فراغ عيد ..........!!

[فانتازيا إعلامي]

فراغ عيد ..........!!

قتاله وابو عراده بين الحقيقة والخيال ..............
وأنا بالاستراحة أتفرج على الشباب يلعبون كرة أصروا على أني احكم لهم !
اشترطت ان اسمي فريق أبو عراده وفريق قتاله وافقوا دون اعتراض رغم
أنهم لم يستوعبوا الأسماء ...............
طقيت القرعة وحطيت الكرة في السنتر ! ولعب فريق قتاله .....
وشد اللعب وكني بديت أميل لأحد الفريقين وخذ يا فاولات وركنيات وهدف ملغي وضربة جزاء !!! وتوزيع كروت .................

ما دري هل هو فراغ العيد ؟ او أننا ما نعرف وش نزين بالعيد ؟
أو أننا فاهمين العيد خطأ ؟
أحيانا فراغ العيد يجعلك فعلا بحاجة لفراغ تعيد الحسابات وتتأمل من حولك ..
ومرات تقول ليه ما افرغ مخي بأيام العيد !
وقد تكون السفريات نوع من تفريغ المخ بأيام الفراغ ....

او عشان لي كم يوم أشوف معارك طاحنه بينهم ؟
مثل اللي تدوخ عند النوم من كثر الهواجس وبعدين تحلم خذاريف !
وتقوم من صباح الله خير خذ يا اتصالات ورسائل تفسر خذاريفه !

عاد بقولكم من اللي فاز بس اصبروا !! بعد ما تكتبوا لنا اللي بخواطركم ..
المشكلة أني كتبت وأنا بروح افرغ بكمل بكرى ان شاء الله ..

[قـتـالـه]

هههههه دينوه وياطعموه فريق قتاله يابعد حي
احسهم مزايين وريحتهم تهبل .. هه
بالنسبه لي يافآنتآ وقسم وقسم وقسم مالي عيد لا هذا ولا اللي قبله ربي يعوضني
اما عن ابو عراده ماتلاحظون اني اجدعله ؟ وأفوت له كثير ؟
شسوي راحوآ الناس مالي الا هو .. بعد ترا هو ولا الزنقب الله يرجعه سالم

[ابو عراده]

اقتباس:  المشاركة الأصلية كتبت بواسطة قـتـالـه     اما عن ابو عراده ماتلاحظون اني اجدعله ؟ وأفوت له كثير ؟ شسوي راحوآ الناس مالي الا هو ..

ايه انتي تعبري بام شوشه الين تجي المنقوشه .
اموت وادري وش نوع الحليب اللي انتي شاربته . لاتصيرين شاربة حليب ضبعه
والله يافانتازي .. انا من قبل العيد بيومين مزكم وحالتي حاله واليوم تقل اني طويب ومن الفراغ فلشت دينمو الماء حق البيت والمشكله انه ماخرب بس امسكت اني افلش شيء .
متعود اني ماقعد بالديره بالاعياد لكن هالسنه قعدت غصب عني .
بس اكيد يافنتازي فريقي شنبات واعجبوك وهزموا فريق قتاله الرخوين .

[فانتازيا إعلامي]

اقتباس:  المشاركة الأصلية كتبت بواسطة ابو عراده     والله يافانتازي .. انا من قبل العيد بيومين مزكم وحالتي حاله واليوم تقل اني طويب ومن الفراغ فلشت دينمو الماء حق البيت والمشكله انه ماخرب بس امسكت اني افلش شيء . متعود اني ماقعد بالديره بالاعياد لكن هالسنه قعدت غصب عني . بس اكيد يافنتازي فريقي شنبات واعجبوك وهزموا فريق قتاله الرخوين .[/center]

هلا ابو عراده
ما تشوف شر ..
ههه اعرفهن فكفكت الفراغ والله من شيء فكيته وضاعت مساميره من السهج ..

من ناحية يعجبون هم ما قصروا بس مهوب على كل ابوحال يفوزون ..
خبرك اخذينه بالتكسير والقوة ... وذولاك ما غير يطامرون تقل ضفادع ..

[فانتازيا إعلامي]

اقتباس:  المشاركة الأصلية كتبت بواسطة قـتـالـه     هههههه دينوه وياطعموه فريق قتاله يابعد حي احسهم مزايين وريحتهم تهبل .. هه بالنسبه لي يافآنتآ وقسم وقسم وقسم مالي عيد لا هذا ولا اللي قبله ربي يعوضني اما عن ابو عراده ماتلاحظون اني اجدعله ؟ وأفوت له كثير ؟ شسوي راحوآ الناس مالي الا هو .. بعد ترا هو ولا الزنقب الله يرجعه سالم

ربي يعوضك خير ان شاء الله ..

اييه اول ما شفت الوجيه قلت هذا فريق قتاله ...
وذولاك الوخشين المتزقلبين قلت انتم فريق ابو عراده خشنين وراعين تكسير ..
وتكسير خواطر بعد ..


أشوف فريقك لأقبل مندفع تركوا الكرة ..
وذولاك اول ما يشمون ريحة الرز لا فك البلف يدخون تقل شامين غراء ..
همن يهجمون فريقك .. واول ما يرجع البلف بتاع الكاتم يشغلون الهدارات ..

[امرؤ القيس]

مرحبا فنتاز ...وكل عام وإنت بخير ...

الفراغ يولد الجلطة موبس الكسل والعيد مشكلته إن الكل مشغول بنفسه

أنا أتوقع الي فاز الي أنت حكمت ضده

[فانتازيا إعلامي]

اقتباس:  المشاركة الأصلية كتبت بواسطة امرؤ القيس     مرحبا فنتاز ...وكل عام وإنت بخير ... الفراغ يولد الجلطة موبس الكسل والعيد مشكلته إن الكل مشغول بنفسه أنا أتوقع الي فاز الي أنت حكمت ضده

بو عدي

اكيد كثر الكسل يولد التبطح وخبرك التبطح يجيب الجلطات ..
ذكرتني بالحكم اللي وده يفوز فريق بس الفريق ما حط في باله يفوز ..

[عزف الحقيقة]

حياك فانتا


العيد فراغ وملل ونقول طارت الاجازة


بسرعه !!! نجي للمباراة ليتك حاطن حكم رابع !


احس ان فريق قتاله يقولون لفريق


ابو عرادة كسرونا عشان نظهر مواهبنا


بتفادي خشونتكم !


طيب يافانتا يوم قضت المباراة ماتواعدو


بمباراة ثانيه ع طول ؟!

[فانتازيا إعلامي]

اقتباس:  المشاركة الأصلية كتبت بواسطة عزف الحقيقة     حياك فانتا العيد فراغ وملل ونقول طارت الاجازة بسرعه !!! نجي للمباراة ليتك حاطن حكم رابع ! احس ان فريق قتاله يقولون لفريق ابو عرادة كسرونا عشان نظهر مواهبنا بتفادي خشونتكم ! طيب يافانتا يوم قضت المباراة ماتواعدو بمباراة ثانيه ع طول ؟!

هلا بعزف

والله انك صادق نمل من العيد وما نبي العيد يخلص ....
ههه
حلووووه كسرونا وقوية ! ومراح اعلق عليها ....

ههه
واحد يلاحقني وسط المباراة يقول تراك بتحكم المباراة القادمة !
وهي ما بعد خلصت ولا بعد تواعدوا ..

[To Be]

اذا لم يكون للإجازة تخطيط مسبق فهذا يعني انها ستكون فراغ !!
واذا تعلم انك في فراغ و لم تخطط للفراغ فاعلم انك ستعيش ذلك الفراغ ، فلا تحرم نفسك الاستمتاع فيه



بخصوص المباراة :


اعتقد ستنتهي بالتعادل !!

هذا اذا انتهت

[فانتازيا إعلامي]

اقتباس:  المشاركة الأصلية كتبت بواسطة to be     اذا لم يكون للإجازة تخطيط مسبق فهذا يعني انها ستكون فراغ !! واذا تعلم انك في فراغ و لم تخطط للفراغ فاعلم انك ستعيش ذلك الفراغ ، فلا تحرم نفسك الاستمتاع فيه بخصوص المباراة : اعتقد ستنتهي بالتعادل !! هذا اذا انتهت

هلا توبي

والله انك صادق ...
هههههههههه

يعني سراب كل ما قلت وصلت وانتهيت أثرك ما بعد بديت ..

[ساهرر]

ماشاء الله عليك


اللي مايبي الفراغ يروح يداوم هههه


من الواضح ان فريق ابو عرادة اللي فاز لان فريق قتاله مردان . (يعني شنبات فريق ابو عرادة يلفونهم )


اما من ملت معه واضح بدون توضيح للاسباب التالية .

1-

2-

3-

هههههه


ايه كل عام وانت طيب

[فانتازيا إعلامي]

اقتباس:  المشاركة الأصلية كتبت بواسطة ساهرر     ماشاء الله عليك اللي مايبي الفراغ يروح يداوم هههه من الواضح ان فريق ابو عرادة اللي فاز لان فريق قتاله مردان . (يعني شنبات فريق ابو عرادة يلفونهم ) اما من ملت معه واضح بدون توضيح للاسباب التالية . 1- 2- 3- هههههه ايه كل عام وانت طيب

يا مرحبا ساهرر
الدوام فراغ بارتباط ..

ههههههههههههههههههههه
مردان شعر مو مردان عقل !!
وفريق ابو عراده يحبون الرز ! ممكن يكونون ثقالين .!.

1_ صح عليك
2_ طبعا اكيد
3_ خبرك القلوب خضر ..

وانت بخير وصحة وسلامة ....

[احمد النجم]

عيد الاضحى ايامه ممتعه بعكس عيد الفطر الذي يقترن غالباً بالرتبه والملل

بالنسبه للمباراه المستوحاه من خيال الفنتازي الجميل.. ذكرني بمباراه حقيقيه
كانت شد وجذب وتعقبها مضاربات خارج الميدان
وهي بين التعاون والجبلين !!
ابوعراده يمثل التعاون
وقتاله تمثل الجبلين

كان ابناء الهبدان (الله يذكرهم بالخير) وعجاج .من جانب التعاون
ودرعان الدرعان الحائلي الفدائي و(مسلط)الشمري رحمه الله
تحدث بينهم معارك طاحنه لكن لم يصل الدم للركب !!

أرشح عزف الحقيقه يكون مراقب اداري للمباره وفانتازيا مراقب فني..
وتقاام المباراه بأرض الفــــهـــ@ــــد ...
فانتازيا : تحيه العيد(الكبير) لك

[" TWIX "]

اقتباس:  المشاركة الأصلية كتبت بواسطة احمد النجم     عيد الاضحى ايامه ممتعه بعكس عيد الفطر الذي يقترن غالباً بالرتبه والملل بالنسبه للمباراه المستوحاه من خيال الفنتازي الجميل.. ذكرني بمباراه حقيقيه كانت شد وجذب وتعقبها مضاربات خارج الميدان وهي بين التعاون والجبلين !! ابوعراده يمثل التعاون وقتاله تمثل الجبلين كان ابناء الهبدان (الله يذكرهم بالخير) وعجاج .من جانب التعاون ودرعان الدرعان الحائلي الفدائي و(مسلط)الشمري رحمه الله تحدث بينهم معارك طاحنه لكن لم يصل الدم للركب !! أرشح عزف الحقيقه يكون مراقب اداري للمباره وفانتازيا مراقب فني.. وتقاام المباراه بأرض الفــــهـــ@ــــد ... فانتازيا : تحيه العيد(الكبير) لك

سجل واحد شايب وصلّحــه
أحمد توقعت إن الشعر على غرتك من البراءة والتشبب وأثاريك ممن بلّط شارع الخبيب ...!!
أجل أخوياك أبو حطبة والنقش والهندي وعجاج ..
أحمد .. حاول تقطعها معي لأن أخوتي يقولون لا تماشي اللي أكبر منك ..
شكلك أنت اللي تجمع الحصى لهم وتضف نعالهم بعد الهوشة ..
بالمنتدى هذا لازم نحط قروب للطعشات مثلي
قتالة وش عندها ذي
هذي قلتها قبل وأقولها ألحين بالعة عربجي وخلف ذرية والآن بصدد تكوين قبيلة
لكن يدور له فخذ .. راح لأقرب ثلاجة يبي فخوذ قالوا اليوم عيد ومعطين الدجاج للي عندنا اجازة بمناسبة العيد والذبح والصلخ
لكن تعال بعد العيد ندور لك فخذ تايواني