عاجل:صورة الجلابية التي تحمل طلاسم سحر وشعوذة وتباع ببريدة..!!!

[الذاهبة]

شكرا جزيلا استاذ سلطان المهوس


من خلال ما اسمع عن السحر و أدواته .. يشترط شرط أساسي ..

أن يكون لدى الساحر : شيء من أثر المسحور ..


بمعنى لو كان السحر بهذي البساطة .. كان وش سوّوا السحرة فينا ؟!

يصنعون من ذا الملابس و يسحرون كل العالم ..

اذا جيت تسحر أحد .. لازم تعرف أشياء خاصة في هذا الأحد ..

مو كذا ..!


بالنسبة للأعراض اللي جت السيدة هذي .. بصراحة الحريم كلهن نفسيات

و أنا اولهن ..

يعني .. إذا الشكوى من حرمه .. ماعليكم ..

خلوا ولي أمرها يطلعها يمشيها .. و يعشيها برا .. و يشتري لها برادة موية جديدة ..

و إن شاء الله بتهدأ أباليسها .. و يروح السحر و أعراضه ..

و الله يعافي كل مبتلى ..



بالمناسبة ..

ألوان الجلابية المعروضة اعلاه .. و حركة اليد هذي .. وحدة نازلة و الثانية مشدودة

بصراحة ما تطمن ..

يعني الله العالم إن في وسطها جنيني صز !

[رائعة الروائع]

ألف شكر لك ياأخي
والحمدلله فكنا الله من شرهم وبلاويهم
أما كون السحر بهذه الطريقة فأظن أنه لن يسلم أحدمنه

[ابو ريما الخالدي]

جزاهم الله خيراً
وحمى الله حراس الفضيله من كل سوء

[The Free Man]

مع احترامي الشديد لك اخي سلطان

ولكني اعتقد ان الموضوع فكاهي

و اعتقد مثل ماقال اخي ابو غريب

اقتباس: المفروض ينقل الموضوع الى قسم الطرائف

[بريداااااوية]

الجلابية طلعت عندي ولبستها كم مرة ماجاني شيئ
ممكن تكون هذي طلاسم بس مهب ضروري ان فيها سحر
السحر عشان يتم له شروط كثيرة

[محبك يابريده]

للأسف حنا صرنا معهم معهم عليهم عليهم عليهم كل شي نصدقه ونحس انه قد أثر علينا والمقصود هو توجيهه لبريده وان العالم بلشن بنا يا أهم شعب بالعالم ياناس والله ان ما احد يدري عنا والله من زين علومنا الله اكبر يا اليابانيين والا الالمان ؟
يا ناس يا هوه المصنع الصيني ترك التفكير بالربح وفكر وشلون يسحر حريم بريده عيب والله هاللعب بعقول البنات؟
جلابيه تحمل طلاسم صار السحر والم للي تلبسها والله شي يخجل وحده موسوسه بدت تقول انا بديت ادوخ ووحده جاني صداع يالله عاد وش يفكنا؟
السحر مو زي شرب المويه بعدين فيه كتب موجوده فيها من هالطلاسم وكذلك يوجد تحف ومزهريات تحمل نفس الطلاسم؟
هذا نوع من انواع الفنون عمل على شكل جميل وتم طبعة بالقماش السحر له شروط كثيره ومو رخيص يباع بخمسين ريال بالخيمه؟

انا والله ما ضيق صدري الا هاللي يبيع هالبضاعة راح يصادرونه هالشهبان اللي ما شاء الله ذابحهم الاكتشاف ومصورين مع الثوب تقول سبق صحفي
سيدتي لا يسعني الاان اقول لك ( كبري عقلكي)

[*راما*]

خساره ماطلعت عندي صورة الجلابيه

كنت ابغي اشوف هي مثل الي عندي والا لا

[بريداااااوية]

اقتباس:  المشاركة الأصلية كتبت بواسطة محبك يابريده     للأسف حنا صرنا معهم معهم عليهم عليهم عليهم كل شي نصدقه ونحس انه قد أثر علينا والمقصود هو توجيهه لبريده وان العالم بلشن بنا يا أهم شعب بالعالم ياناس والله ان ما احد يدري عنا والله من زين علومنا الله اكبر يا اليابانيين والا الالمان ؟ يا ناس يا هوه المصنع الصيني ترك التفكير بالربح وفكر وشلون يسحر حريم بريده عيب والله هاللعب بعقول البنات؟ جلابيه تحمل طلاسم صار السحر والم للي تلبسها والله شي يخجل وحده موسوسه بدت تقول انا بديت ادوخ ووحده جاني صداع يالله عاد وش يفكنا؟ السحر مو زي شرب المويه بعدين فيه كتب موجوده فيها من هالطلاسم وكذلك يوجد تحف ومزهريات تحمل نفس الطلاسم؟ هذا نوع من انواع الفنون عمل على شكل جميل وتم طبعة بالقماش السحر له شروط كثيره ومو رخيص يباع بخمسين ريال بالخيمه؟ انا والله ما ضيق صدري الا هاللي يبيع هالبضاعة راح يصادرونه هالشهبان اللي ما شاء الله ذابحهم الاكتشاف ومصورين مع الثوب تقول سبق صحفي سيدتي لا يسعني الاان اقول لك ( كبري عقلكي)

صحيح صارت درجة الوسوسة عندنا عالية

[ديز ابي لن ننساك]

[align=center]سلطان /
بذمتي انت روووووعه وتستاهل بوسه على مواضيعك بالمنتدى وبالصحافه [/align]

[محبك يابريده]

اقتباس:  المشاركة الأصلية كتبت بواسطة سلطان المهوس     شكرا لكل الذين علقوا على الموضوع سلبا او ايجابا........... استغرب ان يستهين البعض بالامر واعذره بنفس الوقت لان الله لم يبتليه ولانه لم يزر ادارة مكافحة السحر والشعوذة بالقصيم ليشيب راسه........!!! اما من يرفض نشر مثل تلك القضايا لانها تخوف المسلمين فعليه ايضا ان يتجه الى خطباء المنابر الذين يخوفوننا بالقصص والعبر كل جمعه وان يطلب منهم السكوت..!! هدفنا وغايتنا تحذير الناس لان تساهلهم وتفريطهم واستهتارهم بالامر جعل السحر والسحرة ينتشر كالنار في الهشيم نسال الله العافية وللمرة الثانية اعذر كل الذين اخذوا الموضوع بعدم جديه لكن يبقى واجبنا الدعوة الى الاصلاح .... قبل شهر ونصف زرت اسرة تعرضت بكاملها لسحر الشغالة الاندونيسية ووجد في البيت احدى عشرة عقدة منها ماتم تثبيته بنومسية الطفل الرضيع..!!! هل هذا الامر لايدعوا الى ان نأخذ الحيطة والحذر من كل شيء .؟؟ ان اصبنا فمن الله وان اخطأنا فمن النفس والشيطان.. اخيرا احترم كل الاراء واتمنى للجميع التوفيق والسداد

ألأخ سلطان معنى كلامك ان كل جلابية معقود فيها كم عقده وعقده وبعدين ايش وجه المقارنة بين شغالة سحرت عائلة وجلابية تباع بالسوق يعتقد البعض منا انها مجرد موديل لجلابية عادية جدا


سؤال أرجو منك ان تجاوب علية بكل صراحة ماذا تريد ان يتم عملة بهذا الشأن
الرجاء الاجابة

[km0311]

اقول الله يعين بس
ان اشوفة عادية ولا فيه اي خلل او عيب وبعدين السحر وينة
يعني بس شفتو احروف قلتو سحر جيبو لساحر

((((( سوليف عجز )))))))))

[سلطان المهوس]

ياجماعة ترى الموضوع رسمي يعني هناك اعضاء ادارة مكافحة السحر والشعوذة الذين اكدوا لنا الخبر...


ثانيا ما الذي يمنع ان يكون هناك عمل من احد الباعة للحريم في السوق عبر الجلابية..

يا اخوان هناك من تسرق حقيبتها واغراضها بدون وعي منها اثناء التسوق وهناك من يتم سحر ابنتها (قمره) وجعلها تسير الى حيث يتم خطفها والامثلة يشب منها الراس في مراكز الهيئة..

مشكلتنا الحقيقية اننا لازلنا لانعترف بالتغير الذي يجتاح بريدة اجتماعيا مع توافد انماط اجتماعية دخيلة الامر الذي يخلق حالة خطر حقيقية علينا....

يعلم الله ان القصد هو النصح والارشاد من منطلق الغيرة على الجميع واتمنى ان تقرؤا موضوع الخادمة الساحرة اليوم السبت بجريدة الجزيرة لتعرفوا ما وصلنا اليه....

تحياتي للجميع..

[TMEEM]

الله يجزاهم خير رجال الهيئه

لكن من اللي بيلبس هالجلابيه والله من شين الذوق

,,,,

[رحّــال]

لا اله الا الله ,,,,,,,,,,,

سؤال بودي لو احصّل له اجابة ليش دائما نطالع الأمور بمنظار اسود ؟؟؟؟؟؟

بعدين اذا كانوا اللي صانعينها بالصين أو الهند على حسب كلامكم وش اللي يبي يستفيدونه من سحركم ؟؟؟؟

بس حق مالكم داعي هذي جزاتهم ؟؟؟؟ هم ناوين يعلمون حريمكم الحروف وانتم تتبلون عليهم ؟؟؟؟

[مرأه من الشرق]

انا ما ادري وش سر علاقة الهيئة بامور الحريم !..
خلصنا من العباة و السيارة و الحين بدينا بالقمصان !..


استغفر الله !...
اللهم لا شماته !..