| الله نشد ياحمود عن معرفة يوم |

[دِيم]

وحنا ثمان سنين ياحمود جيران *

،

مختصر قصّة البيت : رجل يعيش بين ظهراني قوم , لايعرفون منه سوى أنّه راعي .. حتى جاء يومُ وغى .. واكتشفوا بأّنه ( شيخ قوم ) .. : )

مَاعلينا .. :
يصير تعيش مع إنسان أياً كان :
صديق , حبيب , زميل ..
ولا يعرف عنك سوى ماتريده أن يعرف ..؟
وليه النّسوان مايرتاحون لين يبحبشون من وراك لين يعرفون كل شي عنّك المسموح واللي مو مسموح ..



* ملاحظة : ماحب النسوان والله هه

[قـتـالـه]

انتي انا ؟

[دِيم]

^^ على مسؤوليتي .. *_*

[المنغره]

-



المضحك أن من تسأل عن آخبار الناس وخصوصياتهم

تتضايق عندما تُسأل عن احوالها..!
~

[ألمــاس]

اقتباس:  المشاركة الأصلية كتبت بواسطة المنغره     - المضحك أن من تسأل عن آخبار الناس وخصوصياتهم تتضايق عندما تُسأل عن احوالها..! ~

لاوفيه حركه بعد
تقولك الاخباار الشينه
اما طلعاتهم وسفراتهم تحجـد
صدق مسكينه انتي يامريم عيل اذا تزوجتي ماراح تعلمين احد!!!!!

[دِيم]

المنغرّة ..
ملاحظة هيك ..
اللي هيضني .. موقف غريب ..
كنت بانتظار المشفى .. ورحت الإستراحة ع بال مايجي دوري ..
إلا وفيه وحدة بجنبي .. تسألني أنتِ من آلفلان ..؟
قلت إيه ..
وثم جتني كرات مطاطية من الأسئلة ههه ..
وش سوى فلان وعلان وأبوتس وإلخ إلخ ...
أوك ممكن أتقبّل لو كانت تسأل بشكل عادي .. لكن مبين تسأل شفاية هه ..
لمّا أخذني أخوي .. سألته ليه تأخرت ..؟
قال وصلت لي واحد ..
مايدري منهو .. ولا يدري من وين .. ولا وين رايح .. يادوبك وصّله للمكان اللي يبي وعطاه المقسوم ..
فـ تعجّبت .. من موت هالشفاية عندهم ..
وبس *_*
ودّي يصير فيني هالنَفَس تبع الأسئلة ..

[قـتـالـه]

والله ونبشتي اللي باللواعج وقعدت على موضوعك وانا حالفه اليوم
ارتب غرفتي واطلع هدومي من الشنطه للدوام :|
ديم ياعين امي
لمآ اعطي شخص عجبني فكره وطريقته معلومات أوليه عني
وأخبي معطياتي الحقيقيه
ابيه يتعامل مع روحي وطريقة تفكيري وبس
بغض النظر ابوي من .. ساكنه وين .. نوع تعليمي ووظيفتي ووين واصله
يتجربعني لين يكتشفها
وبعدها اكون بعينه تسذوب
كنت ابيه يشيل من راسه شي مادي ماتعبت عليه انا
ويركز على ذاتي اللي بنيتها وطلعت روحي لين صرت قتاله
عقب أصير بعينه كذوب نهوب ومحتاله

[دِيم]

كفو قتّالة .. والله إنّك بدوية صدق هه ..
روحك ماشية على السلوم وأنتِ ماتدرين ..
هو الخوي الغريب عموماً مايسأل عن حاله ولا من وين جاي ..
لين تبان ميّته ثم يحكمون عليه ..
ذكرتيني بالخلاوي يوم نزل عند مطران .. هو ومرته .. وهذيك الليلة عندهم عشا
وشافوهم ولا عزموهم يحسبونهم ( ... )
لمّا جا هذاك النهار أودب لهم .. وعزمهم عن بكرة أبيهم ..
وأنشد بيته المعروف .. : أنا خلاوي خلا ماني خلاوي قبيلة ..
حكموا على هيئته ومعطياته اللي ماتتعدى عن دابة وحرمة ..

ماعلينا .. :
محصّلة من يحكم عليك بروحك فقط = صفر ..

[تركـي]

سؤال شاطح ...

ليه ديم ..
تهتم بالأدب الشمالي من الشام ولبنان من شعراء وإدباء وغيرهم ..
وحتى رحبانيات فيروز ..
وش السر .. ؟؟

اللحين تقول هذا مثال لموضوعي هو وسؤاله ..

[دِيم]

^^ ما أهتم لهم لكن .. طفولتي كانت تصحى وتنام على عوِدة لبنان هه ..
أمّا عن الشعر القديم بقصصه وصدقه تقريباً حافظته ..


+ وأحب التوانسة بعد .. *_*
لكن سؤالي مو على أسئلة من هالنوع ..
شكل الرجالة مايعانون من هالنقطة *_*

[ابو عراده]

الحين هالبيت ذا لنمر بن عدوان او زي مايقولوا سرقها بني خيكم من النمر ونسبها لنفسه .
الله يرحمك يانمر ياملك الحب والوفاء .

[الرحـّـال]

اقتباس:  المشاركة الأصلية كتبت بواسطة ابو عراده     الحين هالبيت ذا لنمر بن عدوان او زي مايقولوا سرقها بني خيكم من النمر ونسبها لنفسه . الله يرحمك يانمر ياملك الحب والوفاء .

حبيبي

هذي تُسمى (الشيخة) وليست لأبن حثلين على حد علمي

الله نشد ياحمود عن معرفة يوم .... وحنا ثمان سنين ياحمود جيران
ياحمود يظهر لك صديق من القوم.... ويظهر من الربع الموالين عدوان

.... الخ القصيدة

[دِيم]

:/

لا لا البيت لولد عمّي الأحمدي ... *_*

تف من بؤّك ..

[زحـل]

استتروا

يعجبني الإنسان اللي واثق من نفسه ويفتخر بخصوصياته ( لما يسأله أحد يصيرله قريب صديق حبيب ).

كثير أخذني الوقت في هذا المتصفح
حمدت وشكرت ربي كثير ... امور كثيرة كنت اشوفها لي مآسي
لكن مع الوقت اتضح أنها نعمة من ربي .. فلك الحمد والشكر يارب يوم شلتني من حثاله

[دِيم]

اقتباس:  المشاركة الأصلية كتبت بواسطة زحـل     استتروا يعجبني الإنسان اللي واثق من نفسه ويفتخر بخصوصياته ( لما يسأله أحد يصيرله قريب صديق حبيب ). كثير أخذني الوقت في هذا المتصفح حمدت وشكرت ربي كثير ... امور كثيرة كنت اشوفها لي مآسي لكن مع الوقت اتضح أنها نعمة من ربي .. فلك الحمد والشكر يارب يوم شلتني من حثاله

تتذكري لما كنا صغار .. وكنا نقول أسرار لبعض ..؟
وإذا زعلنا من بعض .. قال واحدنا للثاني .. :
أعلم ..؟ أعلم ...؟

كثير ناس كبار وعاقلين يتعاملوا مع الخصوصيات بهالطريقة ...
+ يمكن مايكونوا حثالة يا زحل ..
لكنّ عندهم سوء تصرّف تجاه خصوصيات العالم ..
يعتبرونهن شيء عادي ..
عرفتِ ..؟