من الي تغير حواء او معايير الرجوله اختلفت ؟

[البـــBADERـــدر B.D.Q]

قصتين اعرف اطرافهم زين .. يعني بعيد عن قال وقيل




(1)

امرأه تطلب الطلاق والسبب ؟


طلبت الزوجه من زوجها الطلاق بعد زواج استمر سنتين .. والسبب يعود ان زوجها لم يرفض لها طلب طول حياته ويلبي كل طلباته ( من باب خوف الله في معاملته وعدم ظلمه ) .. وتقول الزوجه ان حياتها اصبحت مثل اميره وخادم ..وانها لا تحس بقيمه زوجه نهائيا ولا تعتبره رجل لانه لم يقل لها لا بحياته ؟
( لا احد يقول فيه اسباب ثانيه بس هي تعلثت بهالاشياء .. لأني اعرف الرجل عز المعرفه مافيه الي يعيبه )







(2)

ابي احس برجولتك علي ولو بالغصب


هذا زوج كل ماطلب من زوجته قالت له لا .ومستحيل ولا تطلب مره ثانيه .. يعني لو يقول له الشمس طلعت شرق قالت لا الشمس اليوم طلعت شمال .. وهالزوج المسكين كان يسكت علشان مايكدر خاطره .. اخينا في الله الزوج المغلوب على امره صبر على هالامر لعل وعسى تحس وتتعدل .. بعد فتره طفح الكيل ( للصبر اخر ) وزعل وهجران والى اخره ..
واجهته من ثاني يوم ليش انت زعلان وليش تسوي كذا ؟
الرجال طلع الي بقلبه وواجهه بالمشكله..وبين سبب الزعل وتشرهه عليه

ردت وبكل برود ( انا ارفض طلباتك ..لأني ابي احس برجولتك ابي تجبرني وترفع صوتك علي .. بالعربي ابيك تكسر راسي وتمشيني زي ماتبي انت ..وانا اقول لا لاني ابي ابستفز رجولتك وابي احس به )



___________

تساؤلات .!

هل الرجل عندما يخاف الله في زوجته ويعامله معامله حسنه قدر المستطاع يكون ناقص مرجله ؟


هل المرجله ومعاييرها تختلف من عصر وزمان للعصر وزمان ثاني ؟


هل حواء ماتحس برجوله زوجها الا اذا انظلمت ؟

في هالقصتيين الخطأ يكون على الرجل او على المرأه وخاصه عرف عنها انه غريبه الاطوار بعض الشي ؟


.

[أشغلتموهــا]

معقوله فيه حرمه تبي زوجها يكسر راسها ؟
شكله عايشه بالصعيد هذي ومتعوده ع الجلد
والله حاله

[شاها]

عش 2011 وتشوف عجايب وغرايب!
صراحه ماخبرت حرمة تبي رجله يكسر راسه
والله ماعندهن سالفه ذولي..

[قـتـالـه]

بلاهن انوثتهن حقيقيه !
لو يقولي سمي ولبيه حامت تسبدي من ثاني اسبوع
ورحت اقول لابوي وش هالرخمه اللي انت عاقدن لي عليه

ترا الحرمه تحتاج تحس بقسوة الرجل
تبكي وتترجاه
وتحس بطعم المنه بعض المرات ..,
لها لذه الاشياء اذا جت بصعوبه !

واللي ماعمرها ترجت ذكرها تراها ذكر ثاني الله يعينوه عليها

[&سفآنه&]

لا بالعكس المرأه الطبيعيه تحب الحياة الهادئه
وزوجها مايرفض لها طلب لكن اللي ذكرتهن
بموضوعك شكلهن متعودات على الجلد والهوشات
ويبن من يكسر روسهن

[طقاقة بدون مايك]

آلله مآر يخلف :$
همآنآ نآقصآت عقلن و دين :$



مآر عآد سوآء ب الزوج الي القصة الاوله والا الزوج الي ب الحجاية الثانية

وشنوح ما كل وآحد منهم خذآ مطرقة مصدية ..وصبخ رآس مرته ولعن جدفه..بناء ع الطلب...عشآن تعرف إن الله حق ..وتعرف وشلون رآسه ينكسر...وتحس بالرجولآ:$


شف لآ عسر عسر ولآ فآلت آلخيط بعد ومخلي آلقرعه ترعى...


بس عآد مايمصخه ويصير زي ابو بدر رجل فوزية الي ب بآب آلحآرة...الي فوزية تقوله يمين قآل يمين ..فوزية تقوله يسآر قآل ابد يسآر...حتى لو شين غلط
وقآلت فوزيت صح قآل هبد صح من الي يقول غلط...ويمشي بالحارة و يقول مرتي فوزية قآلت ومرتي فوزية فعلت<<<هذول الي تسدآ حآله أستثنائيه عآد

يعني المفترض يعآمل الزوجة معآملة زينة بس برضو ما يلغي كلمته و وجوده ورأيه بالمره

وكلآمي الي بالبداية ينطبق أذا كان ما رويته صح ..


أما أذا به أسباب ثانية نجهله.. ف كلآمي رآح يتغير ترآ ..


وفعلن هالناس تصآنيف !


تحيتي لك.

[shahd2007]

وش هالحريم موب مقدرات النعمه ...







هل الرجل عندما يخاف الله في زوجته ويعامله معامله حسنه قدر المستطاع يكون ناقص مرجله ؟












عمر المعامله الحسنه ماتنقص من رجولته ..بس موب لدرجه كل شي ايه وسمي وابشري ..هذا الصنف ممل ويحوم الكبد ..يعني ممكن يجمع الطيبه والحنيه مع شوي شده ..ويكون له رأي ..








هل المرجله ومعاييرها تختلف من عصر وزمان للعصر وزمان ثاني ؟










اكيد اكيد اكيد ..تختلف من عصر لاآخر

اعتقد اللي اعمارهم اللحين بالسبعين ..مقياس الرجوله عندهم تختلف ..عن اللي بالعشرينات ..
اجل مايأكلون مع زوجاتهم يقولون عيب ههههه
ولا يزورونه وهي نفاس ..<<تنقص رجولتهم
الحمد لله انقرضوا هالنوعيه,,,







هل حواء ماتحس برجوله زوجها الا اذا انظلمت ؟



لا الظلم وانا اختك شين
حواء تبي شده شوي تحس اللي قدامه رجل تعتمد عليه له
له رأي يقول لها لا ويعوضه بشي احسن اهم شي يمشي كلمته مره
وكلمتها مرتين ..





في هالقصتيين الخطأ يكون على الرجل او على المرأه وخاصه عرف عنها انه غريبه الاطوار بعض الشي ؟

على الرجل لانه مافهم عليها ..

[مجرد إنسانه]

شر البليه مايضحك

لا والله هذولي رافسات النعمه برجليهن
وينه هالرجال لاشيله فوق راسي هو واهله بعد
والله انها احتمت سبدي منها صدق كفارات عشير

[الامل الظامي]

هل الرجل عندما يخاف الله في زوجته ويعامله معامله حسنه قدر المستطاع يكون ناقص مرجله ؟


فيه فرق بين الخوف من الله و المعامله الحسنه

و الرخامه و ضعف الشخصيه,,
,,,,,

هل حواء ماتحس برجوله زوجها الا اذا انظلمت ؟

اكيد لا,,

ما احد يرضى بـ الظلم ,,

لكن المره تحب الرجل قوي الشخصيه

اللي يفرض وجوده و هيبته

يحسسها بـ الامان و راحة البال ,,

,,,,

* مو كل قصه تمر عليك تعممها ,, كذا بتتعب و تكره الحياه,,

يعطيك العافيه اخوي,,

[بع ـثرني آحتيآجي |♥~]

.
.

هل الرجل عندما يخاف الله في زوجته ويعامله معامله حسنه قدر المستطاع يكون ناقص مرجله ؟
بـ آلطبع لآ
هل المرجله ومعاييرها تختلف من عصر وزمان للعصر وزمان ثاني ؟
ربمآ آلتفكير يختلف فقط !
هل حواء ماتحس برجوله زوجها الا اذا انظلمت ؟
آيضضآإ لآ
في هالقصتيين الخطأ يكون على الرجل او على المرأه وخاصه عرف عنها انه غريبه الاطوار بعض الشي ؟
على آلزوج و آلزوجة كلهمآ ..
- على آلزوج لآنه آفرط بـ تعآمله معهآ
- وعلى آلزوجه لآنهآ لم تحمد الله بمآ رزقهآ !

* زمننآ غريب "
شكرـآإ جزيلآ آخي ’ بدر =)

[╝◄ ساندرا ►╚]

ياربي لك الحمد والشكر احد يعاف النعمه الي بين يديه ويدور الشقى
الله العالم انهن جايات من بيئه مافيها رحمه
يعني ملعون كترينهن واستغربت من تصرف رجله معه وتحس انه ماعنده مرجله
بس لو وحده من هاثنتين الي ذكرت شافت حياة الرسول ومعامتله مع زوجاته
كان عرفت معنى الرجوله الحقيقيه

وينطبق عليهن المثل

لكلِ داءٍ دواءٌ يستطبُ بهِ...إلا الحماقة أعيت من يداويها





.,



استغفرالله

الحمدلله الذي عافنا بما ابتلاهن

[»‏جـويره«]

-

هل حواء ماتحس برجوله زوجها الا اذا انظلمت ؟

مو مسسألة ظظلم ..
آلبنآت يبن وآحد يشيله بَ آلكلآم وآلتصرفآت مآتبي هي تشيله بآلكلآم وآلتصرفآت
تبي تحسس بَ رجولته وشخصيته
مره يطلب ومره يرفض ومره يزعل
ومره يفرح ومره يعطي ،باختصار تبي آحد يتفآعل معه ..
مآتبي رجل كمالة عدد بس آو بس آسسم آنه رجل
على آلطآلعه وآلنآزله مآغير يقوله آيه مآيقول آبد لا هذا ممل بششكل موب طبيعي..

في هالقصتيين الخطأ يكون على الرجل او على المرأه وخاصه عرف عنها انه غريبه الاطوار بعض الشي ؟

آلقصصه آلآولى مآله دآعي تطلب آلطلآق آببد ..

بَ آيشش غريبة آلآطورآآر ...؟؟
وخآصصه ب آلقصصه آلثآنيه بعذذره هآلمرأه لو آنآ بمكآنه يمكن آسسوي سوآته
ششي مملل صرآآحه
بسس شكل رجله بآآرد آلله يعينه عليه ...

[التنين الصيني]

بجاوبك بس بسؤال .... !

قد خبرت وحدة ما تشكى ....؟

لذلك .... <<<< ولا تدري خله بس بقلبي خخخ

[عاشق ديرتي بريده]

والله النشبه

ترا لو رفض ورفع صوته كان طلبت الطلاق لانه مهوب رومنسي

[ليلـ]

خير الامور اوسطها دع علاقتك مع زوجتك حنونه وطيبه
وأن أخطت عاتبها .