تف .. تف .. باسم الله علي ...!!

[" TWIX "]

,,
,

أعوذ بكلمات الله التامة من كل شيطان وهامة ..
ومن كل عين لامة ..
أحبابي .. مدري وش فيني بالضبط .. شكلي مخطوف من بينكم ..
جان شيء مدري وشو .. شيء يجيني يخليني ما أطيق منتداكم وكل
ما فتحته يجيني تكاك وغلقة مدري من وين ثم أعطيه كنسل..
أفتح رد أو موضوع جديد .. ثم .. أنكتم ..ثم شفت ودليييييت ..
ما خليت أحد ..
رحت لمركز الشامل للحاسب وخليت عاملهم البنقالي عبدالقيوم يقرأ علي وعطان شطة مقري فيها ..
وأنا أبي جلوي وأبو نورة يقرون بشوية موية ويمررونها على كل كم عضو مثل (سني متبع .. ساكتون
عاشق الخير ..نسرين .. أبو عرادة .. ) أما السرابيت لا ..
لعل هالعين تروح وتغادرني ..
وإلا العزوف عن المنتديات ظاهرة بسبب تويتر وطقته ـ ماهو مرض لأني أجر صيدلية وراي أرحمون ..؟!!

[وَ مَـآذَآ بَعْدّ ♛]

هههههههههههههههههههههههههههههه



طيب جبت لك موية زمزم وعلى كل واحد من الاعظاء والعظوات ينفث ثلاث نفثات ولا يبالغ عساس ما تصير الدعوى محاويق

اللي حاس بدوخه والا غثيان والا تكاك يجغم ثلاث جغمات بسسس علشان يبد على الكل

والله يسهل على الجميع وماشاءالله تبارك الله تف تف تف عليك ، هاا حسيت براحه !!

اجل مب انا اللي ناحتتك

[نــف نــف]

المويه الي بيعطيك منه جلوي ، عطني منهآ : )
*عجبني عنوآن آلموضوع لآنه مشآبه لِ أسمي

[ابو عراده]

تويكس .. أنت مثل التمره ماتلحس ابد خخخخخخخ
تف تف بسم الله الشافي تف تف بسم الله الكافي .
شفن بسم الله علي من عام الفين وسته الى هالحين وانا مسنتر كل يوم هنيا ولاهمن لاطويطر ولا التيس بوك ولاغيره .
انا اشك ان جلوي حاطن صرار بهالمنتدى وشكله جاين رشق منه .
تصدق وانا مسافر لخارج المملكه احيانا تجين حتسه وتكاك لازم اويتز على منتدى بريده وهمن اذا دخلت للمجلس راح التكاك .

[" TWIX "]

اقتباس:  المشاركة الأصلية كتبت بواسطة ابو عراده     تصدق وانا مسافر لخارج المملكه احيانا تجين حتسه وتكاك لازم اويتز على منتدى بريده وهمن اذا دخلت للمجلس راح التكاك .

شكل التكاك اللي برا مغشوشن به ..
التكاك هذا ماركة مسجلة للي يطلعون برا بسبب النسب اللي بآخر القوطي .. أنتبه قبل تشرب تراك هناك مثل اللي يمشي فوق هصير
ما تدري متى تزل رجلك .. ما تدري متى تبدا تفلّت ..

[" TWIX "]

اقتباس:  المشاركة الأصلية كتبت بواسطة نــف نــف     المويه الي بيعطيك منه جلوي ، عطني منهآ : ) *عجبني عنوآن آلموضوع لآنه مشآبه لِ أسمي

يالله يكفـّي .. تبين جغمة ..

[" TWIX "]

اقتباس:  المشاركة الأصلية كتبت بواسطة وَ مَـآذَآ بَعْدّ     هههههههههههههههههههههههههههههه طيب جبت لك موية زمزم وعلى كل واحد من الاعظاء والعظوات ينفث ثلاث نفثات ولا يبالغ عساس ما تصير الدعوى محاويق اللي حاس بدوخه والا غثيان والا تكاك يجغم ثلاث جغمات بسسس علشان يبد على الكل والله يسهل على الجميع وماشاءالله تبارك الله تف تف تف عليك ، هاا حسيت براحه !! اجل مب انا اللي ناحتتك

الله يجزاتس خير ويعدعنتس ..
وين اللي يقول أنقطع الخير بين الناس شوفوا هالبنت جايبة جراكل ..
لا يصيرين بس من الهيئة مخلفات مصنع خمر ..
لحظة ..
خلين أبرّق بهن زين .. الشوف شجر ..
وخروا .. باسم الله

[liilas]

-

علمك بالشر وانا اختك
الحمدلله المنتدى بداله منتدى << على وزن الحديد بداله حديد

قسم بالله احيانا اقول الله يعطيني بغض النت كله
ياللي ناظل تويكس عن المنتدى تعال انظلني عن النت كله

[" TWIX "]

-

اقتباس: علمك بالشر وانا اختك الحمدلله المنتدى بداله منتدى << على وزن الحديد بداله حديد قسم بالله احيانا اقول الله يعطيني بغض النت كله ياللي ناظل تويكس عن المنتدى تعال انظلني عن النت كله

liilas..
وش فيكم علي .. أنا أبيكم وأبي قربكم .. وأنتم بتهجون ..!!
رحت لـ كم منتدى .. لكن ما لقيت امرؤ القيس هناك ..
خلاص ..
بعطيك جهازي وآخذ جهازك .. يمكن العين متشبثه فيه
لأني أفتحه عن طريق جوالي يفتح والوضع فري ..
لحظة ..
لا يصير جهازك لونه موف وإلا وردي .. ما أحب استخنث تالي عمري ..

[liilas]

--

اقتباس: بعطيك جهازي وآخذ جهازك .. يمكن العين متشبثه فيه لأني أفتحه عن طريق جوالي يفتح والوضع فري .. لحظة .. لا يصير جهازك لونه موف وإلا وردي .. ما أحب استخنث تالي عمري ..

مو مشكلة اعطيك جهازي واخذ جهازك
وعععع خلصت الالوان اشتري موف
جهازي لونه ازرق بأبيض

[" TWIX "]

اقتباس: جهازي لونه ازرق بأبيض

liilas..
يعني أفهم إن لونه لون الزعيم المدلل .. لا ما أبيه الفكة من جحه غنيمة ...!!!
تدرين خلين من مطوع لـ مطوع ..

[شاعر الاماكن]

افتح صدرك خل انفخ عليك
بالنسبه لمواقع التواصل الاجتماعي انا اعتبرها طفره والناس تحب تغير كثير وراح يغيرون ولكن يبقى الاساس المنتديات وبيرجعون لها لانهم ماتركوها ..
تويتر والفيس بوك ومواقع كثيره مشكلتها مفتوحه ومافيها رقابه وتقدر تحط اي جمله وسخه وقذره وتلاقيها موجوده عكس المنتديات المحترمه اللي لها سياسه واضحه واداره ومراقبين ومشرفين يسهرون لراحة الاعضاء ..

مجرد اكتشاف هالاشياء القذره والمكان الواسع لنشر الرذيله ترجع من ابتعد وترك المنتدى ..

مشكلتنا الركض والجري خلف اي شي جديد فقط للركض مو لهدف واضح ..

يعطيك العافيه تويكس وترى ارسلت لك ع الخاص فكس مقري فيه دهن وماتشوف شر

[" TWIX "]

اقتباس:  المشاركة الأصلية كتبت بواسطة شاعر الاماكن     تويتر والفيس بوك ومواقع كثيره مشكلتها مفتوحه ومافيها رقابه وتقدر تحط اي جمله وسخه وقذره وتلاقيها موجوده عكس المنتديات المحترمه اللي لها سياسه واضحه واداره ومراقبين ومشرفين يسهرون لراحة الاعضاء .. مجرد اكتشاف هالاشياء القذره والمكان الواسع لنشر الرذيله ترجع من ابتعد وترك المنتدى ..

المشكلة أن سياسة المشرفين لم تتغير وهم يرون الأعضاء يتطايرون يوم بعد يوم
عمر بن الخطاب .. في سنة الرمادة وقف حد السرقة تماشيا مع الظروف المحيطة به
وهم مازالوا ماسكين الساطور بيد والكلبشة بأخرى .. هذا مبتور وذاك مكبل ...!!
هنا ..
تعرف أن الإشراف فن .. وليس كل من دخل أي مجال يصبح فنان
ببساطة .. عاطفيا .. بدر عبدالمحسن تقارنه بـ تركي المريخي ...!!!

أبشرك وصل الفكس ودحجت صدري دحج ..

[shahd2007]

اللي ناحتك عن المنتدى يجي ينحتن 😂

اشوووه قاروره الماء خلون اقراء لتويكس

وباتسر تلاقونه منزل موضوع بقسم الفروسيه من زود الحماس 😜

[" TWIX "]

اقتباس:  المشاركة الأصلية كتبت بواسطة shahd2007     اللي ناحتك عن المنتدى يجي ينحتن 😂 اشوووه قاروره الماء خلون اقراء لتويكس وباتسر تلاقونه منزل موضوع بقسم الفروسيه من زود الحماس 😜

اليوم العصر بروح للشماسية أعرف شايب هناك أول بأول..
بروح فيه للمطل ووجه للرس وخليه يخزك بعينه ..
لا أخليك لا مسكتي اللاب توب يجيك هشهاش ..