وش أنت يا de Gaulle عند TWIX ...؟!!!!

[" TWIX "]

كان ديجول رئيس فرنسا خاق على المتنبي ومن الخقق والتشقق عليه طلب من قواده وزبانيته..
أن يضعوا بيت المتنبي على الدبابة :
ولم ار في عيوب الناس عيبا ... كنقص القادرين على التام
بصراحة بيت متعوب عليه .. ما يقولها إلا واحد لاعط لين عض الأرض .. لكن ادخل على الله
المتنبي ولد حمايل ولا يسويها ..
وش أنت يا ديجول .. ومن تكون عندي .. تقول .. ولا أقول .. وتأمر .. ولا آمر
أبعدوا عن :
أيها الأزواج .. أيها المتأهلون .. أيها الرومانسيون الصحراويون .. اسمعوا .. وأعوا :
إنني أعلنها بصريح العبارة ..
اكتبوا هذه الحكمة في جدران البيوت .. وعند برادات المياه .. وعند السرائر .. اكرر : عند السرائر..
وفي مرآة الكومادينة ..كل متر ضعوا لهذه الحكمة بصمة .. وخلوها خلفية في جوالاتكم .. وعلقوها في مرآة سيارتكم ..
حتى في تواقيعكم في المنتديات .. لا تتركوا زنقة .. ولا أزقة إلا وضعتموها إليكم هذه الحكمة :
( .. لا تتخذ قرار وانت غــاضب , وّ لا تعطي وعداً وانت سعيد ..)
يالها من حكمة ..
خلونا من الغضب .. عارفين إنه كالذي لاعط له جركل عرق معتق من أقرب بنقالي ابن كلب ..
أما الوعد ...!!
من اللي قالك بلّش نفسك ..؟!!
كم وعود .. ووعود .. انطلقت من االسرير وعندما أصبح الصباح بدا يلوم نفسه .. وشلون توهقت وورطت نفسي ..!!
انتبهوا .. لا يمكنكم إسترجاع الكلمات بعد نطقها يعني لاتطيحون أنفسكم بكلمة أو وعد ثم تبلشوا طول أعماركم , الا أوزنوا كلامكم ولا تنكبوا أعماركم ..!!
أيها المتورطون .. أنا مالي دخل ..اطلع منها ..

[بسومة بريده]

عودا حميدا اخوي تويكس..

اقتباس: ( .. لا تتخذ قرار وانت غــاضب , وّ لا تعطي وعداً وانت سعيد ..)

والله من مرة ومرة وهقننا الحالتين...


كلش ولا وعود عرقوب...

[" TWIX "]

اقتباس:  المشاركة الأصلية كتبت بواسطة بسومة بريده     والله من مرة ومرة وهقننا الحالتين... كلش ولا وعود عرقوب...

أكثر ما يتوهق الرجاجيل وخاصة فوق الساعة 12 ليلا لأن مشاعره رايحات وطي
فهو في هذه الحالة يمر بحالة هلوسة مرفوع عنه القلم لكن المرأة لا تعرف لا قلم ولا مسطرة
فهي كالمحقق تنتظر أي كلمة تزل من لسان ذلك المسكين في الظروف الحرجة التي يمر بها ..
ثم بكرا من صبح الله خير وراها من سوق لسوق ومن شمال بريدة لجنوبها والسبب كلمة لم يلقي لها بالا ..

[قـتـالـه]

وخذنآ
جا تويكس .. يطرون انك صرت تاجر
والخمسه عندك مثل الميتين وسبعين عندي



ياخي احسك تغول الكلمه وتجدعه بصرار
واللي يقرالك يبلش بفتح الاصره
عاد كلن وفتحوه ولكل شيخ طريقتوه

كل عمري وانا اشبه حرف الذال بالكيبورد متشطره
الا ان اصبع الشر تدلن تسد دينت شيخ كبير
ايام الاسهم الله لايعيدهن
يوم ضمن اني بعطيه ويتراشقن سعابيلوه من التهالي
والوعايد الخضرآ وشفت حروفك ياتويكس
ولاشفتهن ياعل الشايب للقبر :|


والوعد الثاني هذاي احتريه
ان تم لي ماوعدوني فيه والله ماعن توصلك هديتك
وانت بمحلك بس انت ادعيلي

[" TWIX "]

اقتباس:  المشاركة الأصلية كتبت بواسطة قـتـالـه     وخذنآ جا تويكس .. يطرون انك صرت تاجر والخمسه عندك مثل الميتين وسبعين عندي

الحمد لله ألحين جالس أفضي أكياس رز أبو كأس وأرص أمهات خمسمية فيهن ..
شلت الشنب والسكسوكة والثوب متر يسحب وراي ومن الساعة 11 لـ الساعة 3 في صالة أسهم سامبا
وكل قروشي راشهن في التأمينات والبنك الفرنسي وسامبا ( يعني إبليس مريح معي للآخر )
حتى أنه لا شافن وأنا رايح للبنك صد وقال لي وش هالشبهة

اقتباس: والوعد الثاني هذاي احتريه ان تم لي ماوعدوني فيه والله ماعن توصلك هديتك وانت بمحلك بس انت ادعيلي

الفكة من الفقارا غنيمة أنا ما أبي هداياك أهم شيء لا تجين في آخر الشهر تتسلفين مني

ترى هذه عوايدكم يالمنتفين

[امرؤ القيس]

رجعتك وسعت صدور الولايا والقواعد !!!

ناسمعت بالي يقول كل واحد حر بلغاليغه موضوعك كذا !!

[ابو عراده]

اقتباس:  المشاركة الأصلية كتبت بواسطة امرؤ القيس     رجعتك وسعت صدور الولايا والقواعد !!! !!

ههههه من ناحية القواعد فرحات فهذا مايبي له كلام .
تصدق احب القواعد من الحريم وخصوصا اللي مرفوع عنها الحجاب ياهي توسع الصدر وراعية سويليفات وخبرررررره بكل شيء

[To Be]

كل عام وانت بخير تويكس

شف الوعود طالعه طالعه ولاحقه ما سلف منها
لكن :

ليه ما يكون التحذير للطرف الأخر بأن لا يأخذ بالوعود في مثل هذه الظروف ؟

الله يستر لا اصير من القواعد

[" TWIX "]

اقتباس:  المشاركة الأصلية كتبت بواسطة To Be     ليه ما يكون التحذير للطرف الأخر بأن لا يأخذ بالوعود في مثل هذه الظروف ؟

أنت ما سمعت اللي يقول :
اللي تكسب به ألعب به ..
والدنيا فرص .. والحرمة مثل ماجد قدام الرمى فرصته ما تضيع


وأنت بخير يا بعدي

[" TWIX "]

اقتباس:  المشاركة الأصلية كتبت بواسطة ابو عراده     ههههه من ناحية القواعد فرحات فهذا مايبي له كلام .

بسألك يا بعدي ..
ومن يجعل الغراب له دليلا .. يمر به على جيف الكلاب
من قائل هذا البيت ...؟!!!

[ابو عراده]

اقتباس:  المشاركة الأصلية كتبت بواسطة " twix "     بسألك يا بعدي .. ومن يجعل الغراب له دليلا .. يمر به على جيف الكلاب من قائل هذا البيت ...؟!!!

هو نفس قائل هذا البيت :

إذا نطق السفيه فلا تجبه...... فخير من إجابته السكوت .

[" TWIX "]

اقتباس:  المشاركة الأصلية كتبت بواسطة ابو عراده     هو نفس قائل هذا البيت : إذا نطق السفيه فلا تجبه...... فخير من إجابته السكوت .

أنت مثل اللي يقول الاجابة ص 56 ..
أبو عراده ..
ترى الدرعمة على عماها ما كل يمدحها .. لأنك تأجر عقلك للآخرين
فاحترم تُحترم ...!!
فأنا لا أتكلم عن نفسي أبدا .. فأنت بردك أخطأت بحق آخرين مروا في المتصفح وعلقوا .

["غرك غلاك"]

اقتباس:  المشاركة الأصلية كتبت بواسطة " TWIX "     بسألك يا بعدي .. ومن يجعل الغراب له دليلا .. يمر به على جيف الكلاب من قائل هذا البيت ...؟!!!

اسمح لي أغششه ياتويكس
أتوقع القائل شاعر جاهلي
بس ما أدري من هو بالضبط..

[" TWIX "]

اقتباس:  المشاركة الأصلية كتبت بواسطة "غرك غلاك"     اسمح لي أغششه ياتويكس أتوقع القائل شاعر جاهلي بس ما أدري من هو بالضبط..

سمعت إنه من شعراء المهجر

[" TWIX "]

اقتباس:  المشاركة الأصلية كتبت بواسطة امرؤ القيس     رجعتك وسعت صدور الولايا والقواعد !!! ناسمعت بالي يقول كل واحد حر بلغاليغه موضوعك كذا !!

نعم كلن حر بلغاليغة .. لكن موضوعي نصحية مجانية لمن وطأت قدمه السرير ليلا
بأن لا يتفوه بكلمة ليلا يروح ضحيتها طيلة النهار فنحن عاطفيين مرررررة نجي جميع ...!!
واحد أعرفه تمام المعرفة كلمة سريرة ذهب بزوجته إلى شرق آسيا (ماليزيا ) يعني طمر صحاري وبحار وجبال ودول بأكلمها بسبب نزغة سريرية ..
أحمد ربك نزغك يا امرؤ القيس إن أبعدت ما من بعايد ورا نفد خب روضان ..
المشكلة بغيرك ..