوني

مخيلة رائعة بس الله يعينك شكل كل لبسك بالنت حق حوامل..

[احمد النجم]

في الزمن الحديث وعلى مدار عقود متعاقبه . حدثت قفزات وتطورات في حياة الانسان
. لكن (تكلنوجياً) القفزات (تتجدد) سريعا ً! وبشكل مذهل ومن لم يواكب
هذه التطورات سوف يجد نفسه (بمعزل) عن المجتمع حتى وان كان بينهم!.. خصوصا
ممن هم بعمر يتطلب منه التعايش مع التكنوجيا .. ربما كبار السن خارج الحسبه (وياحظهم)

أتذكر دراسه في احدى الدول الاوربيه . في عام 2002م تقريبا حول تأثير التطور السريع على حياه الفرد والى مدى أستفادته منها؟

الذي لفت نظري و(أتذكره) ان ارتبط الانسان بالتكلنوجيا .. افرز ظاهرة الاكتئاب والميل الى
العزله , وعدم رغبته مع التعايش مع الاخرين!

طبعا الدراسات ليست قاعده تنطبق على الكل.. ولكني أرها واقعا في مجتمعنا وان كانت
متفاوته النسبه

لاهنت عميدنا/الاسترليني

[الأسترليني]

اقتباس:  المشاركة الأصلية كتبت بواسطة احمد النجم     في الزمن الحديث وعلى مدار عقود متعاقبه . حدثت قفزات وتطورات في حياة الانسان . لكن (تكلنوجياً) القفزات (تتجدد) سريعا ً! وبشكل مذهل ومن لم يواكب هذه التطورات سوف يجد نفسه (بمعزل) عن المجتمع حتى وان كان بينهم!.. خصوصا ممن هم بعمر يتطلب منه التعايش مع التكنوجيا .. ربما كبار السن خارج الحسبه (وياحظهم) أتذكر دراسه في احدى الدول الاوربيه . في عام 2002م تقريبا حول تأثير التطور السريع على حياه الفرد والى مدى أستفادته منها؟ الذي لفت نظري و(أتذكره) ان ارتبط الانسان بالتكلنوجيا .. افرز ظاهرة الاكتئاب والميل الى العزله , وعدم رغبته مع التعايش مع الاخرين! طبعا الدراسات ليست قاعده تنطبق على الكل.. ولكني أرها واقعا في مجتمعنا وان كانت متفاوته النسبه لاهنت عميدنا/الاسترليني

مرحبا أبو نجم

كما ذكرت العالم المتقدم فيه الكثير من البشر لا حياة لهم سوى هذة الدنيا الجديدة و يعيشون من خلالها و لم يتبقى لهم سوى المأكل و المشرب يخرج لهم من خلال الشاشات ..!!

الاكتئاب النتي ظاهرة و بدأت لدينا و لكن ستظهر مستشفيات من خلال النت أيضا ستعالجهم ..!


إضافة جيدة تقرب الصورة لمن بعدت عليهم الصورة ..

[بلزاك]

اقتباس:  المشاركة الأصلية كتبت بواسطة الأسترليني     التخيلات و المداخلات كلها مفتوحة لك

والأماكن كلها ....

[الأسترليني]

اقتباس:  المشاركة الأصلية كتبت بواسطة بلزاك     والأماكن كلها ....

الاماكن كلها مشتاقه لك أنت

قايل من زمان ( اللوحة الشرفية ما جتنا بخير ) صايرة كنها منصة مشنقة من تعلق فيها راح


بلزاك قطار مكة ابو سته مليار يبيك

[بلزاك]

اقتباس:  المشاركة الأصلية كتبت بواسطة الأسترليني     الاماكن كلها مشتاقه لك أنت قايل من زمان ( اللوحة الشرفية ما جتنا بخير ) صايرة كنها منصة مشنقة من تعلق فيها راح بلزاك قطار مكة ابو سته مليار يبيك

أقول أها بس ..
مابقى إلإ أنت يعاتب على الغياب ..

أما القطار طال عمرك يوم بدو الناس يوشوشون على شوي شوي .. وكل واحد يقرب لاذن خويه ويقول مهب تسنه كثير المبلغ ..
والثاني محودب على شايب ثاني ويقول يابو حمد مين يبي يعد هالدراهم هذي كلها وكم يبي يعطون اللي يعدهن حنا حدنا 500 ريال نتعب لاصرفناها عشرات عاد شلون ذولا بهالمليرات ..
شفت وأنا اخوك أقول لك يوم بدو الناس يحوطمون ورازين بوزتهم كيلو قالوا نوريك بهم يالله ياولد عطوهم قطار جدة أبو 21 مليار خلهم ينثبرون وياكلون تبن وقولوا لهم تراه مهب قطار قطار سموه خفيف ( عاد أنا ادخل على الله مدري وشو الثقيل )

وفي أسفل الخطاب كتب أحدهم ..
وإن فكروا يعنطزون ترى نبي نتبرع لمزايين المغرب ولبنان بمليون نخلة سكري ومليونين نبتة علي وثلاثة ملايين من أم الخشب على شان مايتغير لون غناديرهم من الشمس ..

إلا يالإسترليني أنت ماسمعت طيب الذكر أبو نروه يوم هو يقول بذيك القصيدة مانب قايل الأغنية وآخذ إثمك ومن أصلك وأنت ترهش ..
المهم يقول في إحدى ( أنشوداته مع الدف وملحقاته الموزارتية والبيتوهفنية ) يقول :

ودّع اليأس وسافر واغرب ... واشتر الحسن بأرض المغرب

أستغفر الله كان اللي مايستحي يقولها من قلب
وأنا أدخل على الله مدري وش قصده ما اعرف المغرب إلا اللي بالجغرافيا والتاريخ يوم اسمها أرض البربر ..

[قـتـالـه]

اقتباس:  المشاركة الأصلية كتبت بواسطة بلزاك     .. وكل واحد يقرب لاذن خويه ويقول مهب تسنه كثير المبلغ .. والثاني محودب على شايب ثاني ويقول يابو حمد مين يبي يعد هالدراهم

كبير يالانيق حتى في عاميتك ..!
ان ماطاعك الزمان غمض عيونك وابلع غصتك وطيعووووه !
ماقدروا يطلعونلك قلت انا انزلهم !
هكذا هم الكبار دائمآ وبتلةً,,