تحرير المرأة من ((الفضلة))

[خالد الحربي]

البارح كنت معزوم عند واحد من الشخصيات الكبيرة في أحدى الشركات الكبرى في رأس تنورة

المهم هالشخص حلف وأصر إلا أنه يعشينا .. قلت خلاص يا أبن الحلال ماعندي مانع بس (( وش تبي تذبح لنا )) أمزح

جيناه في بيته واكرم ضيافتنا .. وما قصر معنا .. لقيناه ماطخ هاك الخروف على هاك الصحن (( بالله اجل على كرتون هه )) ..

المهم انا من النوع الأكول (( اللهم لا حسد .. )) .. (( خمسة وخميسة بعين الأعداء )).. وطبعا (( دب )) مع سبق الأصرار والترصد

طبعا مانيب دب دب .. لا دبيبيب صغير

وأنسى نفسي عند الاكل .. ما أشعر بوجودي أو وجود احد حولي .. وقتها يصيبني العمى ، ولا أشوف إلا صورة الخروف والرز.. ويبصيبني الخرس لأني فاتح المغارة أستعدادا لقصف بطني (( باللقمات )) وتجلس تدحرج إلى قاع البطن وتعطي دوي هائل مروع ((كأنها صواريخ إسرائيلية على الضاحية الجنوبية )) ..

وخشمي يتسكر لأني ما أقدر أتنفس من الأكل .. أخاف واحدن من الملاقيف اللي على الصحن ياخذ له لحمة حاطها في بالي

والعرق ما غير يتصبصب من حرارة لقائي في معشوقتي (( الذبيحة )) .. وطبعا معشوقتي اخونها مع (( الرز )) ..

المهم .. انا مثل ما قلت لكم كنت غائب عن وجودي بالعزيمة لأني مشغول (( مع حبيبة القلب والبطن )) .. إلا واللي عندي يجرني مع يدي يقولي خلصنا ترانا قم خلاص لا تفضحنا ..

وانا أقوله وخر ياشين .. ياهادم اللذات ومفرق الاحباب والخلان.. يا عديم الأنسانية والرحمة .. يا متحجر القلب والفؤاد .. يا معدوم الضمير والأخلاق .. يا أخرق يا اهبل يا اجوف .. ثكلتك أمك .. وبكتك أختك ..ولطمك أباك .. ولعنك أخاك .. وضربك جداك ..أتفرق بيني وبين معشوقتي بعد طول لقاء وجفاء .. بعد أنتظار دام لاكثر من أسبوع .. اما تنظر لمعشوقتي وهي تومئ لي بعينيها الناعستين الغائرتين .. كم هي جميلة دعني أستمتع بها وأتحسس جسدها الغض الطري بيدي .. دعني أقبل رأسها وألعق (( عصاقيلها )) ..وامصمص ((لسانها )) .. فأن بي وجد عليها ..

المهم انه سحبني ووصلني للمغسلة .. وانا ألوحس (( الحس )) يدي وأمصمص أصيبعاتي (( أصابعي ))
وبعد ما غسلنا وشربنا اللبن (( عاداتي أخربها في الليل ))
طلعنا من عند هالشخصية .. وقلت لأختي (( هااه عساتس تعشيتي )) .. قالت (( أيه تعشينا بس القلطة الثانية .. ونفسي مسدودة)) .. تكفين يا بنت الوليد بن طلال هه

قلت : (( يا حليلتس تقولين قلطة ثانية وهي تسمى الفضلة ))
وبصراحة انا أستغربت أن هالشخصية اللي تعشينا عنده يسوي هالحركة
(( لأنه درس في أمريكا خمس سنوات .. وجلس في بريطانيا سنتين ))

بس قلت هذا طبع السعوديين شيء خاص فيهم ..

وأستغرب من هالحريم فعلاً (( اللي تكرف وتدهر بالطبخ من المغرب ألين ما يتعشون تاكل (( من الفضلة )) .. وكيف لها نفس تاكل بعد أن لوثتها أيدي الرجال .. يعني هالحين ماتدري وين حاط يده قبل الاكل
بعضهم يجي ما يغسل يده .. واللي طول شغالة في (( خشمه )) .. يستخرج منه النفط خخ .. ولا جالس يحك فيها شعره اللي كله قشرة وغبار وتراب ..ولا المصيبة الكبرى أن يده راح لمكان يمسمس فيها (( .. )) أكمل الفراغ بما تراه مناسب

لا وتاكل وهي تستمتع .. ولا همها هالأهانة لها .. وكأنها درجة ثانية لاوجود لكيانها .. مهمشة .. أهم شي طبخها يصير سنع .. ولا تفشل .. (( طبعا هذا قديما )) .. والحين تطورت المرأة وتعلمت وفهمت .. لأنها ما عادت تطبخ في البيت الذبيحة (( تطبخ عند الطباخ )) .. بس الفضلة لها هي واللي عندها من الحريم

(( الحين عندي سؤال لآكلات الفضلات .. كيف تنفتح نفستس للأكل من فضلة الرجال .. هالرجال اللي حط يده اغلبهم ما يغسلون يديهم .. والله أعلم وين كان حاط يده قبل ))


لا فعلاً .. عندنا اهانة للمراة ما بعدها اهانة .. ولازم تتحرر المرأة عندنا من أفكار وتقاليد ما انزل الله بها من سلطان ..
فرضناها عليهن .. وكأنهن عبدات عندنا لا مشاعر ولا احاسيس (( وبرضاهن المشكلة ))


تحياتي لكم


ا

[أنوار المدينة]

[align=center]إقلاع حتى الضياع

كيف تسمي النعمه ...... فضله ؟

استغفر الله

بعدين إذا كان كلامك بهاي الطريقة يعني هل إنت من نوعية الرياييل يلي ما يغسلون أياديهم ؟

مستحيل يلي تقوله أنه يصير ( طبعا على حسب يلي أشوفه عندنا ) لأنا كمجتمع إماراتي

الحريم ياكلن بعد الرياييل ........ أعتقد هذا نوع من الاحترام

بعدين على فكرة من قال لك أن النسوان ياكلن محل الرياييل

المكان الماكول يتم رميه لأقرب صحن جانبي ( حتى تأكله الدجاجات )

ومن ثم يتم نشر و توزيع العيش الساخن الموجود في وسط الصحن

صحح معلوماتك لأن الناس لا يتشابهون ..


وغرفة غسل الأيادي تأتي بعد المجلس و بعد تلك الغرفه تأتي غرف الطعام

يعني الواحد ما يدخلها إلا وهو غاسل إيدينه بالماي و الصابون المعطر بعد



[/align]

[خالد الحربي]

اقتباس:  المشاركة الأصلية كتبت بواسطة أنوار المدينة     [align=center]إقلاع حتى الضياع كيف تسمي النعمه ...... فضله ؟ استغفر الله بعدين إذا كان كلامك بهاي الطريقة يعني هل إنت من نوعية الرياييل يلي ما يغسلون أياديهم ؟ مستحيل يلي تقوله أنه يصير ( طبعا على حسب يلي أشوفه عندنا ) لأنا كمجتمع إماراتي الحريم ياكلن بعد الرياييل ........ أعتقد هذا نوع من الاحترام بعدين على فكرة من قال لك أن النسوان ياكلن محل الرياييل المكان الماكول يتم رميه لأقرب صحن جانبي ( حتى تأكله الدجاجات ) ومن ثم يتم نشر و توزيع العيش الساخن الموجود في وسط الصحن صحح معلوماتك لأن الناس لا يتشابهون .. وغرفة غسل الأيادي تأتي بعد المجلس و بعد تلك الغرفه تأتي غرف الطعام يعني الواحد ما يدخلها إلا وهو غاسل إيدينه بالماي و الصابون المعطر بعد [/align]

الحمدلله والشكر نعمة ما قلت شي (( بس أسمها فضلة ))

والفضلة ما ياكلها إلا الغراب

(( بصراحة انا من النوع اللي إذا شفت الأكل أدوخ وأنعمي ولا أغسل يدي ))

وأغلب اللي ياكلون وانا أشوفهم شوفه عيني ما يغسلون يدينهم قلة بس تغسل يديها ..

اجل الماكول تعطونه لدجاج
على تسذا إذا كل الذبيحة لدجاج لأن ما يبقى فيها إلا العظام

تحياتي لتس

[هايدي الجميلة]

اقتباس:  المشاركة الأصلية كتبت بواسطة أنوار المدينة     [align=center]إقلاع حتى الضياع كيف تسمي النعمه ...... فضله ؟ استغفر الله بعدين إذا كان كلامك بهاي الطريقة يعني هل إنت من نوعية الرياييل يلي ما يغسلون أياديهم ؟ مستحيل يلي تقوله أنه يصير ( طبعا على حسب يلي أشوفه عندنا ) لأنا كمجتمع إماراتي الحريم ياكلن بعد الرياييل ........ أعتقد هذا نوع من الاحترام بعدين على فكرة من قال لك أن النسوان ياكلن محل الرياييل المكان الماكول يتم رميه لأقرب صحن جانبي ( حتى تأكله الدجاجات ) ومن ثم يتم نشر و توزيع العيش الساخن الموجود في وسط الصحن صحح معلوماتك لأن الناس لا يتشابهون .. وغرفة غسل الأيادي تأتي بعد المجلس و بعد تلك الغرفه تأتي غرف الطعام يعني الواحد ما يدخلها إلا وهو غاسل إيدينه بالماي و الصابون المعطر بعد [/align]

اي احترام ؟؟

اهو احترام أم احتقار؟؟

بصراحه انك صدقك اخوي ..

هالعادات والتقاليد..

مو من الدين ..

يعني هذي اشياء تعودنا عليها

ومنها ان المراءة تركب وراء بالسياره اذا كان فيه رجلين ختى لو انا اكبر او عمه او خاله

واشياء كثيييره

ايوه انا ابغى اتحرر

ابغى اتحرر من هالعادات والتقاليد .. ماهي من الدين ولم ينزل الله بها من سلطان

الي متى وهاذه افكارنا ؟؟

متى سنتطور ونرقى بفكرنا؟؟

[أنوار المدينة]

[align=center]السلام عليكم و رحمة الله و بركاته

هايدي الجميلة

سؤال

إذا أكلتي بعد الوالد أو أخوج أو عمج أو خالج هل هذا راح ينقص شيء في نفسج

يا أختي الفاضله نحن بدو و ما عندنا ( السيدات أولاً ) لكن في نفس الوقت مش جاهلين و العادات و التقاليد مش نفس قبل بالضبط في تعديل فيها خصوصا إذا تكلمنا من ناحية طريقة تقديم الأكل ...

بعدين الريال له أحترامه و قدرة و حتى إذا ركبنا في الكرسي الورا من السيارة ما فيها شي و لا راح تنهد الدنيا

شكرا جزيلا[/align]

[خالد الحربي]

اقتباس:  المشاركة الأصلية كتبت بواسطة أنوار المدينة     [align=center]السلام عليكم و رحمة الله و بركاته هايدي الجميلة سؤال إذا أكلتي بعد الوالد أو أخوج أو عمج أو خالج هل هذا راح ينقص شيء في نفسج يا أختي الفاضله نحن بدو و ما عندنا ( السيدات أولاً ) لكن في نفس الوقت مش جاهلين و العادات و التقاليد مش نفس قبل بالضبط في تعديل فيها خصوصا إذا تكلمنا من ناحية طريقة تقديم الأكل ... بعدين الريال له أحترامه و قدرة و حتى إذا ركبنا في الكرسي الورا من السيارة ما فيها شي و لا راح تنهد الدنيا شكرا جزيلا[/align]

أكيد حتى لو أكلت بعد أخوها وأبوها وعمها وجدها وجد جدها الأول وجد جد جد جدها الخمسين تعتبر اهانة لها


ومشكلتنا دائما في عادات لا تحترم المرأة وقيمتها .. وتعتبر المرأة من الدرجة الأخيرة ..


شكرا

[خالد الحربي]

اقتباس:  المشاركة الأصلية كتبت بواسطة هايدي الجميلة     اي احترام ؟؟ اهو احترام أم احتقار؟؟ بصراحه انك صدقك اخوي .. هالعادات والتقاليد.. مو من الدين .. يعني هذي اشياء تعودنا عليها ومنها ان المراءة تركب وراء بالسياره اذا كان فيه رجلين ختى لو انا اكبر او عمه او خاله واشياء كثيييره ايوه انا ابغى اتحرر ابغى اتحرر من هالعادات والتقاليد .. ماهي من الدين ولم ينزل الله بها من سلطان الي متى وهاذه افكارنا ؟؟ متى سنتطور ونرقى بفكرنا؟؟

لا عااااد ..

اما أنكن تركبن قدام بالسيارة .. وا عيباه بس

تخيلي انا ما ودي أسوق وأخوي ساق بنا ومعي أمي ..
أخليها قدام وانا ركابن ورى .. وشافني أحد الأعداء .. وش يبي يقول عني
لا معصي وألف معصي

أصلاً بكل دول العالم ما عدا الخليج .. اللي يركب ورى هذا له مكانه كبيرة .. وتكريم له .. واللي يركب قدام أقل شأن .

يعني حنا إذا خلينا الحريم ورى هذا تكريم لهن على الطريقة الغير خليجية ..


شوفي ..

التحرر من عادات جاهلية مالها أساس بالإسلام .. أمر مفروض بس المشكلة في مجتمعنا الخليجي والسعودي الذكوري والأنثوي .. مهما تعلم الشخص ووصل لأرقى مراتب العلم .. تبقى أفكارة إجتماعية بحته .. لعوامل نفسية صعبة يتجاوزها .. وإلا أعتبر من (( المتفرنج .. على وزن الفنرجة .. أين الجزية ))


تحياتي لك

[سيدة الحور]

هههههههه الله يحوم تسبدك وعععععععع احس بغثيان

يبي يجي يوم ياكلون الرجال عقب الحريم <<متوهقه

[خالد الحربي]

اقتباس:  المشاركة الأصلية كتبت بواسطة سيدة الحور     هههههههه الله يحوم تسبدك وعععععععع احس بغثيان يبي يجي يوم ياكلون الرجال عقب الحريم <<متوهقه

أزيدتس من الشعر بيت .. السعابيل اللي تقوطر على الأكل لا تنسينها

ناكل عقب الحريم !

ليه غربان حنا

[Queen of buraydh]

خخخخخخخخخخخ ايه فعلااا اهانه ,,, بس انا تذبحني ولا آكل بعدهم ,,, يا اخي عمري ما أكلت مو لازم اتعشى.. اذا رجعت للبيت أكلت

بس برضو احسها هالعاده بدت تتلاشى بووقتنا هذا ,,, مدري انا اللي اشوفه انو قليييييييل مره يسوون كذا ,, صحيح الرجال يتعشون قبل الحريم , بس لما يجي وقت الحريم يجددون الأكل من جديد ,,,

[جناان]

خخخخخخخخ
وععععععععع
حامت كبدي الصرااحه من وصفك
الله ياخذ العدووو
مثل ما قالت انوار
اذا كانوا مضطرين ياكلون بعد الرجال يرمى المأكول منه ويرتب من جديد ..
لكن
في الوقت الحالي تكااد تختفي هذه الطريقه ..

[بنت الديرة]

لا الحمدلله أشوف ان هالعاده مندثره عندنا ببريده ماصارت موجوده مثل أول

[خالد الحربي]

اقتباس:  المشاركة الأصلية كتبت بواسطة بنت الديرة     لا الحمدلله أشوف ان هالعاده مندثره عندنا ببريده ماصارت موجوده مثل أول

ببريدة عاد

شوفي .. هالعادة في القصيم والشمال .. والرياض .. والجنوب .. منتشرة أنتشار رهيب ..

[أنوار المدينة]

[align=center]الحمدلله والشكر نعمة ما قلت شي (( بس أسمها فضلة ))

والفضلة ما ياكلها إلا الغراب

يعني نحن الحين غربان ؟؟؟

(( بصراحة انا من النوع اللي إذا شفت الأكل أدوخ وأنعمي ولا أغسل يدي ))

وأغلب اللي ياكلون وانا أشوفهم شوفه عيني ما يغسلون يدينهم قلة بس تغسل يديها ..


النظافة من الإيمان تراها


اجل الماكول تعطونه لدجاج
على تسذا إذا كل الذبيحة لدجاج لأن ما يبقى فيها إلا العظام


الدجاج ما ياكل إلا العيش هب الذبيحه تباه يموت و لا يتوحش علينا

تحياتي لتس

شكرا لك[/align]

[خالد الحربي]

اقتباس:  المشاركة الأصلية كتبت بواسطة جناان     خخخخخخخخ وععععععععع حامت كبدي الصرااحه من وصفك الله ياخذ العدووو مثل ما قالت انوار اذا كانوا مضطرين ياكلون بعد الرجال يرمى المأكول منه ويرتب من جديد .. لكن في الوقت الحالي تكااد تختفي هذه الطريقه ..

والخافي اعظم من الوصف

وش يرمون ؟

اللحم ما ينرمي .. اللهم ان الرز بس يزيدونه عشان يخون التجاويف بالصحن من أثار الجريمة النكراء