من وين اخذ التوصيات؟

[مقبل المقبل]

السلام عليكم ..........


انا هامور صغير .... (والله مصدق نفسي بعد كلها ثلاثين الف وتخب بعد ... لا وابشركم

سلف بعد؟ )

المهم... اسمع كثيرا عن التوصيات ...هل هي من مواقع الكترونية او من اشخاص معينين

او دراسة معينه ....


وثانيا بالنسبه لاوامر البيع انا بعد مافتحت حساب بالامريكي تداول ادخلت امر شراء باللجين

وحطيت امر كلي وحطيت سعر البيع 414 وهو حاليا 409 وحولت من حسابي عشرة الالاف فقط

لان التحويل مارضى الا بعشره بس المهم اني شريت 23 سهم بالعشره كلهن

هل هذا الفعل صحيح ؟




وجزاكم الله خير

[رمش الليل]

بالنسبه لتوصيات خش على قوقل واكتب توصيات للمضاربين بالاسهم ههههههه

وبعدين خطاء العمليه اللي سويتها مع اللجين وش تسوي بربح 125 ماتسوى شي يابني اذا بتسوي شي

تابع الاسهم باستمرار وين كانت قبل وين كانت بعد تابع صعود ونزول الاسهم قوتها وضعفها مثل الامور هذي لازم تكون عندك خلفيه كامله

شكلي ماعندي سالفه ههههههه بس المنطق يقول هيك

[مقبل المقبل]

هلا رمش الليل بس يقولون مد رجلك على قد الحافك

وهذي اول تجربه بل يمكن اول امر بحياتي واتمنى مايكون الاخير (ههههههههه)

بس اللي ودي اعرفه موقع مناسب للتوصيات وكيفية الثقة بالتوصيات (والله اني طماع بعد ابي

كل شي جاهز مجهز بس وش نسوي هيك الحياة )

[رمش الليل]

انت توك الحين خلك متابع واقراء كتب الاسهم والمؤشرات والنقاط وما الى ذالك على بالي ههههههه

وبعدين موقع ( تدوال ) يصلح لك وكل شي تبيه اذهب للمحرك قوقل وحط اللي تبي وبتلقى وش رأيك هههه

[ميمون77]

هنا بعض الكتب والبرامج .. يمكن يفيدك

http://www.sfhty.com/?tid=42603


تحياتي

[ميمون77]

وهذا يمكن يفيدك مع اني ما جربته

http://www.mstaml.com/section/item.php?I=159676

[مقبل المقبل]

ايه ياميمو انت اللي تفتح النفس وتعطي الواحد دفعة معنويه مو مثل بعض

الناس ( رمش الليل تحبط الواحد هههههههه )


جزاك ربي خيرا ميمو

[ميمون77]

شكرا لك ..
وبالتوفيق ..

هذا واحد مجاني وجيد ، راقبته فترة طويلة :
www.3sfor.com/join.htm


تحياتي

[mam999]

هلا باخوى الهامور الصغير

شوف ياخوى

هناك منتديات كثيرة توصي وتطبل لكن خذ الحذر منها
واذا بغيت منتديات على سبيل الاطلاع ممكن اراسلك على الخاص
ىن هنا وحسب علمى يمنع نشر روابط اخرى
مرحبا بك مرة اخرى والله يوفقك

[الشملي]

اللهم ارزقنا الحلال وابعدنا عن الحرام

[خالد7]

[align=center]قبل ذلك لا أنسى أن تأخذ بالردود السابقة ومن المنتديات .
منتديات المساهم
منتديات تداول
توصيات الأسهم السعودية
منتديات هوامير البورصة
و إن نسيت فلا أنسى أن تبحث عن الثقات والذين لهم خبرة في السوق ولا تنجر خلف كل توصية فهناك من المضاربين من يتابعون التوصيات ومنهم من يخالف التوصيات ومنهم من يطبل لأسهمه فاحذر[/align]

[خالد ,,,,,,,بريده]

اخووووي مقبل وفقك الله
با النسبه للمنتديات والتوصيات فكما ذكر بعض الاخوان يجب عليك الحذر منها
ويجب مراقبتها جيدا وسوف اختصر عليك ذلك وارسل لك افضل المنتديات والكتاب
على الخااص عموما بما انك تقول انه اول امر يعني ذلك انك متداول جديد لذلك
ركزعلى ماااايلي 1- الرزق الحلااااااال
2 - الصبر
3 - عدم الطمع
الله يوفقنا واياك وكل مسلم