شبابنا إلى أين.....؟؟؟

[السلسله]

السلام عليكم ورحمة الله وبركاته

في مره من المرات في سوق بريدة وبي التحديد في شارع الصناعه
عند أحد المحلات النسائه بنتظار والدتي وكان عن باب أحد المحلات فتاتان
جالستان وإذ بسيارة مسرعه رمى أحدهم كرتون صغير ( من فاين ) على الفتيات ـ حتى ماهو لقي مايكتب عليه ـ
أخذت إحداهما الكرتون ورمته بعيداً من باب الفضول أخذت الكرتون وإذ بي أجد مكتوب
على الكرتون( سلطان ومكتوب تحته رقم جوال ) أخذت الكرتون وشققته ورميته في إحدى البيارات
في الشارع,إستغربت وقتها لماذا فعل ذالك هذا الشاب ذالك الفعل بت في تفكير عميق ولم أجد لذالك إجابه محدده
واضحه يا الله لماذا وصل بشبابنا ذالك الفعل المشين القبيح هل شباب المغازل قله أم هم كثر أين الوازع الديني أين الخوف من الله عز وجل




شبابنا إلى أين.....؟؟؟



سؤال كبييييييييييير جد
اُ يجب أن نهتم به وإلا إستغل من قبل أناس جهال



أخوكم
السلسله

[قـتـالـه]

فكهن ربي من شي اثقل من كرتون المناديل !
واشوى ان طبلون السياره ماينقلع والا تسان كتبه على الطبلون وجدعوه عليهن !
خالتي يابعدي ياهي قاعدتن تفطر بحدا ايام الست بين السيارات ويصنه ذاك الاجودي بقارورة ماء
تقول احسبوه محسنبي يبين اشرب وافك القاروره واطرقع الا هو يدور مره ثانيه ويقول ناظري وش مكتوب مب بس تطرقعينه !!

[السلسله]

اقتباس:  المشاركة الأصلية كتبت بواسطة قـتـالـه     فكهن ربي من شي اثقل من كرتون المناديل ! واشوى ان طبلون السياره ماينقلع والا تسان كتبه على الطبلون وجدعوه عليهن ! خالتي يابعدي ياهي قاعدتن تفطر بحدا ايام الست بين السيارات ويصنه ذاك الاجودي بقارورة ماء تقول احسبوه محسنبي يبين اشرب وافك القاروره واطرقع الا هو يدور مره ثانيه ويقول ناظري وش مكتوب مب بس تطرقعينه !!

شر البلية مايضحك
شكراً لك على المرور الرائع وبارك الله فيك

[السلسله]

الشكوى الله
شكراً للمرور

[شميساوي]

أجل ما قد جتك كلمة أو غمزه من بنت ...؟؟؟

ترا الشر و الإبتعاد عن الدين موجود عند البنات و الذكور ...

بس حنا ما ننتبه زين

[السلسله]

اقتباس:  المشاركة الأصلية كتبت بواسطة •» سُلِّطـآَن الْغَرَآم «•     أجل ما قد جتك كلمة أو غمزه من بنت ...؟؟؟ ترا الشر و الإبتعاد عن الدين موجود عند البنات و الذكور ... بس حنا ما ننتبه زين

الخطاء موجود من كلا الطرفين لكن لو إلتزم الشاب بتعاليم دينه و الفتاة كذالك لن نرى هذا أبدا

[شميساوي]

اقتباس:  المشاركة الأصلية كتبت بواسطة السلسله     الخطاء موجود من كلا الطرفين لكن لو إلتزم الشاب بتعاليم دينه و الفتاة كذالك لن نرى هذا أبدا

هكذا يكون كلامك منصفاً ,,,

أن تجعل الفتاة هي شريكة في المشكلة و أن تبحث لهذه المشكلة عن حل ...

و هذا هو بداية طريق التغيير بـ إذن الله ...

أما أن يجعل اللوم على الشاب فقط و أعني بـ الشاب هو (( الذكر )) ,,,,

و يغفل الجانب من الشابه وهي (( الأنثى )) ...

فهو إجحاف ,,,

و كلنا نعلم بـ أن الفتاة المتستره و المحترمة لـ التعاليم الدينيه و المتقيده بـ الشرع ...

لن يستطيع أحداً كائناً من كان بـ التعرض لها ...

لأنه يجد رادع ديني قوي وهو وجود الحشمة الظاهره و التمسك بـ الحجاب الشرعي ...

وهذا له هيبة ...

أما البنت اللتي لبست عبائة مخصرة تصف تقاطيع الجسم ..

و نقاب فاضح و واسع يبرز بياض الخدين ..

و إتساع العينين ...

و رائحة العطر تزكم الأنوف و تعمي العيون من قوتها و جرائتها ...

فهذه فتحت باباً من أبواب الشياطين و جعلت من نفسها صيداً سهلاً لأصحاب الهوى ...

و متصيدي فتيات آخر الليل و سواليف دق و سكر ...

و أشحن لي أعرض لك ...

هذا هو الواقع ...

فـ الحشمه هي السد المنيع ضد أي تحرش او غزل ,,,

و الإنفلات و التحرر هو علامة العرض و القبول ...

فـ الفتاة الآن هي القادرة على منع التحرشات أو جلبها لـ نفسها ...

,,,

تحيـــآتي ,,,

[المميزهـ]

اماالشباب حدث ولا حرج
الحين وهو مرتاح يدور بين سيارات في الجامعه يحط الورقه بعروه باب السياره خاصه اذ كان سواق
هالوقت صارو كانهم اخطبوط بكل محل تشوفهم ورجعو الحاله اول بتلفون الثابت
الله يهديهم هذا والله من قله الدين والعآآآطله الي مايدري الواحد وش يسوي بنفسه .

[لعيون دودي]

اخي الفاضل...

فيه احد الى الان يسوي هالحركااااات!!!

احسها حركات "مراهقين"... الشباب تعدوا الان هالوسائل الى ماهو ادهى وامر والسبب ان "البعض" من البنات مساعدينهم على التواصل!!

[السلسله]

اقتباس:  المشاركة الأصلية كتبت بواسطة لعيون دودي     اخي الفاضل... فيه احد الى الان يسوي هالحركااااات!!! احسها حركات "مراهقين"... الشباب تعدوا الان هالوسائل الى ماهو ادهى وامر والسبب ان "البعض" من البنات مساعدينهم على التواصل!!

أووووووووووف واكثر المراهقين في الزمن هذا
يحس أنه أحسن واحد وخر عنه إذا صارت عندة صديقه مايديري المسكين
أنه وبال عليه يوم القيامه

[قـتـالـه]

بعضهم على خف دم واستهبال وان ماعطيتيه وجه يروح
وبعضهم اللهم ياكافي ذباب ماينهش يلفت لتس انظار اللي حولتس
وكلما قلتي له يالاشهب انزح وراك لآبو هالربايا لزق اكثر

[السلسله]

اقتباس:  المشاركة الأصلية كتبت بواسطة قـتـالـه     بعضهم على خف دم واستهبال وان ماعطيتيه وجه يروح وبعضهم اللهم ياكافي ذباب ماينهش يلفت لتس انظار اللي حولتس وكلما قلتي له يالاشهب انزح وراك لآبو هالربايا لزق اكثر

الله لايكثرهم قولي آمين

[نجداوي]

مثل ماقالت اختنا لعيون دودي

مراهقين

لاكن المشكله ان مافيه عقوبات صارمه ضد هالفئه

والا ماكان تعود راعي الترقيم بكل مره يمارس نفس الاسلوب وعلى اكثر من بنت

غالبا الناس الجرئيه وحتى لو كانو مراهقين يستمرون بعمل الامور لان الرادع مغيب عنهم

بعض الاحيان اشوف الهئيه تنصح بعض البنات بالتستر

مشاء الله جهودهم مباركه

وانت بدورك اخي السلسه وبفعلك تفعل الجانب الاخر من الامن كالهئيه وغيرها لان الرقم الي كان بيوصل للبنت ممكن يسبب مشاكل كثيره


والمواطن رجل الامن الاول !!


شاكر ومقدر تواجدك



احترامي .

[السلسله]

اقتباس:  المشاركة الأصلية كتبت بواسطة نجد1وي     مثل ماقالت اختنا لعيون دودي مراهقين لاكن المشكله ان مافيه عقوبات صارمه ضد هالفئه والا ماكان تعود راعي الترقيم بكل مره يمارس نفس الاسلوب وعلى اكثر من بنت غالبا الناس الجرئيه وحتى لو كانو مراهقين يستمرون بعمل الامور لان الرادع مغيب عنهم بعض الاحيان اشوف الهئيه تنصح بعض البنات بالتستر مشاء الله جهودهم مباركه وانت بدورك اخي السلسه وبفعلك تفعل الجانب الاخر من الامن كالهئيه وغيرها لان الرقم الي كان بيوصل للبنت ممكن يسبب مشاكل كثيره والمواطن رجل الامن الاول !! شاكر ومقدر تواجدك احترامي .

أشكرك أخي نجداوي على الراد الرائع وبارك الله فيك

[اذكر الله ياخفوقي]

صااايرين الشباب اعوذ بالله بالمغازل اشد من قبل تقول وحدة من صديقاتي اننا طالعين بمخيم بالبر وطالعات برى مرت من عندننا سيارة وجدعت الرقم وراحت << يعني حتى بالبر ماسلمنا منهم
الله يهديهم ان شاء الله ويصلحهم ..